阿b哥哥

今日一個晨早~~~mama去左覆診~~~真係好早~~~自從有左細bs之後~~~都會偶然失眠~~~禽晚~~~輾轉反側~~~都只係豬豬左兩三粒鐘~~~今日真係好攰~~~我地覆完診~~~就去shopping一下~~~因為十二點就約左auntie tammy同uncle ben去食lunch buffet~~~今日去試下都會海逸既buffet~~~相信只此一次~~~唔會再去啦~~~haha~~~其實阿b十一點幾都開始好眼訓~~~因為阿b今朝都太早起~~~但係一到酒店就醒晒~~~又食又玩~~~一路食到兩點半~~~一上車已經豬豬左啦~~~

我地諗住返屋企豬一陣就要去返last一堂既playgroup~~~大家都懶懶行~~~dada又話個playgroup既miss唔多掂~~~好支持今日唔返~~~唉~~~早知唔返就去沙灘玩啦~~~今日咁好天~~~不過~~~mama都有心冇力~~~算啦~~~最後一堂~~~應該都係冇咩特別~~~最後~~~mama冇力郁~~~阿b返到屋企又一條好b~~~繼續癲玩~~~多得dada啦~~~

我地又諗住今晚返去同公公食dinner~~~點知連公公都飽飽~~~唔駛食飯~~~結果~~~hea足半日~~~唔知做過咩~~~就當係休息一天~~~
下次一定唔可以咁早去覆診~~~真係好辛苦~~~只剩半條命~~~

柏柏食飽飽就叫"姨姨"~~~要去睇魚魚~~~點知原來個池冇魚魚~~~但係柏柏有無窮既想像力~~~柏柏話好多龜龜龜~~~龜龜仲係度覺覺豬~~~真係俾佢笑屎~~~





今日覆診~~~原來係十六週~~~bbs都好正常~~~size都好岩~~~haha~~~覆完診仲去買左套靚靚衫俾bbs呀~~~男仔定女仔~~~hehe~~~

阿b的好朋友

阿b而家有好多好朋友架~~~弢弢係其中一個~~~阿b好鍾意佢架~~~成日都叫住"弢弢"~~~呢排vicky姨姨上黎多左~~~阿b又成日叫住"姨姨"~~~好friend咁呢~~~阿b而家連小桂叔叔都唔係好驚啦~~~真係good good啦~~~

今日發覺佢地兩個bb又多左交流~~~柏柏其實都好愛護小朋友~~~都唔會同弢弢爭玩具~~~仲會將餅餅俾左弢弢食先~~~好叻仔呀~~~

mama感覺到阿b原來都幾有做哥哥既天份~~~突然之間覺得好安慰~~~好放心~~~覺得之前擔心既都係多餘左~~~希望阿b一日一日咁成長~~~會愈黎愈叻~~~將來做一個好榜樣~~~咁就perfect啦~~~~~~

今日本來又係一齊落街食飯~~~點知竟然叫左外賣返黎屋企食~~~發覺左~~~原來有兩個小朋友~~~係屋企食~~~好似仲舒服d~~~佢地有佢地玩~~~我地有我地食~~~唔駛好似我地次次係街食咁~~~唔係佢嘈就又佢扭~~~~~~haha~~~~~~

阿b同弢弢~~~

阿b表演跳舞俾弢弢睇~~~不過弢弢冇眼睇~~~都唔知佢跳咩~~~haha~~~

mama傻左

唉~~~大肚婆真係會冇記性~~~藉口~~~mama真係週期亂左呀~~~haha~~~上個月一路就開始記住5/21係囡囡既生日~~~就係呢排記性差~~~日日都提自己一次~~~今日仲叫dada去買旦糕~~~今晚~~~大家好開心咁一齊慶祝~~~今日全日係咁同囡囡講生日快樂~~~又係咁叫阿b同家姐講"樂樂"~~~囡囡一定覺得mama痴左~~~
因為到呢一刻~~~~~~先發現~~~囡囡唔係今日生日~~~唔係差一兩日~~~而係相差左兩個月~~~頂~~~搞咩呀~~~
不過唔緊要~~~mama會重新裝過個腦~~~今日就當提早慶祝一次先啦~~~囡囡都應該一樣咁開心既~~~mama希望囡囡身體健康就最緊要~~~~~~
haha~~~未知擺烏龍~~~大家都開心架~~~

囡囡: mama係咪傻左~~~冇拿拿食cake~~~係咪dada自己想食咋~~~

阿b真識嘆

夏日炎炎~~~最舒服就莫過於一邊食雪糕~一邊睇電視~~~ 柏柏幾咁享受~~~

二十個月啦

柏柏今日二十個月大啦~~~好快呀~~~呢個月既時間就好似過得慢d~~~可能而家dada返工既時間~~~我地多數都係屋企~~~少左街街~~~時間冇過得咁快~~~不過依然好開心~~~每一日都幾enjoy~~~mama真係要好好享受同柏柏獨處既日子~~~

柏柏呢個月都冇咩特別學識d咩~~~應該係話mama真係好冇記性~~~唔會記得柏柏有咩係新學既~~~不過~~~又比上一個月講多左~~~多左好多~~~咩都講~~~總之我地講咩~~~柏柏都盡量跟住講~~~有時歪歪地音~~~好好笑~~~

呢個月又覺得~~~柏柏多左鍾意同小朋友玩~~~一出街見到bb~哥哥~姐姐~~~就會叫佢地~~~又會"hello"~~~如果心情靚~~~一落街就會周圍揮手say hello~~~又byebye~~~確實係好得意~~~加埋招牌笑容~~~真係殺屎人~~~相反~~~遇到唔鍾意就會大叫~~~呢樣野真係要好好矯正柏柏~~~希望唔好再係咁~~~其實都係幾呢一兩個月係咁~~~忟憎就大叫~~~好似示威咁~~~真係激屎人~~~

今日咁岩dada放假~~~天文台又話未來幾日都雷暴~~~咁想戶外活動既話~~~就要及時啦~~~所以今日又再去沙灘玩下啦~~~我地一齊豬豬到兩點半出發~~~tea一tea~~~四點鐘到達清水灣~~~阿b一去到好興奮咁同個海say hello~~~不過腳仔掂到沙就縮一縮~~~換好衫就唔怕dirty~~~又玩沙~~~今日仲好屎大膽~~~dada抱佢出水玩下~~~係咁要"地地"要自己游下游下~~~不過今日又冇帶手袖~~~唯有係淺水俾佢玩下~~~下次mama要記得帶啦~~~今日又係玩得好開心~~~

之後返屋企洗完白白就去公公婆婆屋企食飯啦~~~柏柏仲食雪糕做甜品~~~食到成隻污嘴狗咁呀~~~今日穴23玩得太癲~~~太開心啦~~~

一去到沙灘就玩下沙先~~~


之後就跟dada去淺水區玩下~~~


dada去左游水~~~又同mama玩下沙~~~係咁講"不不不"~~~

之後我地叫柏柏擺個pose黎影下相~~~柏柏就好搞笑咁唔知將對手放邊好~~~結果~~~古古怪怪~~~






愈玩愈開心~~~又要跟dada出去玩水~~~愈行愈深~~~dada要抱都唔俾呀~~~要扭落水自己玩~~~知唔知危險架~~~之後仲要學潑水去mama度~~~


自食其果~~~haha~~~

連係水都係玩"free"~~~服左佢兩個~~~



柏柏玩水玩到飲晒水~~~mama就覺得好咸~~~柏柏好似好鍾意飲咁~~~激屎~~~

係咪好型先~

阿b今晚係屋企搵玩具玩~~~搵到呢個係好耐之前姨姨送既禮物~~~就試下~~~一試之下~~~俾mama同dada係咁讚佢型仔~~~阿b就勁開心~~~好明顯係一名貪靚b~~~

在家的日子

星期二~~~dada開始返夜~~~又係我地閉關既日子~~~除左星期三約左弢弢去街街之外~~~其餘時間都乖乖咁留係屋企休息一下~~~阿b每日起身就開始搗亂~~~之後就食lunch~~~飽飽之後又同dada一齊覺覺豬~~~豬豬醒之後就同dada去公園玩"sir sir"同"bubbles"~~~阿b好開心呀~~~玩夠又返屋企洗白白~~~食dinner~~~睇電視~~~親子時間相對多左~~~日日生活如是~~~
偶然在家也是好~~~~~~

再戰沙灘

今日dada放假啦~~~一路都想再帶阿b去沙灘玩~~~今日有機會啦~~~弢弢上星期岩岩去完玩~~~就介紹左我地去西貢清水灣~~~水清沙幼~~~好乾淨~~~good good good~~~相比上次馬灣~~~簡直係天堂與地獄之別呀~~~果然好介紹~~~ 經過上次阿b既驚慌表現~~~今次mama做足準備~~~沙灘玩具加沙灘蓆~~~小小時間warm up~~~成功左~~~阿b玩得好開心呀~~~今次我地一去到~~~阿b就坐係沙灘蓆玩下沙~~~撥撥撥~~~玩玩下就慢慢伸隻腳出蓆外~~~之後成功踏出第一步~~~haha~~~原來係咁好玩架~~~ 不過失敗既係mama竟然記得帶衫褲俾阿b~~~唔記得帶俾dada同mama~~~結果玩到成褲都濕晒~~~下次一定要再好裝備先得~~~ 今日實在太好玩~~~好想快d再去過呀~~~ warm up一下先~~~初初坐係沙灘蓆玩下先~~~ 愈玩愈開心~~~ 五分鐘之後就成功踏出第一步啦~~~ 仲同dada去拎水水返去整堡壘~~~ 玩到成腳都係沙~~~ 好努力咁玩玩玩~~~ 玩玩下仲要dada同佢"free"~~~ 幾時可以再黎過呢~~~ 阿ｂ真係玩得好開心架～～～

阿ｂ玩左好多次浪～～～覺得好好玩～～～玩到呢一次～～～係冇心理準備之下俾個浪整到成身濕晒～～～ｄａｄａ話阿ｂ呆左～～～我地問阿ｂ好唔好玩～～～阿ｂ耍手擰頭話唔好玩～～～仲同個海ｓａｙ　ｂｙｅｂｙｅ～～～勁搞笑呀～～～

MoTHer's dAY

今年係柏柏第二年過既母親節啦~~~雖然都係冇咩特別~~~不過都好開心~好享受~~~因為dada要返工~~~我地同公公婆婆一齊食飽飽lunch~~~dada就返工~~~我地就返屋企啦~~~公公婆婆都返左屋企之後~~~我地又眠一眠~~~眠左一個鐘多dd就醒左~~~我地兩個去拍拖行街街~~~tea一tea~~~之後就返婆婆屋企食飯啦~~~
食飽飽又走啦~~~返到屋企冇咩做~~~我地又自拍下~~~今次超搞笑~~~阿b覺得好好玩~~~玩左好耐都未厭~~~
就係咁平淡~~~又過左mama做mama既第二個母親節啦~~~
mama叫阿b望鏡頭笑下啦~~~

mama又叫阿b個樣正經d啦~~~

阿b同mama玩自拍好開心呢~~~

過去幾日真係好充實~~~就算dada要返工~~~時間都過得好快~~~仲好似唔夠用咁~~~到今日已經攰到唔想郁啦~~~

星期一同星期二都去左覆診~~~見過小b啦~~~星期一去私家覆診~~~阿b由初初見到醫生幫mama照u/s既時候驚到喊~~~到而家習慣左~~~今次仲識得望住叫"bb"啦~~~mama真係好感動~~~haha~~~mama都開始慢慢接受呢個兩小小魔怪啦~~~開始覺得阿b係應該可以接受既~~~暫時都已經冇之前咁擔心~~~阿b而家仲知道bb係邊度~~~阿b會拍拍bb~~~又肯kiss架~~~相信阿b都會係一個好哥哥黎既~~~

阿b好耐未試過唔係屋企過夜啦~~~因為星期二要去醫院做檢查~~~阿b唔方便去~~~星期一晚就係公公婆婆屋企過夜啦~~~mama竟然唔捨得喎~~~太耐未試過啦~~~好唔習慣呀~~~mama陪阿b覺覺豬之後就自己一個人搭車返屋企~~~感覺不好~~~

星期二同dada一早出門去醫院~~~足足等左三個幾鐘~~~又抽血~量血壓~照u/s~見醫生問history~又檢查~唉~~~人都癲呀~~~睇完之後就去會合俾婆婆帶左去沙田玩既阿b~~~食飽飽lunch~~~dada返工~~~我地shopping一下~~~以前既mama係shopping高手~~~唔識停~~~而家行一陣就投降啦~~~要返婆婆屋企眠一眠~~~準備夜晚同弢弢食dinner啦~~~阿b同弢弢都開始識得玩下~~~有d交流~~~haha~~~你拍檯我又拍~~~超搞笑~~~

星期三太攰啦~~~休息休息~~~星期四又出街~~~幫dada拎電話去修理~~~婆婆接埋我地一齊等~~~tea一tea~~~行一個圈都攰到屎~~~其實阿b好叻仔~~~行黎行去~~~都唔扭抱~~~可以捱到返婆婆屋企先覺覺豬~~~大個仔~~~又乖仔~~~抵mama成日都讚下既~~~唔駛再成日俾mama話係衰仔啦~~~

星期五~~~今朝起身就已經想再豬過~~~好攰好攰~~~邊度都唔到~~~自從有左小b之後~~~周不時都會心跳快~~~周身唔舒服~~~都好左幾星期~~~可能呢幾日太攰~~~今日個心又跳跳跳~~~快快快~~~唯有係屋企休息一下~~~夜晚又同阿b返公公婆婆屋企痴餐啦~~~今日最特別既應該係mama好似feel到小小b郁呀~~~之前照u/s~~~醫生話左面係小小b~~~右面係小b~~~今日feel到係小小b郁黎郁去~~~唔知係咪錯覺呢~~~試多幾日就知道啦~~~

終於等到聽日啦~~~dada放假一天~~~舒服晒~~~~~~

mama傑作

阿b前日去完ocean park就流鼻水~~~mama就俾左阿b洗左個熱熱白白豬~~~食左支熱熱大奶奶~~~局左一身汗~~~第二朝就good good~~~冇晒鼻水~~~禽日本來打算覺覺豬一個下午就去行街街~~~買沙灘用品~~~準備今日同十六等等朋友仔去黃金海岸玩下啦~~~點知黃昏開始~~~阿b就好似有d唔舒服~~~於是我地就冇去行街街~~~等夜晚同公公婆婆食dinner~~~係屋企既時候~~~阿b仲好精神咁睇電視同跳舞~~~點知一去到食飯就開始唔妥~~~變左一個小火爐~~~我地好快咁食完就返屋企同阿b沖下身~降下溫~~~俾埋退燒藥~~~初初都退左少少~~~由104退到101~~~點知隔一陣又燒過~~~成晚都keep住發燒唔退~~~其實mama初初都唔係好驚~~~因為阿b之前都試過~~~通常病之後就燒一次就冇事~~~咁前日有鼻水~~~可能d菌發出黎~~~咁燒一燒應該好正常~~~但係都應該燒一次~~~退左就冇事架~~~點解今次唔退燒呢~~~成晚都冇咩點豬過~~~又抹身都唔得~~~直至八點幾就決定同阿b去睇醫生啦~~~

睇完醫生就覺得mama真係low b左~~~太唔細心啦~~~點解一路都唔退燒~~~係因為mama一路都俾阿b用返之前睇既醫生開既藥~~~bb太易發燒~~~燒一燒可以用~~~但阿b對上一次發燒已經係幾個月前~~~阿b而家既體重已經唔再岩用~~~份量太少~~~所以退唔到燒呀~~~而家阿b要食既份量已經係之前既double啦~~~唉~~~如果早d醒起~~~一早就睇左醫生~~~好似今日咁~~~食左一次藥就真係冇事啦~~~

阿b今日朝早食完藥~~~唔駛一粒鐘就退燒~~~覺豬豬一陣就成隻生猛左~~~於是就同公公婆婆tea一tea~~~雖然上半part節目冇得去~~~咁就繼續下半part~~~闖入濕地開party~~~開完party仲去元朗食大榮華~~~好滿足~~~好飽飽咁返屋企洗白白~~~覺覺豬啦~~~

如果mama可以醒目d~~~諗多d~~~阿b就唔駛咁辛苦啦~~~下次真係要冷靜諗清楚呀~~~~~
多得呢兩架車車陪左阿b成晚~~~haha~~~