豬豬的近況

自從呂柏謙加入左momosa之家後~~~豬豬們到呢一刻都好適應~~~未有受太大影響~~~反而sa媽咪多左一樣玩具~就玩少左佢地~~~哈哈~~~唔會再迫佢地做我既model~~~轉移目標去一個未有反抗能力既小b身上~~~豬豬們就真真正正養豬處優~~~而佢地大多數既活動就係"訓"~~~而其餘時間都係"訓"~~~尤其天氣咁凍~佢地出沒既時間係平均一日唔多於兩小時~~~哈哈~~~~~~真係好訓得~~~~~~

首先係大佬冬~~~佢而家既落腳點多數都係阿b房既大班椅~~~訓到不知天昏地暗~~~好奇怪~~~就算豬到邊個程度~~~夜晚一定識得起身號召大家出黎食罐罐~~~絕不蝕底~~~


囡囡既本身從來冇變過~~~就係訓訓訓~~~而起身只為食同梳毛~~~哈哈~~~好勁喎~~~又係無論有幾熟睡~~~只要聽到我拎起把梳~就已經9秘9走過黎~~~每日至享受sa媽咪既body message~~~





唯一仲係稍為有d知覺~~仍然好動既就只有moremore~~~八婆就即係八婆~~~完完全全係跟出跟入~~~我而家列佢為最"曳"既豬豬~~~因為佢而家竟然會失驚無神咁走入我地個茅次就地尿尿~~~真係見鑊打鑊~~~不過好矛盾~~~佢又成日嗲到你暈~~~真係一啖沙糖一啖屎~~~~~~




而長期失去知覺既pinkpink~~~就係長期隱居~~~佢真係不枉有一個"白痴pink"既外號~~~唔知點形容~~~佢d行為真係白痴得緊要~~~不過~~~pinkpink而家大膽左好多~~~唔多怕陌生人lu~~~

遺傳

今日仔細看~~~又再睇下阿b似邊個~~~發現阿b既眼睫毛都幾長~~~真係好啦~~~我至愛長長既眼睫毛~~~呢樣真係似mo嗲地~~~再看看~~~阿b既小手又白又滑~軟綿綿~~~呢樣真係似足sa媽咪~~~(不過自從阿b出左世~sa媽咪對手變左工人手~~~又粗糙又乾燥)
今日只係睇到呢兩樣~~~阿b已經醒左lu~~~搵日睇埋其他位置先!!! 3

喵之家族

既然係喵之家族既一份子~~~又點可以冇喵係身架~~~係阿b未出世之前~sa媽咪一見到呢件衫就即買啦~~~又係曾經拎過出黎度下~~~都預左下年過左冬天先著~~~點知~今日拎峴黎試下~~~又好似岩喎~~~又好似再唔著~~~下年就怕唔岩啦~~~
係咪好喵呢~~~好鍾意呀!!!!!

準備就緒

究竟準備就緒做咩呢~~~

答案就係18-15秘之間~~~

搖搖搖~~~

首先要多謝auntie cecilia,千里迢迢托朋友帶左呢個小玩意送俾柏謙~~~曾經以為阿b要大d先可以坐~一路都冇試過再俾佢坐上去~~~點知一坐~公公就話"哈~~~岩坐啦~~~再唔用就唔岩用啦~~~"估唔到阿b大得真係咁快~滿月個時放佢落去坐都仲未得~而家已經好似就黎唔岩咁啦~~~
不過~柏謙都幾like~~~有時搖搖下就覺覺豬架啦~~~~~~

鬥雞b

阿b而家識得望人啦~~~但係有時個焦點都係唔多準確~~~經常出現呢個鬥雞樣~~~超級搞笑~~~~~~

影相之秘訣

對於我黎講~影喵豬同影BB一樣~~~~~~"難"~~~當我ready影~佢地就走~郁~擰~~~究竟影bb有咩秘訣呢~我地已經第四次落樓下影架啦~~~哈哈~~~可唔可以有一張bb同我地都齊齊望鏡頭既呢!!!

發展評估

今日~~~柏謙要返健康院做兩個月大既發展評估呀~~~一齊正常~~~一個"好"字!!!
佢而家既體重係6.01kg~13.2lbs~~~身高有59cm~~~頭圍有40cm~~~我相信佢係一個中大碼小b~~~姑娘話對一個食人奶既bb黎講~~~佢既增長算好了~~~咁我地就放心啦~~~佢仲話bb可以食人奶至兩歲呀~~~下~~~sa媽咪應該冇咁偉大~~~餵人奶真係好困身呀!!!最多獎你食多一個月啦~~~

而家阿b開始喊到可以有好大滴眼淚啦~~~個樣真係好可憐架~~~冇眼淚既就俾我列為扭計~可以不理~~~

靚女唔怕多~~~

靚女登場~~~呵呵~~~超過個多月冇摸過d咁滑溜既物體啦~~~簡直要讚下自己~又讚下豬豬們~~~sa媽咪用高超既技術,再加上豬豬們既天生麗質~~~冇得彈呀~~~又香又滑既小豬豬~~~yummy~~~~~~
註: 點解會係三又四分之一隻豬呢~~~哈哈~~~又有豬申請豁免呀~~~咁今次我就豁免左佢四分之三,另外既四分之一就敗訴~~~佢就係"油尾加冬"~~~哈哈~~~

累得要屎~~~

今日~~~我終於搞掂左啦~~~我成功將三又四分之一隻豬豬白白豬啦~~~好支力好支力~~~講不出聲~~~寫不出來~~~明天繼續~~~~~~

外甥多似舅~~~

由阿b未出世~~~呢個舅父已經成日提住"外甥多似舅"呢句說話架啦~~~
今晚去megaBOX食飯~~~舅父抱住柏謙~柏謙就係咁笑笑口~~~
哈哈~~~究竟係咪真係似呢~~~

兩個月啦~~~

又唔經唔覺~~~柏謙BB兩個月大啦~~~呢兩個月以黎~~~都有好多好多改變~~~唔單止阿b一個既改變~~~係momosa家裡上上下下所有成員都有改變~~~大家都變得眾志成城為頭家~~~哈哈~~~
不過,我想同阿b您講,由你來臨既一刻~~~sa媽咪．mo嗲地由開心~到不知所措~到興奮~到忟憎~到習慣~到欣慰~到窩心~~~由現在到將來~~~每一刻我地都會好好珍惜架~~~您都要一樣~~~無論如何~~~您．mo嗲地．sa媽咪．冬豬．同三個家姐仔都要相親相愛～～～幸福快樂！！！
兩個月既變化～原來可以好大架～～～
由出世個日～到滿月～到現在～～～係咪好唔同呢～～～

德福呀~~~

今年德福既聖誕佈置搞掂啦~~~好得意呀~~~雖然年年我都覺得佢地會浪費資源~~~差唔多三個月就換一次decoration~~~但係~~~真係正到"dum"一聲呀~~~已經急不及待影左兩次~~~但係阿b次次影都訓訓地咁~~~同埋真係超超超多人~~~等我地搵日再約d專業人仕再影過先~~~
哈哈~~~難得呢幅眼仔睩睩~~~但係又睩左上天花板~~~~~~

十年

人生有幾多個十年呢~~~不經不覺~我已經走過三個了~~~今日係sa媽咪同mo嗲地既中學同學~~~auntie moon同uncle mak成親既大日子~~~我地都相識有十年多啦~~~
~~~~~~~~願你倆白頭到老．永結同心~~~~~~~~
回想起舊史~~~auntie moon同uncle mak好似係最早痴埋既一對~~~而家佢地拉埋天窗~~~今日既婚宴真係令我覺得好感觸~~~水造既sa媽咪見到佢地march-in既時候~聽到佢地宣誓既一刻~~~差dd就落淚~~~哈哈~~~好彩忍得住~~~如果唔係又俾mo嗲地話我低能架~~~
最令我感觸既係諗番起十年前既每一樣傻史~~~1997年頭~sa媽咪愛上了mo嗲地~~~同年既6月改變左我倆既一生~~~我地由半地下情轉到地上情~~~哈哈~~~真係好好笑~~~就係咁~~~我地就互相依賴到現在~~~我地亦一齊經歷每個時段既轉變~~~有好多好多開心同唔開心~~~~~~真係全部都有血有淚~~~有機會真係要寫低佢黎慢慢回味~~~
呢一刻~~~我只希望我地可以努力咁維繫呢個好溫暖既家~令呢個家一日比一日溫暖~~~

相體大日子

今日係柏謙相體既大日子~~~哈哈~~~其實係女朋友仔~靜瑤妹黎探阿b呀~~~女仔係唔同d~~~又乖又文靜~~~
阿b今日簡直係"0"分呀~~~不停扭計~~~完完全全勁失禮呀~~~
其實今日係三b聚首既日子~~~不過實在太混亂~~~我地都冇機會大合照~~~下次一定要再影過~~~

柏謙~~~今日女朋友仔黎探你呀~~~扮靚仔d呀~~~

知道有女仔黎探自己~~~佢不知幾興奮呀~~~

呢個奀皮bb就係咁架啦~~~女朋友仔既爸爸拎左部靚靚相機黎架嘛~~~全日都眼仔睩睩~~~就係相機一對準就搵周公~~~完全係玩野呀~~~


呢個就係好女友啦~~~係咪好嬌小玲瓏呢~~~

女朋友都冇佢咁好氣呀~~~

小綿羊與瘋狂小修女

原來磅豬豬們既磅係用唔到落阿b既身上架~~~仲諗住禽晚齊齊磅~~~點知失敗左~~~今日返公公婆婆到,舅父用左一個唔多正規既磅法~準成度大約有90%啦~~~嘩!!!嚇左我一跳~~~柏謙弟弟已經有14lbs啦~~~
p.s.之前估得最接近既auntie wan,小王賞賜你可以親吻我既pat pat~~~

今晚呢個造型(因為回家途中好大風,隨手拎起件外套當頭盔~~~)~~~我好鍾意~~~sa媽咪覺得阿b似小綿羊~~~好cutie~~~點知mo嗲地一睇就話似修女也瘋狂既修女造型呀~~~哈哈~~~~~~



好緊張呀~~~聽日又可以見下柏謙個女朋友仔~靜瑤妹同埋好兄弟~小廸廸啦~~~

55日大啦~~~

呂柏謙已經有55日大啦~~~哈哈~~~大個仔啦~~~可以去溝女啦~~~各位ｕｎｃｌｅ．ａｕｎｔｉｅ～～～你地估下柏謙而家有幾重～

兄弟聚頭

禽日~我地又去左探阿b既好兄弟~~~嘩~~~冇見一個禮拜~~~小廸廸又大隻左啦~~~唔知係咪日日都見住柏謙~~~唔多覺佢大粒左~~~只係覺得佢d兄弟姊妹大粒左~~~
今次見面佢地好似都仲係冇咩眼神交流咁呀~~~唔知下次會唔會開始互超呢~~~

安樂茶飯

想出街食一餐安樂茶飯~本來係一件好容易做到既事~~~但當要帶住阿b既時候~咁就真係要取決於阿b大少爺既心情啦~~~
自從阿b出世之後~每一次出街食飯都要多一位~又要諗下個間食肆可唔可以容許私家車駛入~~~最重要就係睇下阿b既心情如何~~~其實~咁耐以來~阿b都算好合作~差唔多每次都係唔會騷擾我地食飯~只會係我地食飽飽之後先起身娛賓既~~~簡直冇得彈~~~但係~~~~~~
前日~我地慶祝舅父既生日~去左帝京軒食晚飯~~~唔知點解~由出門口個一刻~佢就開始發癲~我地由坐底個一刻開始~要五個人輪流安撫佢~佢不停咁扭計~簡直想將佢收埋落枱底!!!佢呢d行為真係令我覺得佢好討厭~對於之前我所讚過佢既說話,我要統統收番呀~~~
結果~我連個日食過d咩都唔係好記得~~~腦海裡只有一個字"煩"~~~
好彩到最後切cake影相個時~~~佢可以短暫正常咁影張全家福~~~~~~

擦鞋b

阿b真係一日比一日大．．．唔單止表情愈來愈多，仲學識埋人情世故．．．知道咩人要討好，咩人可以唔駛理～～～呢個擦鞋ｂ落足鞋油．．．搞到公公笑到笑牙唔見眼～～～用同一個方法對待佢．．．唔同既人會得到唔同既效果．．．．．．
今晚，公公同佢玩，佢開心到不得了．．．到我同佢玩，佢竟然扁嘴喊．．．真係想打鑊你呀，臭ｂ～