bb translator

究竟阿b講咩呢~~~真係好想知道阿b同我講咩呀~~~佢而家成日都eerr~~~見到冬豬同埋家姐仔就好開心咁eerr~~~好似同佢地講緊我壞話咁呀~~~愈講愈開心~~~
sa媽咪今日又嘗試同阿b溝通一下~~~我問阿b~"媽咪呢"~~~阿b就笑住咁答~"ee"~~~再問佢~~~"咁嗲嗲呢"~~~佢又答~~~"arar"~~~"咁公公呢"~~~"ee erer"~~~"咁婆婆呢"~~~"aarraarr"~~~ 哈哈~~~唔知佢係咪當我傻婆呢~~~問埋d無聊問題~~~
唔知幾時我先知阿b講咩呢~~~幾時先會叫我呢~~~幾時開始每事問呢~~~

阿b食餅餅

阿b識得食餅餅啦~~~不過每次都食到污糟喵咁呀~~~次次都食到好肉緊~~~其實由阿b出世開始飲sa媽咪奶>到飲明冶奶>到飲雪梨水>食糊仔>食粥仔>到而家識得食餅餅~~~真係一個奇妙過程~~~我地都係偏向想阿b自己自然發展~~~佢自己到某一個階段就做某一樣野~~~之前俾糊仔佢食~~~佢唔想食就由得佢~~~到今日~~~佢一樣可以食完一碗糊仔啦~~~係呢個階段~~~冇苛求下見到阿b做得到一件事~~~個種驚喜都幾正~~~

而家食餅餅仲有得送喵毛呀~~~

舒服晒~

禽日睇完神醫之後~~~返到屋企都仲係有d痛~~~舉下手都仲係痛痛地~~~不過~~~今朝醒左之後~~~好似好左好多喎~~~吸塵拖地都難我唔到~~~條筋果然順滑左好多~~~而家只係咳兩聲既時候有少少痛~~~都好~~~起碼唔駛做咩都要就住就住~~~正~~~
初初仲好驚會好似大肚個時跛腳咁~~~要跛住個幾月~~~而家冇樹~~~人都醒神d~~~繼續planning啦~~~呵呵呵~~~

除左神醫既威力之外~~~我相信仲有另一個原因令我豬豬得好豬服~~~就係冷氣開鑼~~~真係頂唔順d濕濕笠笠~~~四豬又甩毛甩到飛起~~~又係日日都在滴血既時候啦~~~

跌打

ｓａ媽咪禽晚都係豬得唔好～～～因為訓係度既姿勢都係好痛～～～所以今日終於去左睇跌打啦～～～都係例牌捽一捽～～～敷一敷藥～～～仲叮囑我唔可以食煎炸野～～～飲ｄ多ｄ水～～～唔好夜訓～～～因為捽既時候好快紅卜卜～～～代表好多骨火喎～～～咁ｍｏ嗲地就下令我飲多ｄ水～～～今晚唔可以遲過佢上床覺覺豬啦～～～慘～～～

哈哈～～～出得去又點會咁簡單～～～睇跌打之前就去左ｓｏｇｏ～～～見到有人買得咁開心～～～諗住去血拼～～～呵呵～～～點知買得咁少喎～～～只不過跟風買左隻杯～～～買左ｄ毛巾俾阿ｂ用～～～就係咁多～～～抵抵抵呀～～～

五年了~

明明上個禮拜仲記得~~~明明前日仲記得~~~明明應該仲記得~~~唉~~~sa媽咪禽日痛到咩都唔想做~~~mo嗲地又"扮"老人痴呆病發作~~~就係咁~~~錯過左搵個藉口黎慶祝一下我地註冊5週年紀念日呀~~~
5年前簽下既婚書~~~重大既決定~~~互相選擇對方為終生伴侶~~~5年之後既禽日~~~換來既就係優閒既一日~~~平淡就是福~~~sa媽咪不需要鮮花~~~不需要禮物~~~只要mo嗲嗲同bb~~~真的嗎??????

母愛的偉大

sa媽咪依然痛~~~但未至於癱瘓~~~所以對於阿b既要求~~~我係可以答應既~~~因為sa媽咪訓係度太痛~~~豬豬唔到~~~八點幾起左身~~~連帶阿b都醒左~~~點知阿b話今晚想出街食下飯~~~咁我就開出條件~~~如果阿b乖乖地覺覺豬一個下午~~~sa媽咪就帶佢去街街啦~~~點知阿b真係由十一點幾豬到三點幾~~~食飽飽又豬過到六點~~~守諾言既sa媽咪梗係言出必行啦~~~阿b~~~你話媽咪係咪好錫你呢~~~

sa媽咪今日同阿b上左一堂瑜珈~~~勁呀~~~

唉~大大鑊

sa媽咪今次真係大大鑊~~~禽日sa媽咪走左去剪頭髮~~~咁mo嗲地就留係屋企同阿b玩單打~~~難得自己一個人赤條條咁出去~~~又點捨得空手而回呢~~~於是sa媽咪就決定托大米~~~係大大大包米~~~10kgRC米~~~咁就出事啦~~~今朝起身都好似有d唔多妥~~~點知愈夜就愈衰~~~都唔知扭親邊一忽~~~總之右手邊好似廢左咁~~~頭先連阿b都抱唔到呀~~~今晚既白白豬時間~~~sa媽咪係全程冇參與過~~~由mo嗲地上陣~~~天啊~~~點算好呀~~~啪左兩粒panadol都仲咁痛既~~~求神拜佛~~~聽日要冇樹呀~~~

阿b大反身

阿b識反身以黎~~~我地都好唔得閒~~~因為佢好搞笑~每次反身之前就要好似吳剛師傅咁運氣大嗌~~~"呀~呀~呀~~~"反左過去之後~~~有時又唔夠力~~~又大嗌~~~真係多得佢唔少~~~日日都要侍候大少爺轉身~~~mo嗲地今日同阿b係屋企玩單打~~~就影到"吳剛師傅"秘密練氣既情況啦~~~

今期推介

呢期日日都有公公出現係個blog~~~皆因呢期阿b好like公公呀~~~見親佢都笑~~~好開心~~~當然公公見親阿b都係勁開心~~~有時我都唔知究竟係阿b氹公公~~~定係公公氹阿b呀~~~

乖b???

今日公公婆婆好得閒~~~佢地既行山友又好想見阿b~~~於是mo嗲地同sa媽咪就一早溜溜帶左阿b入沙田~~~阿b都未知發生咩事呀~~~平時咁既鐘數都未轉身呀~~~面對一圍檯唔識既人~~~初初的確有d驚~~~移交儀式完成之後~~~mo嗲地同sa媽咪就走佬啦~~~據公公婆婆轉述~~~阿b食飽飽之後就唔驚啦~~~人人都抱得~~~仲玩得好開心tim~~~
飲完茶之後~~~公公婆婆帶左阿b返屋企~~~而mo嗲地同sa媽咪又可以返屋企安安靜靜咁覺覺豬啦~~~
呢排成日大叫大嘈既阿b搞到sa媽咪痴痴地~~~心諗公公婆婆都有排嘆~~~點知夜晚返去接阿b既時候~~~公公不停讚阿b今日好乖呀~~~冇扭計~~~好乖呀~~~冇扭計~~~下~~~唔係呀~~~又係sa媽咪既錯~~~婆婆話平時阿b大叫大嘈一定係學左sa媽咪喎~~~睇電視又笑得大聲~~~講野又大聲~~~搞到阿b有樣學樣喎~~~都唔知有冇搞錯~~~明明佢自己奀皮~~~咁都有得賴~~~~~~

冬豬被融化

平時cool爆既冬豬~~~終於俾熱情既阿b融化左~~~難得一見~~~差d拎唔切相機~~~平時多數都係我地將阿b放埋冬豬到~~~未見過好似今次咁~~~由冬豬自己走去搵阿b~~~唔知係讚賞定投訴呢~~~

簡單的快樂

一個悠閒既下午~~~一頓簡單既午餐~~~一個簡單既笑容~~~令人很滿足~~~很快樂~~~

阿b如此懶訓啊

自從阿b識轉身之後~~~就成日都左碌加碌~~~今日玩玩下豬左~~~就搞成咁啦~~~sa媽咪出名"懶訓"~~~阿b簡直完完全全接收左呢個優質遺傳呀~~~

無~聊~

呢個玩意真係無聊到極呀~~~對住精力旺盛既阿b~~~少d無聊野都唔得呀~~~哈哈~~~sa媽咪呢排好busy呀~~~乖啦~~~自己玩下d無聊野~~~唔好成日叫啦~~~
巴冶奧look~~~




謙上宮look~~~

估我唔到look~~~

夜深了

現在已經係夜深啦～～～期期ｍｏ嗲地返夜～～～ｓａ媽咪又跟住一齊返夜～～～究竟～～～夜深了～～～做咩仲唔去覺覺豬呢～～～好忙好忙好好忙～～～

七個月的第一天

今日係阿b踏入第七個月既第一天~~~好有驚喜~~~佢不停要轉身~~~好搞笑~~~今晚洗完白白之後~~~佢突然之間自己唔倚傍任何野~~~自己要坐直~~~ohohoh~~~雖然呢d對 阿b黎講係叫進步~~~但係sa媽咪有點點受不了~~~因為你活動能力愈大~~~需求愈大~~~我用既體力愈大~~~係呢兩日以黎~~~sa媽咪既骨頭有d痛~~~

阿b六個月大啦~

今日阿b六個月大啦~~~仲有六個月就一歲啦~~~距離你識講野~~~識行~~~識走~~~日子不遠矣~~~ 今日的您~~~已經可以坐穩一刻~~~已經可以鯉魚反身~~~亦即係話sa媽咪要進入更恐怖時代~~~要以人釘人戰術對付阿b啦~~~ 呢排阿b成日扭計~~~婆婆話可能係想出牙仔~~~你又成日咬下唇扮sexy~~~個樣勁搞笑~~~究竟踏入第七個月~~~會有咩驚喜呢~~~ 為左慶祝你六個月大~~~將會有新玩具既加入~~~今日試玩~~~的確好鍾意~~~等sa媽咪聽日要開多一樣新玩具黎迎接七個月啦~~~ 今日又要打針呀~~~你好似好鎮定~~~打左落去都兩.三秒先識喊~~~嘩~嘩~~嘩~~~第二針~~~又嘩~嘩~~嘩~~~明明好淒涼咁喊緊~~~一著返褲就笑返啦~~~又喊又笑~~~哈哈哈~~~不過都算叻仔仔架啦~~~ 今日度高磅重~~~sa媽咪覺得你既生長好似慢左d喎~~~係咪你食得太少呢~~~不過醫生又話好好喎~~~咁慢慢黎啦~~~今日有69.5cm~~~9kg~~~快高長大啦~~~ 可以坐係度啦~~~不過依然唔可以太耐 你成日都要企~~~幾時唔駛扶住企就話你叻啦~~~

爸爸的愛

我成日都覺得自己係爸爸既寶貝女~~~由細到大~~~爸爸都對我寵愛有加~~~有時覺得爸爸對我既愛~~~可以叫做愚愛~~~好記得有一次~~~當時我大約有10歲~~~因為我貪玩~~~要跟當時住上水既馨女姨(即媽咪最細既妹妹)返屋企度宿一宵~~~而我地住沙田~~~當我去到既時候就已經開始後悔~~~原因係原來我係唔可以見唔到爸爸媽咪既~~~我太掛住爸爸媽咪~~~於是就打電話俾爸爸~~~同佢講~~~我要返屋企~~~點知~~~爸爸做左一件令我好內疚~又好好笑既事~~~佢放工之後(地點:太子)~~~竟然入左上水~~~不過~~~佢冇接到我~~~點解~~~因為佢根本唔記得馨女姨住邊到一座~~~而佢又唔知馨女姨既電話號碼~~~佢又驚打電話問媽咪~~~俾媽咪知道~~~一定鬧到我識飛~~~於是佢就折返沙田~~~當然遲左咁多返屋企~~~都一樣會俾媽咪問點解~~~呵呵~~~之後~~~我梗係俾人打電話黎鬧我~~~令到爸爸走黎走去啦~~~其實爸爸真係對我好好好好好好架~~~佢對我既愛伸延到阿毛~~~伸延到阿b~~~感覺真係好幸福~好滿足~~~

阿ｂ的吸引力

阿ｂ有超強既吸引力～～～吸引到懶蟲公公出手餵你食糊仔～～～點解ｓａ媽咪餵你個時～～～你唔係咁乖既？？？

阿b也護膚

sa媽咪自問唔係一個真正100%既貪靚女人~~~因為咁耐以黎~~~我只係試過兩次光顧美容院~~~除左同mo嗲地結婚前既幾個月之外~~~亦幾乎冇係屋企做mask~~~除左冬天好乾燥之外~~~幾乎都冇用任何面霜~~~以前返工既日子都話化下妝~~~油下灰水~~~而家真係最多畫下兩條眉~~~懶既程度簡直係100呀~~~
對於一個咁懶既人~~~既可以慳時間~又可以慳$$$~~~因為我知道每一個女人行入化妝品既鋪頭~~~一定頭破血流~~~一頸都係血~~~
今日~~~我只係為左阿b係炎炎夏日~~~防一防蚊~~~就走左入一個深淵~~~女人就係咁易俾人呃~~~sales姐姐話~呢隻好呀~~~用黎洗白白不但只保濕~~~仲可以防蚊~~~又呢隻都好呀~~~洗完白白之後搽~~~可以令bb既skin冇咁乾燥呀~~~又呢隻爽身粉好呀~~~同市面上既好唔同架~~~用左之後好爽~~~頸摺位唔會咁紅呀~~~好吸水架~~~最後~~~主角防蚊lotion出場~~~因為係我本來想買~~~佢好自然唔駛sell~~~我都買~~~之後~~~仲有什麼防曬~曬後用品呀等等~~~夠啦~~~一個bb出街點搽咁多野呀~~~
就係咁~~~又幾百個大洋~~~人仔細細~~~要搽既比我仲多~~~唉~~~仲要咁~~~貴~~~女人$$$同bb$$$係最易賺架~~~

四豬的星期天

冬豬: 星期日~~~悶悶地~~~有咩搞作~~~

囡囡: 覺覺豬~~~好唔好呀~~~

冬豬: 成日剩係識得掛住豬~~~正一豬黎架~~~

moremore: 咁不如玩大眼呀~~~

pinkpink: 唔好~~~不如玩口水囉~~~

白白豬

五隻小豬之中~~~阿b就係至鍾意白白豬既~~~由阿b返到屋企既第一日開始~~~就每日都會白白豬~~~亦都係阿b最興奮既時刻~~~記得當初要幫阿b洗白白既時候係好緊張~~~佢太細粒~~~太柔軟~~~佢返到屋企既第一次白豬係由auntie vicky~小桂嫂操刀~~~睇左一次之後~~~第二次就由頂硬上既sa媽咪出手啦~~~不過~~~成日都話"熟能生巧"~~~都難唔到sa媽咪既~~~每日阿b開開心心咁白白豬~~~雖然準備功夫比真正白白既時間多好多~~~但係阿b同我都係好enjoy個一刻既~~~
由一條小蝌蚪到一隻小肥豬~~~每次落水就撐撐撐~~~游游游~~~我就知道阿b將來一定好好好鍾意游水啦~~~因為阿b日漸長大~~~比起出世既時候已經重左一倍有多~~~四個月大既時候~~~sa媽咪已經唔可以獨力幫阿b白豬啦~~~要mo嗲地都出馬幫手~~~亦由浸浴變到半花灑浴啦~~~阿b不但唔驚花灑~~~更加係鍾意~~~每當花灑係面前~~~佢就會伸長條豬脷去lam水水~~~哈哈~~~真係好搞笑~~~
正因為阿b鍾意花灑浴~~~sa媽咪就買左一張洗澡椅俾阿b~~~一試之下~~~簡直愛上呀~~~以後就可以坐係度慢慢享受啦~~~
四日大既阿b~~~白白既時候已經腳撐撐~~~

三個幾月大既阿b~~~~

新鮮出爐既寶座~~~

玩得比以前更開心呀~~~

大無畏的pinkpink

呢兩日發現~~~pinkpink有著大無畏既精神~~~佢不但唔怕阿b~~~仲可以好好好近距離接觸魔怪阿b~~~有時阿b係我地張床覺覺豬既時候~~~pinkpink都會走埋去聞下~錫下~~~又有時當阿b坐係梳化~~~pinkpink又會毫不畏懼咁坐係隔離~~~陪住阿b既~~~亦有試過當佢地兩個同一時間坐係梳化~~~阿b失平衡~~~成個人爬左去pinkpink到~~~pinkpink都係用一個不屑既眼神超一超就算~~~
究竟pinkpink真係擁有不畏懼既精神~~~還是佢懶到郁都唔想郁呢~~~

EQ

sa媽咪自問以前既ＥＱ好低～～～而家唔係好好～～～好左少少～～～自從有左阿ｂ之後～～～

EQ

sa媽咪自問以前既ＥＱ好好好低～～～好容易受周圍環境影響～～～自從有左阿ｂ之後～～～知道陀住既時候要ｋｅｅｐ住靚靚心情～～～唔想生忟薑～～～個時ＥＱ都好好～～～到阿ｂ出左世～～～有時唔知佢喊咩～～～我都要忍～～～所以～～我覺得自己ＥＱ高左ｄｄ架～～～
但係～～～最近我發覺自己又冇咩ＥＱ～～～見到阿ｂ扭計就想打佢～～～但係有時打完佢～見到佢喊～～～自己又想喊～～～覺得自己好無聊～～～
今日心情好麻麻～～～做左好多野去分散主意力都冇咩大作用～～～再加上阿ｂ今日扭眼訓～～～勁扭計～～～到呢一刻～～～阿ｂ豬豬左啦～～～我周圍搵ｄ野睇下～～～都好似唔多得～～～我～～～究竟做咩呢～～～

菊花糕

之前整左桂花糕~~~咁婆婆就話想食菊花糕~~~仲俾左一樽係佢上次去中山菊花展個時買既菊花俾我試下整~~~今次用左唔同佢材料~~~我驚佢d菊花唔夠味~~~就用左煲菊花茶既菊花煲水再隔渣~~~先再加一塊塊既菊花落去~~~今次又唔用大菜絲~~~用左魚膠粉~~~哈哈~~~都算成功左~~~好好好有菊花味既菊花糕~~~

S之bb

唔知點解~~~阿b前一排明明坐得好叻架~~~呢期佢鍾意坐到"S"型~~~好明顯係一pat爛泥咁呀~~~咁樣對條腰好似唔多好呀~~~無論坐係梳化定私家車~~~都係一patpat咁呀~~~點好呢~~~阿b~~~你如果再係咁~~~我就要你訓菠係度~~~由朝到晚淨係望住個天花板架~~~

阿b的轉轉轉

阿b而家好鍾意返公公婆婆屋企啦~~~次次返去都好開心~~~一來公公婆婆勁同阿b玩~~~二來就係多玩具玩啦~~~佢好好好鍾意玩呢個轉轉轉架~~~玩得好開心架~~~唔知點解玩咁耐都唔厭~~~難為公公每次都咁好心機陪你玩呀~~~sa媽咪真係啋你都傻傻地呀~~~

阿b~~~呢個唔係用隻腳玩架~~~

夏天bb~~~

呢幾日好似開始有d熱~~~阿b都間中出晒汗~~~大汗呢樣野真係似足嗲嗲呀~~~呢幾日係屋企都係同阿b著短袖衫~~~佢出世以黎~~~大部份時間都係包住d手手腳腳~~~而家終於都見到啦~~~哈哈~~~佢不知幾鍾意著短袖衫呀~~~仲成日可以撐手撐腳呀~~~

豬豬b

豬豬b~~~靜靜雞讚下你先~~~過去呢個月你都好乖~~~每晚十點幾洗完白白~~~食飽飽就覺覺豬~~~豬到第二日既十一點幾~~~俾左充分時間我地做下自己野~~~好開心呀~~~你要一路都咁乖呀~~~我講得好細聲~~~你大個d~~~我再大聲d讚你呀~~~禽日嗲嗲一早起身出左去賣旗呀~~~返到屋企都十二點~~~點知你都未起身~~~嗲嗲就決定嘈醒你~~~你個傻bb~~~每次起身同你good good good morning~~~你都好開心咁笑架~~~真係每朝見到你都體會到"一日之計在於晨"呀~~~sa媽咪真係希望你大個仔之後都係一個咁開心既人呀~~~

超級bb

sa媽咪依稀記得係我細個既時候~~~每當去超級市場就會推車仔~~~到而家依然鍾意呢個動作~~~以前既車仔同而家唔同~~~以前既車仔會有一個位可以俾小朋友坐上去~~~然後爸爸媽咪就可以推住自己去揀野~~~而家d車仔多數都係一個籃~~~今日俾阿b試下坐~~~其實又真係幾好玩架~~~再大型d既supermarket~~~會有d奇奇怪怪既手推車~~~有d好好好細既俾小朋友推~~~我就最唔鍾意呢種~~~架車咁細~~~小朋友又細~~~真係好易被人撞到~~~又好易撞到人~~~我大住肚個時就最驚呢d車~~~另外就係一d好大架~~~可以俾bb坐入去~~~好似去遊樂場咁既呠呠車~~~哈哈~~~呢個幾好~~~可以俾小朋友坐入去~~~等媽咪可以安安靜靜咁買野~~~到阿b再大d就可以試下玩啦~~~