除夕夜

今日一早起身~心血來潮~好想煮餐飯~因為太倉猝~朋友就約唔到~咁就一家七口食晚飯啦~~~久違了既廚房~三餸一湯~~~茄汁大蝦~就係佢令到我今晚竟然入廚~~~~煎雞翼~幾乎係必食~~~煙肉炒磨菇~賣相差但好好味~~~雪梨雪耳豬展湯~勁咳下要潤一潤~~~難得冇咩退步~~~阿毛依然覺得好食~~~最後~仲有sa媽咪親自去買既cheese cake呀~~~今年就此收爐~明年繼續~~~~~


係我印象中~近呢幾年既除夕夜都係安安靜靜咁渡過~今年都唔例外~阿毛要返工~~~食飽飽就出門口啦~~~唯一唔同就係今年多左柏謙~~~不過佢仲未識同我一齊倒數~~~唔緊要~~~我仲有四隻豬豬陪我~~~其實可能太耐冇入廚房~而家都散晒~~~五隻豬豬陪我早d覺覺豬就好滿足啦~~~

回顧過去一年~總括黎講係好好好開心既~由年頭開始期待"小緣份"既來臨~到十月懷胎~到阿ｂ既出世~到手忙腳亂~到而家漸漸習慣~其實而家諗番每一段既經歷~都好似發緊夢咁呀~~~不過我真係滿足而家既狀況~~~有mo嗲地~柏謙~冬~drop~more~pink~~~真係感覺好warm~~~

希望新一年~~~我地依然係每日都咁開心~~~世界都一樣充滿開心同和平~~~
Happy New Year!!!

執子之手 ~ 與子偕老

執子之手~與子偕老~~~係咪即係兩個人結婚之後~相愛對方~互相扶持~互相體諒~一齊走過人生每一個階段呢~~~
今日係公公婆婆既結婚紀念日~~~我地請佢地一齊去食飯慶祝一下~~~其實自sa媽咪懂事開始~~~我都甚少會見到佢地兩個會有爭吵~~~佢地兩個都可以話係模範~~~唔知係咪爸爸比較順得人~~~佢地係唔會鬧交~~~我覺得係sa媽咪同mo嗲地應該學習~~~希望我地都同公公婆婆一樣~可以相親相愛~~~不但只是一對好夫妻~亦都係一對好父母~~~~~~

今日影左呢兩張相先發現公公同柏謙笑個時~對眼係一樣架~~~~~~

三舊飯團

又係三飯團相聚既日子啦~~~每次見到佢地三個走埋一齊都覺得好搞笑~~~柏謙識得拖女仔隻手仔啦~~~哈哈~~~佢今日唔單止摸瑤瑤隻手仔~~~仲好man咁搭住佢~~~瑤瑤~~~係咪覺得好有安全感呢~~~~~今日小廸廸都有份做護花使者架~~~三個bb加埋真係好好笑~~~但係影大合照都仲係有一定既困難~~~好蝦碌~~~






柏謙:你地影咩呀~~~


瑤瑤:柏謙哥~我好眼訓呀~~~

柏謙:瑤瑤~你攰就休息下啦~~~

瑤瑤:有你~我就放心覺覺豬啦~~~

bOXing dAy

今日終於都到左BOXING DAY啦~~~sa媽咪終於又淪陷~~~又係要與口罩渡日呀~~~咁岩mo嗲地禽晚返夜~~~今日我地一家七口做懶豬~~~齊齊覺覺豬~~~
到夜晚就走左去mega box一趟~~~食個dinner~~~買下衫俾阿b~~~咁就歸家~~~mo嗲地又返工啦~~~~~~
就係咁~~~我地既第一年x'mas就好開心咁過左lu~~~~~~
今晚係mega box食飯個時~~~試下俾阿b自己坐係我地隔離一齊坐~~~佢好好奇~~~周圍望~~~咁就唔駛咁悶訓係架私家車到啦~~~

不過佢坐左係張梳化~~~差d俾張檯遮晒成個人呀~~~哈哈~~~

豬豬們的聖誕節

對豬豬黎講~~~今年既聖誕節就係多左一個失驚無神會大叫既細佬b~~~不過~~~佢地都見怪不怪~~~我諗佢地真係當佢係異形~~~最大進步係佢地可以近距離接觸~~~
之前諗住訂一張喵床俾冬豬做生日禮物~~~點知一路都未有~~~而家岩岩好趕得切做聖誕禮物~~~不過我就覺得好似細左少少~~~如果大dd就好啦~~~佢地既反應係~~~~~~~~開心~~~~~~~~因為只要見有sa媽咪同mo嗲地陪住~~~有咩禮物都係咁開心~~~hehe

聖誕節~~~

今日係聖誕節~~~mo嗲地要返夜~~~中午去左搵公公飲茶~之後本來諗住去哎吔契媽屋企坐一陣就返屋企覺覺豬~~~點知一坐就搞到去食埋dinner先歸家~~~
平時sa媽咪抱住十分鐘都已經頂唔順~~~哎吔tammy契媽仲好心機到抱住阿b覺覺豬~~~勁呀~~~阿b都不知幾like~~~仲訓得好舒服呀~~~~~~

Merry X'mas

哎吔吔tammy契媽幫柏謙整左個x'mas勁舞~~~好搞笑~~~

sa媽咪又即刻幫豬豬們整番個dancing king & queen黎慶祝一下~~~

Merry x'mas

阿b的第一個平安夜

今年既聖誕節特別開心~~~當然最大原因就係多左阿b啦~~~
自從上年開始~~~momosa之家開始冇舉行party活動啦~~~原因當然係sa媽咪懶啦~~~今年既平安夜~我地轉移場地去麥氏家庭~~~阿b差唔多由頭帶到尾呀~~~唔係要食就係要玩~~~最後仲陪我地一齊玩飛行棋呀~~~玩飛行棋期間~仲發現阿b原來對歷史都幾有興趣~~~皆因電視播歷史節目~佢睇到好入神~好認真~~~唔知第日係咪諗住讀文科呢~~~哈哈~~~~~~
壓軸仲有聖誕禮物收呀~~~超級多謝auntie moon呀~~~

雖然有人放飛機~~~不過三個fmaily一齊都已經玩得勁開心啦~~~



有禮物收~~~即刻幾開心~~~

有禮物收就梗係即拆~~~唔駛等boxing day~~~


阿b好喵~~~都係唔like帽類物體~~~戴多幾秒都唔like

呢晚簡直係盡興呀~~~~~~

冬至

第一次~~~今年既冬至多左阿b既參與~~~屋企好似熱鬧左~~~明顯係多左一樣野玩~~~大家都好開心~~~今年mo嗲地冬至日要返工~~~所以~~~家庭聚會改左去12/23~~~好happy~~~阿b又收到April姨婆送既聖誕禮物~~~好開心呀~~~

好開心~~~之謎

我真係好驚訝大家原來對我既好開心咁出奇~~~其實真係冇咩特別~~~真係有感而發~~~我不嬲都係傻婆咁~~~只不過~~~呢幾日覺得好似都幾如意~~~又幾順利~~~所以覺得開心之嘛~~~再加上又到左我至愛既聖誕節~~~就更加開開心心~~~
我都希望個個都開開心心咁過呢個聖誕節啦~~~~~~

好開心~~~

好開心~~~好開心~~~好開心呀~~~~~~

兄弟照

好難得~~~好難得~~~好難先影到佢地兩兄弟既合照啦~~~BB大得快~~~真係講得無錯~~~只係唔見廸廸個幾星期~~~佢已經又大個仔左~~~又靚仔得意左啦~~~
佢地今日都好friend~~~合奏去娛樂我地~~~一個喊時~一個笑~~~互相合作~~~唔俾我地停呀~~~哈哈~~~兩個大左一定一齊做百厭星呀~~~
睇相就知佢地有幾friend啦~~~

三個月啦~~~

歡樂既時光過得特別快~~~阿b三個月啦~~~回顧三個月~~~轉變都幾大~~~mo嗲地同sa媽咪都習慣左~~~而阿b不但只習慣~~~仲識行古惑~~~已經識得蝦人啦~~~由一舊粉團到而家識eerr~~~又識跳舞~~~擺左咁多心機落去~~~見到阿b而家健健康康~~~肥肥白白~~~真係令人好開心~~~係一種無形既鼓勵~~~令sa媽咪覺得選擇暫時全職湊柏謙係一個正確既決定~~~雖然阿b你總會有扭計既時候~~~但係只要你第日大個仔~~~孝順我地~~~咁我地就會好滿足架啦~~~

快樂尋回犬

聽個名~~~呢套戲係應該睇得幾快樂~~~我今晚返到屋企搞掂晒D野~~~阿b覺覺豬之後~~~我就開始睇呢套戲~~~結果~~~我由夜晚十一點幾喊到一點幾~~~mo嗲地放工返到黎入屋個一刻~~~以為發生左咩事~~~呢套真係搾乾我淚既代表作呀~~~
我真係覺得動物既靈性比人類更甚~~~其實我喊緊既期間~~~豬豬們都好不安~~~冬豬更加唔駛講~~~我每次大喊~~~佢都一定走過黎輕咬我~~~可能係叫我清醒d~~~唔好發神經~~~唉~~~豬豬呀~~~我好愛您地架~~~~~~

識得坐~~~

究竟阿b幾時先識得自己坐穩呢~~~今日發覺阿b條頸開始有d力啦~~~勉強都可以自己坐一陣~~~我成日都覺得佢訓係度係好悶架~~~如果佢快d可以坐係度~~~咁就可以多d野玩啦~~~
今日係bebe屋企又坐下~~~返到公公婆婆屋企又坐下~~~張椅大大~人仔就細細~~~好搞笑呀~~~要搵下細椅仔俾阿b先得呀~~~~~~

當阿b遇上bebe

今日經過去左探bebe~~~呵呵~~~好似好耐冇見~~~bebe都仲係好熱情~~~成日都想知bebe會唔會like阿b~~~而阿b又會唔會驚bebe呢~~~其實bebe真係好乖~~~只係聞下~~~又唔會咬~~~不過佢對阿b既興趣其實不大~~~只下索下就走開唔理佢~~~到阿b大個仔~~~唔知會唔會追番bebe轉頭~~~捉尾玩呢~~~好期待~~~~~

新屎坑作品

禽日買左新屎坑返黎之後~~~一路用就一路覺得有d唔對路~~~可能我真係唔多識用~~~又未摸熟部機~~~硬係覺得好難影呀~~~大鑊~~~仲有d後悔唔買番panasonic呀~~~我就係咁架啦~~~用開既brand就一路用~~~咁先有信心handle到~~~好似我部電話咁~~~由sharp一開始出到而家都係用緊sharp~只轉model~完全冇諗過其他brand~~~屎啦~~~究竟我可唔可以扭轉呢個宿命呢~~~