父子連環圖

今日影到既~~~覺得好得意~~~究竟你地兩父子係咪真係咁似樣~~~咁餅印呢~~~

小學同學

今日係sa媽咪既小學同學結婚呀~~~其實話就話識左好耐~~~以前小學時代到中學都係一齊讀書~~~好好朋友~~~到出黎做野之後就真係好少聯合絡啦~~~不過~~~我成日都覺得呢d係在心中既~~~只要有美好既回憶~~~只要大家懂得珍惜~~~係唔需要成日都見到既~~~
希望佢結婚之後~~~踏入人生既另一個階段~~~會更加開心~~~
話時話~~~我覺得阿b都幾鐘意去church~~~今日又係好合作~~~乖乖~~~

四個月啦~~~

今日係柏謙四個月大啦~~~真係又一句"唔經唔覺"呀~~~繼續快高長大啦~~~哈哈!!!期待五個月既來臨~~~
愈大愈多表情~~~愈大愈古靈精怪~~~

哎吔吔契媽~

今日~~~真係要俾十位個叻俾阿b呀~~~事關佢今日實在太乖啦~~~今日係哎吔吔契媽Tammy結婚既大日子呀~~~第一次帶阿b去教堂觀禮~~~初初都好擔心佢會突然發癲~~~點知佢異常地乖~~~真係冇得頂呀~~~佢好好好乖咁坐係度~~~期間可能環境太舒服~~~又凍冰冰~~~豬豬左~~~豬左一陣又識得起身影相相喎~~~簡直冇得頂呀~~~
之後~我地就返屋企休息下~~~食下mummum~~~差下電~~~到夜晚又出發去酒店啦~~~十個good~~~全程冇計~~~任人抱~任人玩~~~完全俾面呀~~~
希望哎吔吔契媽Tammy永遠幸福快樂~~~
今日好好好凍呀~~~要著到好似"痴線基摩人"咁先得呀~~~

呢個教堂~~~sa媽咪以前返中學都周不時要黎架~~~

呢到好靚呀~

柏謙:我今日係咪好乖呢~~~

Emma表姐

今日sa媽咪既表哥終於都帶埋Emma黎探我地啦~~~嘩~~~sa媽咪只係唔見Emma幾個月~~~佢又大個左好多啦~~~
我今日見完Emma之後先知道~~~原來唔係個個小朋友都會想有弟弟或者妹妹架~~~Emma就係一個好例子~~~Emma都好鐘意柏謙bb~但係佢就唔希望爸爸媽媽會再生一個BB陪佢玩~~~因為佢會擔心就此失寵~~~我地有提議帶柏謙去佢屋企住下~陪佢玩下~~~佢竟然拒絕左~~~佢希望屋企只會有佢一個小朋友存在~~~
其實~我成日以為小朋友自己一個會悶~有兄弟姊妹一定會開心D~原來呢個諗法係錯既~~~而家既小朋友好有自己既思想~~~唔知柏謙又鐘意自己獨子定還是想要多一個妹妹呢~~~
佢地一齊睇電視~~~睇到入晒神呀~~~

嘩~~~Emma表姐高過柏謙幾多~~~

Snoopy's World

雖然sa媽咪以前係住沙田~~~但係都未去過呢個好似好開心既公園~~~今日第一次去到沙田呢個既Snoopy' World~~~ohohoh~~~唔駛三分鐘就可以由頭行到尾~由尾行返轉頭既Snoopy' World~~~一場黎到~~~梗係影番幾張相啦~~~
就係咁~~~一個炎熱既週末又玩完啦~~~超好玩&超級攰~~~

星期六~做咩好~~~

一個炎熱既冬天~~~一個陽光普照~天朗氣清既週末~~~究竟做咩好呢~~~今朝一早起身~左搞搞~右搞搞~~~同四小豬黎一個大梳之後~~~經過阿b同柏謙商議之後~就出發去街街啦~~~
柏謙: 嗲地~今日天氣咁好~~~做咩好~~~我去去街街~~~

mo嗲地: 咁你想去邊呀~~~去行公園~去溝女~好唔好~~~

柏謙: yeah~yeah~yeah~~~

柏謙: 不過好眼訓~~~訓一陣先得~~~

~~~小睡一粒鐘~~~

柏謙: hehe~~~差足電~~~出發啦~~~靚女我黎啦~~~

首先~~~我地去左屋企樓下個公園熱下身先~~~mo嗲地同柏謙左望望~右望望~~~睇下有咩target先~~~

~等左一陣都冇料到喎~

柏謙: 咦~嗲地~有發現~~~有女仔行緊過黎喎~~~

柏謙: 靚女~靚女~~~做咩愈叫愈走呀~~~

mo嗲地: 梗係啦~~~刀疤謙~~~你睇下你今朝既傑作~~~成條疤痕呀~~~邊有女仔like呀~~~

柏謙: 車~~~你都唔識貨~咁先叫型呀~~~

柏謙: 唉~~~德福除左sa媽咪之外~都冇咩靚女岩我~~~走啦~~~去第二度再玩過~~~

買買買~~~

今日sa媽咪約左auntie chloe行街街~繼續shop shop shop~~~今次既target係一張high chair~~~行行行~~~當然有斬獲啦~~~hehe~~~阿b好快又有大班椅坐啦~~~仲有好多玩具玩呀~~~快快快~~~快d登場先得呀~~~
不過~阿b~你要知道~~~我地唔係住緊千尺豪宅~~~唔可以咩都買架~~~有d玩具~~~玩過就得架啦~~~唔駛買架~~~mo嗲地同sa媽咪會定期帶你去玩架啦~~~

安樂窩

究竟豬豬們鍾意d咩呢~~~梗係鍾意覺覺豬啦~~~咁sa媽咪要好好咁幫佢地安排一下先得~~~
每個人都有自己唔同既喜好~~~有d鍾意硬~~~有d鍾意軟~~~為左令豬豬有一個安樂舒適既環境~~~momosa之家應該係應有盡有既~~~
屋企有一個角落欠左一張床呀~~~
mo嗲地~~~sa媽咪為豬豬們揀選左幾張合適架~~~應該買邊張呢~~~
定係應該買晒呀~~~~~~

大大大出血~~~

柏謙: 媽咪醒~媽咪勁~媽咪買野冇得頂~~~

呢排真係好金呀~~~不停咁出血呀~~~繼之前patpat痕~又買左新玩具之後~今日又一力作啦~~~
話說今日行入chicco~諗住買個厚d既睡袋俾阿b用~順便睇下有咩玩具買啦~~~點知婆婆又見到張床仔~諗住買黎擺係公公婆婆到~可以有床仔覺覺豬~~~嘩~~~仲貴過而家係屋企用緊個張呀~~~成兩千個大洋呀~~~跟住又買左sa媽咪想買左好耐既砵砵車~咁一架擺係公公婆婆到~又買多一架擺係屋企到~咁睇睇下~又買多幾件玩具~~~嘩嘩嘩~~~盛惠三千幾個大洋~~~唔知可唔可以割肉填數呢~~~sa媽咪有好多多餘既肉呀~~~
仲未停~~~部電腦壞壞地~~~不嬲都諗住拎去整~點知要等3日~~~同auntie chloe傾開~~~一言驚醒~其實是但搵間鋪頭check下都一樣~~~咁今日去問樓下德福~~~checking fee$250~~~唉~~~是但啦~~~反正的士來回又要托黎托去都係$$$~~~好野~~~一check就知底板壞左~~~太新啦~~~已經唔再出~~~唯一既方法就係由得佢~~~到打柴先換~~~另一個方法就係買個部新既~~~唉~~~遲又屎~早又屎~~~一次過唔好煩~~~盛惠三千七百個大大大洋~~~
就係咁~~~今日就流血不止~~~血流成河~~~sa媽咪係一個無業師奶黎架~~~再咁駛$$$~~~唔知會唔會俾人"休"鬼左呢~~~

封面頭條:樣衰衰

Create Fake Magazine Covers with your own picture at MagMyPic.com

Subscribe to Maxim Magazine at a 75% discount!

小病阿b

禽日睇完醫生之後~阿b就要展開四日食藥既日子~~~初初都好擔心~唔知點餵佢食~~~點知阿b好好好乖呀~~~我地將d藥水溝埋入d奶到~估唔到阿b照單全收呀~~~好叻仔呀~~~好快好返架啦~~~加油呀~~~可能佢食左藥既關係~佢今日都呆呆下~~~大多數時間都係覺覺豬~~~只係夜晚睇左一陣電視~~~希望阿b快d好返啦~~~

今晚阿b超乖~洗完白白~食飽飽就坐係佢既寶座到睇電視~~又睇住癲婆家姐more係佢面前表演喪跑~~~

四年啦~~~

今年係結婚四週年紀念呀~~~冇咩特別~~~最特別就係多左阿b~~~本來今日都諗左好多野~~~想同爸爸媽咪阿哥一齊去食buffet~~~又想一家人去尖沙咀stonegrill食飯慶祝~~~又想買野番屋企自己整黎食~~~全部都係得個"想"字~~~最後就係買左外賣番屋企食啦~~~

原因好簡單~~~mo嗲地仲係咁咳~又喉嚨痛~阿b又係咁咳~又係咁乞痴~~~真係食咩都冇興趣~~~
而阿b自星期四睇左庸醫~食左藥都冇咩好轉~我地就決定今日再帶佢去睇第二個醫生~~~足足等左兩個半鐘呀~~~等完都發晒霉~~~醫生都好出奇~~~咁細個bb都會咳~~~唉~~~都係我地唔好啦~~~我地唔病~佢又點會病呀~~~食多多媽咪奶都補唔番呀~~~見到佢咁辛苦~~~我就真係心都痛埋呀~~~
連平時最愛既街街時間都呆呆滯滯呀~~~真係陰公豬呀~~~

講番結婚週年~其實年年都冇咩特別~~~因為我地係先註冊後擺酒~而相距既時間都成九個月~~~註冊係三月~擺酒係一月~~~好多時三月份都慶祝左~~~咁一月又慶祝~~~好似好多此一舉~~~咁一月慶祝完~過左兩個月又慶祝新一個週年~好奇怪~~~所以~好多時都就咁食下飯~回顧一下就算lu~~~~
不過~~~我都會許個願~~~希望我地都彼此相親相愛~~~永遠都幸福快樂~~~~~~
五年前既sa媽咪同mo嗲地~~~確實係大不同呀~~~哈哈~~~

零八年的第一個派對

我記得超過十個人既既派對~已經係兩年前既事~~~剛剛結婚既兩年~~~我地momosa家經常邀請好友開派對~~~自零六年開始~~~已經為左工作~為左生仔~~~好似好busy~~~派對就係咁絕跡於momosa之家~~~今年係新既一年~係充滿生氣既一年~整個家都好似重新運作~~~一定要搞搞佢~~~哈哈~~~由一早起身開始準備~~~中場兩小時休息~~~再開始準備~~~感覺好實在~~~好辛苦但好開心~~~所有野都掌握於我手中~~~好滿足呀~~~今日冇咩特別遊戲~~~冇咩特別賭博~~~但係我地都覺得好開心~~~唔知來賓係咪都係咁諗~~~但係我地都好enjoy~~~美中不足既係我地一家三口都係病人~~~阿b今日好乖~好呆~~~佢冇咩扭計~~~係因為佢病左又未好番~~~佢就係咁呆呆咁陪我地玩左一個晚上~~~~~~

我的偶像

我既偶像唔多~~~有兩個~~~譚詠麟+劉德華~~~今晚好好好好好好開心~~~竟然兩個都見到~~~四年啦~~~已經冇現場感受過劉德華啦~~~好好好掛住~~~今晚一入到場~~~已經感受到佢既吸引力~~~好震撼~~~佢出既一刻~我好感動~~~真係有喊既衝動呀~~~
已經唔記得當年點解會開始鍾意佢~~~只係記得我後來係因為覺得呢個人好好~~~靚仔就唔駛講~~~型仔就更加~~~佢俾我既感覺係"一個好人"~~~好簡單~但已很充分既理由~~~記得幾個月前更經常希望bb會係同佢同月同日出世~~~有既係天秤座一樣既特質~~~更加想阿b好似佢一樣咁孝順~~~
佢真係一個好勤力既人~記得當年佢第一個concert~~~我睇到呆左~~~嘩~現場唱真係冇得頂~~~好似五音不全~~~又甩晒嘴~~~跳舞先嚇人~~~成隻機械人係台到唔知想點咁~~~但係佢好努力好努力~~~每首歌都會進一步~~~佢好利害~~~今日跳既舞令我目不暇給~~~佢真係一個好好既做人目標~~~每件事都盡力去做~~~只要努力過~成果係一定可以睇得到~~~
其實我都有d慚愧~~~我對佢既熱情比起十年前~已經減退左好多~~~曾經係華仔天地既會員~~~而家再望望最前排~~企足全場既fans~~~睇到自己既影子~~~好慚愧自己已經不再~~~但係我個心依然刻有"劉德華"~~~依然會咁支持佢既~~~
今晚~~~佢做左好多危險動作~~~一睇一驚心~~~如果可以同佢講~~~我真係好想講~~~見到佢已經好開心~~~其實唔需要做太多驚天地既動作~~~要好好咁錫住自己~~~
仲有好好好多感受~~~不過今晚實在太興奮~~~成個人都散晒!!!就講咁多算lu~~~
總之~~~無論劉德華係變成點~~~我都一樣咁愛佢既~~~

全軍覆沒

今朝起身~阿B就不停咁乞痴~~~再過一陣就咳呀~~~唉~~~唔知係sa媽咪定mo嗲地傳染左俾bb呀~~~都係sa媽咪唔好~~~有d內疚tim~~~就係咁~~~bb就要去睇庸醫啦~~~都係個兩句~~~俾左兩支藥水就byebye~~~阿b返到屋企~第一次食藥水呀!!! 嘩~~~講晒粗口咁呀~~~仲噴番出黎呀~~~哈哈~~~咁細個就唔鍾意食藥啦~~~快d好返呀~~~

阿b的第一個晚上

今晚將會係阿b係公公婆婆家過夜的第一晚~自阿b出世以後~佢都未試過唔返屋企覺覺豬架~~~今晚係第一次~因為mo嗲地同sa媽咪要去街街~~~天氣太凍~怕太夜接bb返屋企會太凍~~~所以~阿b就係公公婆婆屋企過一晚啦~~~
唔知阿b會唔會乖呢~~~究竟mo嗲地同sa媽咪會唔會掛住阿b呢~~~~~~

又打仗~~~

sa媽咪自從冬至到而家都不停咳~冇咩點好過~~~今日有d起色~~~條氣冇咁喘~~~可以準備一連四日既慶祝活動~~~唉~~~點知禽晚返完夜~今日正式可以放假既mo嗲地開始病~~~平時又係踢都唔肯去睇醫生~點知今日自己話要去睇醫生~~~咁即係好大鑊啦~~~唔知食一晚藥可唔可以好番呢~~~可唔可以打破佢一放假就病既宿命呢~~~
努力呀~我地聽日仲要去睇型仔架~~~~~~

新年開爐

繼禽晚收爐之作~~~今晚又整左個開爐儀式~~~就係打邊爐~~~我同阿毛兩個人買左兩百幾個大洋~~~仲可以有食剩~~~都ok抵架~~~全部都係自己想食既野~~~好好味~~~開爐大吉~~~希望今年長煮長有~~~~~~
食飽飽之後~~~mo嗲地又趕返工啦~~~oh~~~終於返完今個夜啦~~~唔知係咪假期關係~~~呢個夜好長呀~~~又可以放四日假慶祝啦~~~yeah~~~~~~