裸照曝光

sa媽咪: 阿b~~~媽咪幫你影裸照~~~同黎留念~~~好唔好呀~~~
阿b二話不說~~~舉手舉腳~~~遮到密密實實~~~差d連兩點都睇唔到~~~hehe~~~

迫爆

呢件衫係阿ｂ出世既時候所著既和尚袍～～～而家再著返～～～已經迫爆啦～～～想當初～～～和尚袍係蓋過腳仔～～～而家可以見到～～～阿ｂ高左好多啦～～～原來時間真係不經不覺架～～～成日都唔覺得你大左好多～～～當你著返幾個月之前既衫～～～就發覺你唔再豆丁啦～～～

"典"出第一步

唔可以講阿b學識爬~~~因為sa媽咪覺得阿b係學識"典"~~~佢只係識得用左腳移動佢既身體向前~~~仲未識得控制自己既patpat向上~~~不過~~~佢又典得好快喎~~~而家周屋典~~~四豬冇咩事都唔係地面行動~~~哈哈~~~冬豬已經算係至大膽既一個啦~~~

1st FaTHer's dAy

阿b既第一個父親節~~~都係平淡的過~~~mo嗲地放工返到屋企就覺豬豬~~~豬醒之後就同公公去飲茶啦~~~飲完又返屋企~~~準備好阿b既晚餐~~~又出發去公公婆婆屋企食飯慶祝啦~~~超多人呀~~~今日又係婆婆既農曆生日~~~所以~~~人人都返黎食飯~~~十五人既九大簋~~~婆婆應付有餘呀~~~ 好味又好勁~~~
阿b真係好勁~~~由朝玩到晚~~~sa媽咪都攰到暈~~~佢都仲可以每人都玩得~~~食飽飽~~~又唱埋生日歌~~~我地又趕住返屋企~~~mo嗲地又要返工啦~~~今日既父親節~~~好平淡~~~冇做過d咩~~~但係唔知點解~~~可以咁攰~~~散晒~~~

～～～送給ｍｏ嗲地的嗲嗲節禮物就是大頭ｂ～～～

又又又新車

話說mo嗲地呢個week都係返夜~~~生活好規律~~~每日都出一出去tea一tea~~~順便行一圈再買餸~~~禽日~~~我地去左mega baox行一行~~~就係行一行~~~又pat pat痕試下人地d車車~~~咁就中招~~~禽晚返到屋企~~~再諗諗下~~~又search下~~~好好評喎~~~今日又心郁郁入沙田行個圈~~~再睇多一次~~~成交~~~就係咁~~~阿b又有一架新車~~~其實~~~之前都有諗過想換~~~不過冇諗過咁快~~~又冇諗到換邊款~~~有時就係咁~~~唔行唔出事~~~一行實出事呀~~~不過~~~呢架車都好good~~~連公公都讚呢架車好推左~~~阿b又好似豬得舒服左呀~~~

入到沙田~~~順一個便又叫埋公公婆婆一齊dinner啦~~~預早慶祝埋父親節嘛~~~雖然聽晚都會一齊食~~~但係今晚人少d~~~可以食豪d~~~哈哈~~~不過沙田呢間利苑又真係幾好味喎~~~

今日仲撞到一個喵友~~~屋企有六隻豬加一個妹妹~~~妹妹好似叫綿綿~~~好cutie既妹妹~~~又一証明bb同喵豬係可以共存~~~個樣都得意d呀~~~最衰掛住講~~~唔記得影張相~~~下次約出黎再影過~~~

阿b今日既表現好good呀~~~俾一個叻你呀~~~
sa媽咪: 阿b~~~我地去街街好嗎~~~

阿b: 哈哈哈~~~好好好~~~

好騎呢~~~呢個叫"敬父燕窩壽飽"~~~


新車係咪好姣仔呢~~~hehe~~~

超級市場

最近兩次去超級市場都俾阿b坐呢架超級戰車~~~阿b勁like~~~好開心~~~sa媽咪要好留心~~~一個唔留神~~~阿b即刻掃晒貨架D野呀~~~

最痛是誰

是日下午一時十分~~~正當mo嗲地同阿b係房覺覺豬既時候~~~sa媽咪就係廳幫冬豬同家姐們抹眼梳毛~~~全屋寂靜既時候~~~突然~~~"嘭"一聲~~~sa媽咪既反應真係超低能~~~諗返起都覺得好白痴~~~當聽到"嘭"一聲既時候~~~我以為mo嗲地豬豬下砍頭埋牆~~~又以為係唔知邊隻豬跌親~~~sa媽咪走入房睇一睇之際~~~聽到mo嗲地"哎呀"左一聲之後彈左落床~~~原來阿b係度扮龜~~~嘩嘩嘩~~~阿b跌左落床呀~~~面向地~~~岩岩有張方型喵床係佢上面~~~好似一隻龜~~~sa媽咪即刻抱起阿b~~~睇下~~~又冇表面傷痕喎~~~哦~~~好小事好小事~~~阿b大喊之下~~~俾sa媽咪擁入懷中~~~男仔要跌下先知咩叫痛架嘛~~~冇事冇事~~~果然叻仔~~~都係喊左幾聲~~~又笑笑口啦~~~
相信今次阿b都唔係跌得好痛~~~佢應該跌左落床邊既椅~再跌落地~~~額頭都只係少少紅左~~~又冇高樓大廈~~~呵呵~~~好彩~~~嗱嗱嗱~~~mo嗲地同sa媽咪~~~誰是誰非~~~真係見人見智呀~~~商討後~~~冇人被追究呀~~~不過呢個blog係sa媽咪主理既~~~sa媽咪可以講多句~~~平時~~~得sa媽咪係屋企既時候~~~係從來未發生過呢D事架~~~哈哈~~~嗲嗲~~~心照啦~~~
不過~~~阿b真係奀皮仔~~~唔駛三分鐘就唔記得發生咩事~~~之後仲同婆婆去tea time~~~玩到攰~~~返黎又同嗲嗲再豬過~~~
等食樣~~~

就黎流口水~~~

坐到悶~~~做咩好~~~

又同嗲嗲玩照鏡~~~玩極都唔厭~~~服左佢~~~

嬌俏小小b

sa媽咪恨女恨到short左~~~成日都想買裙仔俾阿b著~~~今日去行街街~~~去左蒲點~~~sa媽咪好鍾意去呢間shop睇野~~~冇錯~~~係睇多過買~~~買既係唔多~~~睇到想買既就好多~~~hehehe~~~次次去呢間shop都好好~~~姐姐都做住褓姆先~~~圍攻臭b~~~sa媽咪就可以好安心咁周圍睇~~~今日阿b去到~~~試左各式各樣既帽~~~haha~~~呢頂至嬌俏~~~
呢間shop有好多anpanaman~~~而家八折呀~~~gogogo~~~~買買買~~~/span>

新界遊

今日mo嗲地放假~~~我地約埋同學仔一齊去一個sa媽咪好似從來未去過既地方~~~屯門~~~又係去探bb~~~呢期真係好多b~~~探極都唔完呀~~~長探長有~~~今次我地去探妹妹晞晴~~~呢個妹妹好得意~~~不過唔記得問下父母可唔可以出相~~~下次問准先~~~佢係一個唔鍾意覺豬豬既bb黎架~~~咁媽咪就辛苦囉~~~快d大個女~~~又多一個妹妹陪阿b玩啦~~~

阿b~~~今日係勁奀皮~~~sa媽咪就覺得佢係超級眼訓~~~又扭又發癲~~~唉~~~大個仔真係唔同d~~~扭都扭得勁d呀~~~扭眼訓之餘~~~又覺得佢冇咩耐性~~~可能坐左兩粒鐘都係同個地方~~~冇野玩~~~又覺得悶~~~真係扭到煩呀~~~


既然咁煩~~~走佬~~~轉地方~~~去左moon姨姨屋企玩~~~呢到真係有玩具玩喎~~~感覺唔同晒~~~玩玩玩~~~一直以黎~~~阿b都唔多願爬~~~sa媽咪又覺得冇咩必要一定識爬~~~遲d識行都ok啦~~~點知華華老師提點~~~根據物理治療師所講~~~bb識爬係好重要~~~因為學識爬~~~將來既平衡力會好d~~~各方面運動都會好d~~~我諗會靈活d~~~咁就即刻係moon姨姨屋企試爬~~~初初只係向後同自轉~~~最後都爬到幾步~~~哈哈~~~引誘到阿b爬既係佢既至愛~~~可樂一罐~~~咁今日以後~~~sa媽咪要同阿b練習多d爬牛牛先得啦~~~阿b~~~要gag高patpat呀~~~

ｍｏｒｅ ｍｏｒｅ的牛一

ｍｏｒｅｍｏｒｅ今年六歲啦～～～仲係超八～～～超嗲～～～超油雞～～～但係ｓａ媽咪希望ｍｏｒｅｍｏｒｅ新一年更八～～～更嗲～～～ｎｏ油雞～～～ｈａｐｐｙ　ｂｉｒｔｈｄａｙ～～～
今日ｓａ媽咪係屋企陪左ｍｏｒｅｍｏｒｅ一日～～～係咪好開心呢～～～仲有你至愛既ｃａｔｔｙｍａｎ餅餅～～～ｍｏ嗲地話放工要俾個ｂｉｇ　ｈｕｇ你喎～～～係咪好高興呀～～～



其他豬豬都有講番幾句架～～～
冬豬：好好好～～～牛一快樂～～～希望你今年俾我打少ｄ呀～～～ｈａｈａｈａ～～～

囡囡：ｍｏｒｅｍｏｒｅ媽咪～～～生日快樂～～～我咁乖咪就係你既生日禮物囉～～～

ｐｉｎｋｐｉｎｋ：你今日生日～～～我就唔搶你ｄ罐罐食啦～～～ｈａｐｐｙ　ｂｉｒｔｈｄａｙ呀～～～

端午節=sa媽咪放假日

禽日黑雨好恐怖~~~但係sa媽咪都同左阿b出街~~~oh~~~皆因公公婆婆要sa媽咪放假~~~佢地唔知係咪湊到上癮~~~叫我帶阿b過去宿一宵~~~sa媽咪梗係義不容辭~~~飛撲過去啦~~~
既然甩身~~~即刻約人~~~傾盆大雨約去邊~~~就係去睇bb~~~小桂uncle做左老豆啦~~~我去左探偉大媽媽同bb~~~好得意~~~見到咁細粒既bb~~~好大感觸~~~我已經不停同自己講~~~唔好咁衝動~~~哈哈~~~搞出人命就大大鑊架啦~~~不過~~~見到咁多細細bb~~~真係好得意~~~想當初~~~成日都想阿b快d大個~~~唔好成日掛住覺覺豬~~~而家又成日想佢豬多d~~~唔好阻住我~~~哈哈~~~人生就係咁矛盾~~~小桂嫂今次好賺呀~~~我成日都覺得生一個bb似自己~~~真係好賺~~~好似阿b咁~~~sa媽咪要陀咁多個月~~~又耍痛咁耐先生到~~~最後竟然似mo嗲地多d~~~咁就真係蝕晒~~~呢個小桂bb都好勁~~~有7.7lbs~~~仲重過阿b出世個時~~~第日一定好勁呀~~~佢仲有leo紋~~~仲勁呀~~~希望小桂b快高長大~~~

一連兩日大假~~~今朝一早就同mo嗲地討論一下小桂b~~~因為mo嗲地禽晚要返工~~~仲未見過~~~咁mo嗲地下午又要返工~~~本來打算等佢地返左屋企先再去睇bb~~~點知講講下都忍唔住~~~都係過去睇下啦~~~哈哈~~~今日再睇~~~個樣真係又唔同左啦~~~真係要keep住日日睇~~~hehe~~~
睇完bb~~~食飽飽~~~mo嗲地返工啦~~~sa媽咪做咩好呢~~~做d平時阿b係度阻住做唔到既野~~~執左一堆由阿b出世到而家既相~~~曬左既就入好相簿~~~阿b而家唔係好靚仔~~~不過細個既時候真係好樣衰~~~極衰~~~哈哈~~~執執下又睇到mo嗲地細個既相~~~嘩~~~似到爆燈呀~~~

唉~~~就係咁~~~仲有三粒鐘~~~sa媽咪既假期又完啦~~~

黃色暴雨

今日又落雨~~~仲要係不停落~~~好似由一起身就開始~~~冇停過~~~落雨真係好影響心情~~~人又特別攰~~~又冇得出街~~~mo嗲地又要返工~~~唯一節目係覺覺豬~~~今日第一次~~~sa媽咪覺覺豬~~~阿b係隔離自己玩~~~玩到攰又同sa媽咪大被同眠~~~真係乖仔仔~~~豬飽就起身~~~一路大長今~~~一路食mum mum~~~時間過得唔太快~~~本來可以去公公婆婆到玩~~~太大雨~~~不成行~~~唯有同阿b係屋企玩單打~~~
阿b仲未爬得來去自如~~~佢其實係度典多過爬~~~典左兩粒鐘~~~洗完白白~~~廸廸就殺到~~~兩兄弟又玩一陣~~~識得爭玩具啦~~~又識和唱啦~~~時間即刻過得快好多~~~食飽飽又覺覺豬啦~~~
一個落雨既日子就咁過左~~~唉~~~究竟要落到幾時呀~~~

泰國之旅

2008年5月31日~~~一個大清早~~~0530~~~由屋企出發去機場~~~搭0815既香港快運去曼谷~~~當地時間十點就到達啦~~~今次一行十二人~~~好勁呀~~~未試過自由行有咁多人一齊去玩呀~~~全部都係敗家精成員~~~仲要係同聲同氣既愛喵人~~~咁即係有十二個狠心既嗲嗲媽媽拋下自己既仔仔女女去風流快活呀~~~

今次住新酒店~~~pullman king power hotel~~~只開左半年左右~~~所以好新淨~~~好靚~~~

一去到酒店~~~擺低行李就出發~~~多左一個人~~~咁岩又被逐去個度既高級兇姐~~~一行十三個人~~~第一站去左chitlom既central world食lunch~~~lunch都食bb蕉~~~可想而知~~~跟住個幾日會幾好味~~~食飽飽~~~行一陣~~~本來想講下行街既內容~~~因為mo嗲地做左一樣好出色既事~~~不過~~~團長話經常提起犯人所犯既事~~~會令佢將來既心智發展會好有影響~~~所以~~~sa媽咪決定skip左呢一part~~~希望~~~令犯人重獲自信~~~阿們~~~

行完街街之後~~~我地就去左第一個享受點~~~asia herb~~~呢間有spa有massage~~~我同mo嗲地試左100％Pure Oil Body Massage with Herbal Ball~~~兩粒鐘都只係1200baht~~~舒服~~~一路massage一路豬豬~~~真係好嘆~~~呢間spa好似係日本人開~~~好大~~~有二百幾個staff~~~唔算好豪華~~~但係都好乾淨~~~好優靜~~~mo嗲地盛讚服侍得佢好豬服~~~

dinner時間~~~團長猛話要數星星~~~好浪漫咁食dinner~~~spring~~~好似有d法國既泰菜~~~好味~好味~~~好抵~好抵~~~仲食埋隔離個間"summer"既dessert~~~好好味~~~好好味~~~食飽飽就返酒店~~~玩足一day~~~攰到屎~~~豬到暈~~~

day2~~~0730~~~morning call~~~breakfast都ok~~~唔係好好好食~~~不過~~~都可以話想食個樣就有個樣~~~食飽飽~~~一行十人殺出一條汗路~~~jutujak~~~唔通年紀大~~~唔係~~~係成熟左先岩~~~唔係咩都想買~~~行左一陣~~~行完~~~買左少少野~~~同五年前比較~~~哈哈~~~差九條街~~~不過~~~一樣既係行完成身汗~~~濕晒~~~成個人熱到傻左~~~

返酒店洗個白白先會合~~~今日lunch~~~豪俾佢~~~中國城銀都~~~魚翅+蟹鉗+燕窩~~~魚翅>>>梗係婆婆整既好味九倍啦~~~燕窩~~~反而同婆婆個d有得揮喎~~~真係好好好味喎~~~而家諗返都想食呀~~~食飽又去出血~~~林真香手信時間~~~好快搞掂之後~~~又一個spa~~~

let's relax~~~正呀~~~heavenly relax package~~~只係1000baht~~~仲有九折~~~先黎45mins腳底massage~~~再黎個兩粒鐘thai massage~~~同行四個人做thai massage~~~只有我係覺得冇得頂~~~其餘既都覺得asia herb既oil massage比較好~~~可能我賤骨頭~~~又鐘意比人踩~~~真係鬆晒~~~呢間真係抵呀~~~搞完一輪~~~最後送你一個芒果燸米飯~~~一個字~~~正~~~

成個人舒服晒~~~又到食mum mum既時侯~~~搭架的的去join埋班敗家精~~~係NARAYA又敗一輪之後~~~就去左附近既lemongrass擦大餐~~~我諗係正宗泰菜~~~又good喎~~~好delicious呀~~~唔駛一粒鐘~~~食飽~~~我同mo嗲地走人~~~唔放過一粒鐘時間~~~去emporium放下血~~~行行下仲撞到香港好知名藝人~~~阿SA~~~呵呵~~~就係咁~~~一粒鐘過得好快~~~返到酒店~~~十幾人去一間房到hea~~~好hea~~~又係食~~~又係馳名芒果糯米飯~~~好好好飽~~~之後就好好好豬~~~

day3~~~0830~~~morning call~~~日日都十二人一齊早餐~~~感覺真係好飽~~~哈哈~~~唔知點解~~~真係好飽~~~隨即搭BTS去siam~~~今日一開波去試下做facial~~~冇錯~~~係做facial~~~sa媽咪係一生人只係試過兩次做facial~~~都唔知做咩走到黎泰國要做facial~~~哈哈~~~唔執輸要試一試~~~sheseido~~~好貴架~~~要1800baht/人~~~我地好豪呀~~~用左3600baht~~~就係用左係塊面到~~~嘩嘩嘩~~~梗係屎都覺得佢滑左啦~~~又唔執輸做埋pedicure~~~好平~~~只係300baht/人~~~好抵~~~不過麻麻地~~~總括黎講~~~下次都係做多兩次spa會比較好d~~~

搞完一輪~~~就繼續作戰~~~其實冇咩好買~~~可能真係有比較~~~係日本見到咩都想買~~~好靚~~~係泰國就冇咩好買~~~但係買得好盡興~~~因為好平~~~樣樣都唔駛睇幾多$$$就可以買~~~

時間係過得超快~~~買完一輪就要返酒店換鞋~~~因為今晚食飯樹有dress code~~~我地要著靚d~~~hehe~~~意大利菜~~~zonttai~~~自己顧自己~~~我地要左羊架同牛扒~~~好yummy~~~菲菲喵人牛一~~~仲有餅餅食~~~飽到頂~~~本來大家plan左去encore day1既summer dessert~~~大家都投降~~~轉陣去血拼~~~分頭行事~~~2330返酒店又開會~~~又係食~~~哈哈~~~食飽飽唔駛做~~~真係絕頂快樂~~~

day4~~~0615~~~morning call~~~我地今次早機去早機返~~~所以又係一個晨早食飽早餐就歸家啦~~~返到屋企都只不過係四點鐘~~~呵呵~~~今次~~~唔係好出血~~~多數$$$都係用係食同spa~~~好正~~~

今次旅行都冇咩影過相~~~我想~~~我想要其他人影既相呀~~~thanks~~~~

竹庶茅根馬碲粟米蘿蔔粥

sa媽咪做回賓賓既第一擊好成功~~~就係煲左竹庶茅根馬碲粟米蘿蔔水~~~再用黎煲粥俾阿b食~~~好得~~~阿b勁鍾意食~~~十五分鐘就食晒兩大碗~~~
sa媽咪話俾婆婆知阿b咁乖~~~婆婆就話原來阿b而家識揀飲擇食~~~好味就食快d~食多d~~~唔鍾意食以前個d冇味野~~~ohohoh~~~原來係咁~~~嘴刁仔~~~
咁sa媽咪要努力d再研究一下~~~睇下有咩新菜色啦~~~
今次短短四日trip~~~但係第一眼望阿b~~~都總係覺得唔同左樣~~~bb原來真係日日都唔同樣架~~~

阿b見報

因為出發前~~~係機場買唔到明報~~~一去到泰國~~~打電話問下婆婆~~~婆婆話~~~見到你地兩公婆~但係阿b好細張~好似見唔到咁~~~下下下~~~唔係呀~~~已經感覺唔多好~~~一返到黎~~~睇下~~~唉~~~講左唔想出我地既相嘛~~~點解咁架~~~下次真係要問多句~~~講清楚~~~仲要原來又同一d三唔識七既人同一個topic出~~~感覺更差~~~今次係一個教訓~~~下次真係要小心~~~

又返來啦

四日三夜~~~真係嘭嘭聲就過啦~~~之前都去過幾次泰國~~~今次再去~~~感覺都係差唔多~~~機場新左~~~商場又有dd新~~~酒店又係新~~~不過~~~條街依然差唔多~~~都係好多我至驚既小強~~~今次仲有老鼠歡迎我~~~真係"確 kwun club"~~~
呢幾日好明顯冇上一次咁掛心~~~唔知係因為知道得幾日咁少~~~定係我有少少習慣呢~~~睇黎可以去左幾次熟習一下呢個感覺喎~~~hehe~~~不過都係講下~~~我諗過左三.五.七年先再去旅行lu~~~
禽日一早機就返來~~~返到屋企都差唔多四點~~~豬豬們正值午睡~~~一個suprise~~~醒晒啦~~~見到sa媽咪梗係開心到係咁喵啦~~~hehe~~~真係好抵錫呀~~~
執好行裝~~~到臭b啦~~~因為婆婆趕住去上電腦班~~~我地好快過去接手~~~阿b~~~你認唔認得我地呀~~~答案係~~~認得~~~仲好開心~~~呵呵~~~乖仔呀~~~
最唔慣既係今日一個晨早又要再洗衫~~~晾衫~~~吸塵~~~抹眼~~~梳毛~~~餵奶~~~煮飯~~~做回賓妹~~~感覺好辛苦~~~但~~~好溫暖~~~~~~真的~~~