快d好,快d好呀!!!

今個week係生日週,有好多大餐等緊我呀!!!

無厘頭又開始咳,仲要係七級肺癆咳...頂頂頂!!!

唔通真係要幫襯樓下間庸醫,我唔想斷送我呢一個星期既美食呀!!!

我又打敗仗啦!!!

唔知係咪上星期去醫院check up既時候俾人傳染,個晚就已經喉嚨痛,跟住就好似感冒咁,又骨痛,又發燒...咁又唔想睇庸醫,唯有訓訓訓,訓左兩日,感覺明明好好,仲可以同古古力,次郎一齊食大餐...點知,返到屋企已經變左兩個人,又黎料,咁就拿拿臨訓啦,點知訓到朝早五點幾,痛到醒左,真係好誇張的痛,痛到連心口,耳仔,牙肉,總之全身左邊既肉都識痛......其實我都知call阿毛係冇用,但希望心理上好少少啦!!!佢只係話"哎呀!真係好痛呀!?咁你飲啖暖水啦!!!試下訓多陣啦!!!我而家有野做緊呀!!!我放工返黎同你睇醫生啦!!!" 頂!!!!!!真係有講就等於冇講...一路眼光光就等天光...
阿毛返黎就仲煩,一返黎就話要去睇庸醫...一路講到十點幾...我好堅持!!!結果,食左上次入st.teresa既時候,開俾我既panadol,好彩又訓到...神奇!!!一起身就冇事,又唔痛喎!!! 係咪呢!!好彩冇去俾$$$庸醫駛呀!
故事係未完架!!!我發覺呢d叫"半夜痛"...因為而家又唔知咩事,又開始喉嚨痛,仲要咳tim...唉...希望明天會更好呀!!!!!!

白白豬

好彩有呢個blog做record,都唔記得幾時幫班豬仔洗過白白,其實都唔係好耐,都係一個月之前既事...唔知點解,佢地可以污糟得咁緊要...喵展完左,終於都同左污糟到爆既囡囡同moremore白白豬啦...好好好白滑...呵呵!!!呢兩日直情攬住囡囡唔捨得放呀!!!好香香呀!!!不過,moremore今日已經變番好樣衰啦...
仲有冬豬,佢已經兩個月冇白豬啦!!!唉!!!幾時先的起心肝呀?!每次望到佢,想同佢白豬之際,佢個樣就話俾我地聽,"我冬豬仲好靚仔,仲好白喎,唔駛勞煩你地啦!"就係咁,每次都鳴金收兵!!!今日,我終於踏出左第一步,就係幫佢剪左腳板底同patpat既毛啦!!!阿毛,幾時會踏出第二步呢?!
其實我想問,究竟幾時佢先會學識自己洗白白,自己吹埋頭呢!!?

2007貓展

2007年4月14及15日既貓展,終於倦極完成!!!
PinkPink今次既成績好好!!!我地都好開心!!!不過真係勁支力,可能今次冇得行街街,又冇野買,時間真係好難打發!!!PinkPink全程都係訓訓訓...佢今次仲有幸參見左煩她死盟主,但係因為盟主當日心情欠佳,於是施展左龍爪手黎教訓呢個十二金釵之一......
今次喵展見到好多唔同種既喵,我發覺我好貪心,我不停同阿毛講..."如果我成屋都係喵,我要養呢隻..."哈哈!!!我要間大d既屋呀!!!其實又唔係太多,我數過加埋冬.drop.more.pink,最多都係有一打喵係屋企......希望願望成真!!!!!呵呵呵!!!
其實PinkPink仲有最後使命,就係黎緊4月28號既唔知咩貓會既貓展!!! 努力!加油!!! 以最佳狀態完成呢個榮休告別戰!!!!!!

(今次我冇相機,你地如果有靚相就醒d俾我post啦!!!)

Pinky於2007年香港貓迷會舉辦之貓展獲得之獎項,

5th Best Cat in Premiership in Ring 2

9th Best Cat in Premiership in Ring 3

7th Best Cat in Premiership in Ring 4

Best Cat in Premiership in Ring 5

4th Best Cat in Premiership in Ring 6

又貓展啦!!!

今個weekend又有貓展啦!!!
今朝拖下拖下咁同阿毛一齊搞掂左pinkpink,佢一路沖,一路鬧,勁不滿!!!
本來洗完白白就靚女晒!!! 點知晴天霹靂,佢竟然去屎屎......
因為佢後腳d毛太長,每一次屎屎尿尿既時候,都總有d"痴住痴住"...佢一入屎坑,我同阿毛好似癲左咁,尤其係我,我好似癲婆咁嗌,我真係好驚,好驚佢成身都係,呢樣野上星期剛剛經歷過,成間房,成張床都係爛屎屎...
我一路望住佢屙,不禁大嗌"佢屙屎屎呀!!!!!!"一屙完,好大篤呀!!!有d爛爛呀!!!唔好呀!!!我救下你呀!!!快d出番黎啦!!!pinkpink當然唔知咩事,呆坐係個屎坑入面,我強行打開個屎坑蓋,一抱佢出黎,"天呀!!!屎呀!!!痴住左呀!!!點算呀!!!"好彩唔係一大pat,比想像中要好,應該唔駛再沖過!!!
希望大步檻過呢三日!!!
而家佢仲未尿尿,唔該你呀!!!pinkpink大小姐,屙好d呀!!!
等你show完,媽咪定必幫你落髮,等你唔駛咁痛苦!!!