屎坑之花

出名八卦既moremore又有新搞作~~~今朝我起身就掃地吸塵啦~~~咁掃左個d就倒落屎塔~~~一心諗住唔好嘥水~~~就等刷完牙~~~再剷屎屎~~~先再沖廁~~~諗都諗唔到既事就發生左啦~~~
刷刷下牙~~~後面有一股旋風~~~以極速略過~~~之後我feel到後面濕左~~~再擰過去就咩都冇~~~只見地面又濕左~~~好奇怪~~~又刷住牙喎~~~我屋企好乾淨架~~~咁唯有再走出廳望下~~~就聯想到~~~頭先有個"白痴"跌左落屎塔~~~哈哈哈哈哈哈~~~我真係笑到嘔白泡~~~仲成口泡咁噴呀~~~
呢個"白痴婆"就係moremore啦~~~我相信案發時候~~~佢係唔知道個屎塔蓋俾無良媽咪打開左~~~而佢本身係一隻"中瘟龜"~~~又以為自己係"劉翔"~~~當佢以時速100/km奔到現場既時候~~~再以優美既姿態跳上去~~~個一刻先發現"奶野"~~~我諗當時佢既反應已經好快~~~因為事後我只係發現只有佢既左腳係濕既~~~
唉~~~~~~點解佢會咁呢~~~~~~mo嗲地好明顯覺得係我既錯啦~~~