食之二

究竟有咩令到佢地咁齊心呢?


哈哈!!! 就係食mummum時間啦!!!

囡囡至愛

囡囡最鍾意就係玩, 佢好鍾意好似一隻狗咁, 叫我地掟d玩具俾佢, 佢就追黎玩, 好似捉老鼠咁...另一樣, 就係上床玩,如果同佢玩條狀物體, 佢必定帶領我地同佢上床玩, 個度可以玩得好放心, 又可以玩住黎訓, 阿毛成日都話佢玩玩下就訓著左架啦!!!好鬼得意架!!!

食之一

冬豬係咪gentlemen,你圩睇下佢食野就知啦!!! 幾乖,會讓囡囡食左先架!!! 哈哈!!! 定還是佢係霸王, 見到囡囡食野又唔抵得, 係囡囡後面俾d壓力佢呢?!


我地不嬲都話pinkpink冇衣食, 佢食野既方法衰得很!!! 有幾衰?!?!?! 就係一手撥到地, 撥十粒, 可能食得五.六粒, 一來浪費, 二來又食唔肥, 呢d咪叫o徒米飯囉!!!

四隻小老鼠

今日又得raymond幫手, 又可以影下佢地既近照, 今次raymond帶左個魚眼鏡, 好好笑!!! 因為影個時要好近, 咁一係佢地就左郁右郁, 一係就近到kiss個鏡頭...寅係好搞笑!!! 全場最好笑既效果就係冬豬, 佢完完全全變左一隻"超力鼠"!!! 其實有好多相都影得好靚, 可惜, 唔可以所有都擺上blogger, 我放左係album, 邊個想睇而我又唔記得send俾你地既就問得啦!!!
仲有就係, 我發覺原來我屋企都唔細架!!! 阿毛影左我地屋企個樣, 好似豪宅咁呀!!! 咁就唔駛搬屋囉!!!

其實, 對上一次已經係上年11月尾啦!!! 睇番d相有比較, 囡囡自從年頭病完之後, 瘦左好多, d毛又少左好多, 不過, 依然好靚女!!! pinkpink就好明顯澎湃左, 今次影相又已經冇咁驚青!!! 冬豬冇咩唔同, 不過, 佢地第一眼見到冬豬, 就話佢多左好多毛, 大隻左好多, 可能我日日都見到, 未察覺!!! 至於moremore, 都係差唔多, 對眼唔知點解大左又精靈左, d毛都多左dd!!!

幸福之二

喵豬究竟有幾幸福,一睇就知啦!!!無論訓覺,食野...幾時睇佢地個樣都feel到個種舒服呀!!!

豬豬之幸福

之前係angie個blog到, 佢話喵同豬係世界上最幸福既動物!!!我完全認同, 特別係喵!!! 早前,我參加左一個喵人搞既團購, 就係團購佢地既罐頭!!! 今日拎左返屋企啦!!! 嘩!!! 簡直犀利呀...我冇諗過會有咁多口味架!!! 加埋有16款唔同既味道!!! 真係可以慢慢試呀!!! 咁樣係咪真係好幸福呀!? 我自己買零食都唔會一箱箱咁買啦!!! 更加唔會一次過每款都買黎試下啦!!! 所以, 原來有喵奴錫既喵係超級幸福架!!!
p.s.仲要好多謝Ern Dee老豆專程車d罐罐黎我地屋企, 唔駛我地去咁遠呀!!!Thanks!!!

三隻白白豬

足足三個月, 終於都係今日同冬豬洗白白啦!!! 仲順手幫污糟喵moremore同囡囡沖埋啦!!! 整個過程歷時五個幾鐘......見到三隻白白豬,真係滿足到爆呀!!! 話時話, 就算冬豬三個月冇白豬, 其實都依然好靚仔架!!! 白豬完之後, 只不過係多左一份王子既感覺!!!

今日一路同佢地洗白白既時候, 阿b一路同我地打氣!!! 好似好想一齊參與咁呀!!! 哈哈!!! 阿b快d大個, 咁咪多一個人幫手......(發緊夢!!!)

moremore的一週年

唔經唔覺, 已經同moremoe相處左一年啦!!!佢既變化都算大! 首先, 外形都好似唔同左好多, 體重由初初desex之後既6.35lbs, 到而家已經有8.43lbs啦!!!

記得當初, moremore黎到既時候, 好似冇係佢身上睇到一點兒既不安,反而見到佢悠然自得,完全冇受到陌生既環境而影響到!!! 佢真係好叻!!! 適應力好強!!!

而家既moermore仍然係一名嗲精, 無時無刻都喵喵喵, 當佢知道你要出門口, 佢就會跟住你, 不停咁喵, 就好似叫你"唔好出街呀!", "快d返黎呀!!!"; 當你一返到屋企開門個一刻, 無論佢係邊到, 都係第一時間走出黎同我地講, "嗲地,媽咪,你地返黎啦!!!我好掛住你呀!!!" 其實, 呢d動作不嬲都係由冬豬做開, moremore簡直係有過之而無不及呀!!! 佢同一隻小狗係冇咩大分別!!! 一方面會令人覺得佢好煩, 一方面又個心又好甜, 對佢係"又愛又恨"!!!

我相信呢個moremore豬將來一定會好錫阿b架!!! 因為佢係一個好媽媽, 湊大好多好多好叻,好靚既仔仔女女!!!

(moremore在momosa之家既第一日)

(半年後,感覺大隻左好多!!!)

(一年後既moremore,令人感覺好sweet!!!)

住家飯

因為之前檢討過自己有好一段時間做左"無飯主婦", 經過努力掙扎, 我終於重出江湖啦!!! 我已經煮左兩餐飯啦!!! yummy!真係好好味!!!好味過餐餐都出街食!!! 雖然, 我地平時多數都返爸爸媽咪到食, 但阿毛返中同夜就唔可以返去食, 真係日日唔係出街食就外賣, 食到厭啦!!!

我會努力向上,將煮飯率提高架啦!!!

我的週記

其實,都唔係週記咁簡單,上星期"的"左好多次心肝都update唔到個blog,每日都諗到想寫咩,但係每日都行唔到埋部電腦到,好奇怪!!!阿毛話好奇怪,我竟然可以超過一星期冇行埋部腦到!!!簡直與世隔絕咁呀!!!原因好大可能係因為我之前打緊仗,再加埋生日週既精彩節目,日日都支力到冇晒力!!!

因為我本屎冇大害既精神,我4/24都仍然堅持同朋友仔去食pizza慶祝第一餐生日飯,結果,我終於係4/25開始失聲啦!!!哈哈!!!我一路都以為我可以靠我既意志力戰勝呢場仗,好可惜!咳冇可咳既情況底下,我...4/26要去睇大夫啦,大拿拿用左我四百幾個大洋,仲要食藥食到渾渾鈍鈍!!!可苦呢?!

因為pinkpink大小姐係4/28有一場榮休show,我要努力向上,爭取時間休息,所以4/27只係同Angie食左一餐...哈哈!!!估都估唔到係元氣壽司lunch,食完就返左屋企覺覺豬啦!!!多~晒!!!

4/28,pinkpink既大日子呀!!!個場係勁細,d野係勁難食,不過最緊要係"快"!!!因為食左d迷幻藥,痴痴呆呆,阿wan係咁叫我返屋企休息,但係我真係唔忍心留低pinkpink豬呀!!!我又掛住佢,返到屋企都係訓唔到,咁不如大家一齊訓啦!!!哈哈!!!大家訓下訓下咁,都可以有兩個花花,呢d咪叫"不費吹乎之力"(唔識字真係樣衰!!!六個字有三個字都唔識)!!!終於都DW啦!!!排第五呀!!!光榮退休啦!!!mo嗲地不嬲都錫到你燶,而家sa媽咪都愛屎你!!!真係多謝阿wan啦!!!我成日都覺得,其實我地係贏左架,因為pinkpink都冇好似人地咁要勞民傷財,漂洋過海咁週圍去,淨係留係本土都夠晒啦!!!

8th best cat in Premiership in Ring 2

9th best cat in Premiership in Ring 3

(呢d就係pinkpink最近兩次show既花花啦!)

4/28既夜晚就同左爸爸媽咪,仲有April同Holly一齊食飯慶祝生日呀!!!好開心呀!!!

4/29,阿毛要返早,咁我就以為可以訓下覺覺豬啦!!!點知爸爸唔舒服,媽咪又去左大嶼山,咁我就出去同爸爸食lunch兼睇醫生啦!!!點知一見到佢,真係俾佢嚇親,塊面腫到豬咁喎,醫生話佢係皮下組織發炎,咁奇怪!!!仲俾勁多藥佢食呀!!! 今日仲有一樣野係好特別,我夜晚第一次feel到阿b郁呀!!!我成日聽人講,feel到個一刻會好感動,咁我係一個水造人,好容易喊,我以為我又係會一feel到就會忍唔住喊出!!!原來唔係,我一feel既第一個感覺係好......驚!!!我覺得好奇怪,有d恐怖!!!一下一下咁跳!!!有d驚!!!

4/30,大日子,我同阿毛,仲有Chloe同Raymond一齊去左海洋公園,因為我同Raymond都係同一日生日,我地大家都唔駛$$$,好抵,四個人去都係三百幾就得啦!!!不過,去到玩,呢樣又唔玩得,個樣又話唔玩得...最後俾我玩左一個機動遊戲,就係摩天輪!!!仲睇左唔係白雪雪既北極狼/孤......

之後,我地去左之前菲菲's blog介紹既"一生"食放題,好好味,真係好多野食呀!!!返到屋企仲可以同豬豬們影相食cake呀!!!好滿足!!!我知道下年既生日一定唔會好似今年咁優閒,所以我今年特別珍惜!!!

(海洋公園都三十歲啦!!!)

(一生放題,正呀!)
(呢個mango mousse cake簡直delicious!!)!)

5/1,阿毛又返工啦!!!我梗係未停啦!!!我同左賢姐姐去Dan Ryan's到食lunch呀!!!嘩!!!飽到唔可以形容呀!!!賢姐姐仲送左份生日禮物俾我呀!!!多~晒!!!仲未停!仲未停!!!夜晚又同阿華伉儷去左打邊邊呀!!!支力到暈低呀!!!but好happy!!!

5/2,去左廣華做產檢,等左個幾鐘,見醫生用左一分鐘,你地話係咪無聊呀!!!唉!!!!!之後就約左媽咪去食lunch,又行下街咁!!!又一日啦!!!夜晚又返娘家食晚飯!!!係呢?!唔知係咪個個都知係仔仔定囡囡呢?!之前本來想開個盤口俾大家估下,而家仲有冇人估到呀!!!

今日仲俾豬豬們試左auntie菲菲送既迷幻明珠,個個都high晒!只有pinkpink無動於衷...菲菲,多~晒!

http://www.youtube.com/watch?v=r8gaujOhuwY

5/3,勁無聊既一日,因為要入廣華day camp呀!!!我要由一早入院,留到夜晚8.30pm先走得,最憎就係留係醫院,悶到嘔白泡!!!結果我好似工廠女工咁,織阿b衫就織左一日啦!!!竟然可以織好一幅!!!勁!!!

5/4,又係去私家檢查既日子!!!我最鍾意,因為我覺得呢d先叫做檢查!!!又詳細,又清楚...今次見到阿b已經好大個啦!!!好得意!!!其實每次都會將照既過程錄低左架,我諗第日阿b自己睇番.一定會嚇親呀!!!之後又同好耐冇見既柏林去左lunch!!!成日不停咁落雨,真係令人煩躁!!!到夜晚已經好支力,連新疆串燒都冇福消受!!!

5/5,今晚我地提早慶祝母親節,一家人加埋April同Holly,食得好開心!!!至開心就梗係媽咪啦!!!又食又有禮物收!!!不過,我都有一份後補生日禮物,Holly,多~晒!!!

5/6,今日應該係休息日,但係最後都係出左去同爸爸食lunch,佢塊面又腫啦!!!又同佢去左法國到睇醫生,冇咩事,又係食藥!!!之後,我同阿毛行左一陣就返屋企睇VCD~韓流怪嚇,都ok!!!不過,都係差dd,唔知差d咩,可能我真係對韓劇有所保留...夜晚又去左阿華屋企"痴"餐,食完可以拍拍籮柚就走,超正!!!返到屋企,又睇埋"時凶感應",好誇張架!!!其實劇情同無線個套~隔世追凶,好鬼似架!!!

完美的一天,覺覺豬lu!!!

睇番呢兩個星期,我既節目不外乎都係飲飲食食,真係勁呀!!!其實自從屋企樓下間惠康摺埋左,我好似係呢年幾加埋都煮唔夠十餐飯,我真係要檢討一下!!!