三小子

今日dada放假~~~一早約左兩個小小子一齊去沙灘玩下~~~約左好幾次~~~次次都落雨去唔成~~~禽日都講定今日唔駛去~~~又要再約過架啦~~~點知~~~太陽伯伯勁到爆~~~曬到爆~~~熱到爆~~~mama已經唔想郁~~~不過~~~既然個天都心情靚靚~~~又係時候出動玩下啦~~~而且好好好耐冇見十五同十六啦~~~
第一次假期踏足清水灣~~~原來可以咁多人~~~真係好恐怖~~~臨走想去洗洗身~~~真係唔駛諗~~~有個窿換返件乾淨衫都執到啦~~~
佢地雖然好耐冇見~~~都玩得埋一齊喎~~~柏柏今日都玩得好開心下~~~三個相差幾日既小子~~~感覺真係玩得好開心~~~
好快又再約下次啦~~~
今日mama影既相全部都係同一個位置~~~因為影左一陣~個相機原來冇電~~~
今日既三位主角~~~
十五~~~柏柏~~~十六~~~

柏柏同十六玩咩呢~~~

就咁係個窿度都玩一餐~~~


就咁自己玩就冇咁好玩~~~dada竟然教柏柏倒落十六到~~~



十六仲未知發生咩事~~~柏柏就勁開心~~~

柏柏: 仲有邊個想試~~~十五就加入戰團啦~~~

三號風球下的癲癲柏

柏柏鍾意做哥哥多d定係弟弟多d呢~~~平時同弢弢玩既時候都好開心~~~今日有個姐姐黎同柏柏玩~~~原來柏柏一樣咁開心~~~係咁叫"姐姐"~~~可能姐姐又大個d~~~反應仲好d~~~玩到癲左~~~
mama可以想像到將來屋企有三隻跳下跳下既馬騮係會有幾熱鬧~~~haha~~~

出爐小豬

今日mama終於終於的的的起心肝~~~將四隻污糟豬變成香噴噴~~~滑嘟嘟既出爐豬啦~~~好攰好攰~~~但好好好好好好開心~~~由十一點幾開始玩到七點半~~~中場休息兩粒鐘~~~過程令人滿意~~~極有滿足感~~~又講一次~~~haha~~希望keep到有幾耐得幾耐~~~又希望mama勤力d~~~唔好等到污糟到爆先開波洗白白囉~~~hehe~~~
加油~~~加油~~~

21weeks

今日去左覆診~~~終於問左醫生~~~原來已經21weeks1day啦~~~haha~~~細b同細細b都係好正常~~~各樣都好好~~~今次陀住兩個~~~重得好快呀~~~上次生柏柏既時侯~~~同而家既體重係一樣啦~~~仲有一半路要走~~~咪有排重~~~唉~~~好攰呀~~~
陀住孖b~~~最怕係佢地早出世~~~所以醫生都話得閒坐下抖下~~~就係咁~~~得閒就坐下抖下豬下~~~希望兩隻小豬乖乖地等足月先好出黎呀~~~
今日同柏柏一齊去覆診~~~一路照u/s~~~一路同佢講bb~~~柏柏就豎起手指~~~叫我地細細聲~~~haha~~~超搞笑~~~唔通驚我地嘈住醫生做野~~~
睇完醫生~~~又去lunch~~~又去shop左少少野啦~~~hehe~~~mama話過唔會買太多衫俾細b同細細b架~~~不過呢排見到又忍唔到手~~~孖住買~~~真係好得意~~~haha~~~不過~~~都係買d大個少少既衫啦~~~6months之前都大得好快既~~~趁而家又周圍都sale~~~買定下年著都好岩姐~~~haha~~~
而家又開始諗下有咩必需品要準備啦~~~暫時都可以用返柏柏個d~~~有d就有朋友仔相借~~~真係good good~~~最緊要慳返筆~~~好開心呀~~~

CUPS

柏柏呢期又愛上呢套cups~~~晚晚都疊高又拎落黎~~~又排排排~~~又red~又blue~又green~又yellow~~~
好鍾意係mama隻腳隔離排排排~~~初初成日都好忟憎咁一路排一路講"開"~~~mama都唔明做咩~~~點知有一日公公同mama講~~~佢係叫你行開~~~oh no~~~邊有人咁野蠻~~~自己行開d玩唔得既咩~~~激屎~~~

下雨天

星期六又落雨~~~最好都係留係屋企~~~今日dada要返工~~~一早同我地去megabox玩一陣同lunch~~~之後我地就返屋企等瑤瑤過黎一齊玩啦~~~今日瑤瑤仲帶埋表弟過黎一齊玩呀~~~兩個玩到癲晒~~~柏柏梗係好開心啦~~~可惜落雨~~~如果唔係就有得落街玩啦~~~
之後一齊dinner~~~今日得mama同柏柏~~~柏柏都好乖乖咁食野~~~唔駛mama激激激氣呀~~~傻仔咩都玩一餐~~~拎住支飲管又玩一餐~~~食飽飽~~~瑤瑤同表弟弟都要返屋企~~~我地又返屋企~~~只係豬左半粒鐘既柏柏真係精力過盛~~~返到屋企繼續玩玩玩~~~玩到公公婆婆返黎又玩~~~真係服左佢~~~mama已經攰到郁唔到啦~~~
聽日有冇機會又見到瑤瑤呢~~~睇下個天like唔like啦~~~如果like~~~仲可能見到好耐冇見既十六呀~~~呵呵~~~
~~~街頭騙案實錄~~~
瑤瑤: 柏柏~我地一齊去搵$$$囉~~~

柏柏: 點搵呀~~~不如扮盲呀~~~

柏柏: 咦咦~~~有記者喎~~~快手d啦~~~

瑤瑤: 柏柏~你扮唔似~~~我扮係咪似d~~~

柏柏: 似似似啦~~~拖住仲似呀~~~

柏柏: 出發啦~~~行快d~~~~搵多d~~~

冬豬覆診了

禽日一早就同冬豬去覆診~~~第一次睇完alison之後~~~聽到要做手術就唔知點算~~~之後上網check過~~~甲狀腺過高出現係十歲以上既喵豬黎講~~~原來係好普遍~~~不過~~~處理得唔好~~~都會出現好大問題~~~其實冶療方法都係得兩三種~~~長期食藥同做手術~~~兩者都唔想~~~而藥物係咪冬豬能夠適應又係一個問題~~~十八歲要全身麻醉做手術就仲令人擔心~~~

最後~~~決定試下食左藥既反應先~~~食左幾日藥~~~點知收到個好突然既消息~~~alison又突然之間冇做啦~~~返屋企湊女~~~唔係呀~~~咁點好呀~~~診所再打電話黎傾下應該點做~~~其實要搵一個自己信賴既獸醫真係好難~~~喵豬又唔識講~~~覺得好定唔好~~~又要憑自己去估獸醫講得岩定唔岩~~~為呢件事煩左好幾日~~~最終~~~診所再打黎話個case俾左dr. david跟進~~~上次就係佢幫囡囡照u/s~~~大家都傾左幾句~~~感覺亦良好~~~ 既然要再左搵右搵~~~不如都聽下佢有咩意見啦~~~

禽日朝去到~~~dr.david幫冬豬檢查一下~~~抽血驗下紅白血球~驗下甲狀腺~~~又睇下肝腎功能有冇被藥物影響~~~一路睇都覺得感覺好好~~~

因為之前見到有喵喵都係甲狀腺~~~食藥之後影響腎功能而出配腎同心臟衰竭~~~所以都有考慮做手術係咪長遠解決辦法~~~ david解釋左一次~~~佢話處理呢個病係長期食藥或者做手術~~~而藥物對喵豬既反應~~~驗血係可以睇到~~~如果今次驗血報告好好~~~即係藥物對冬豬係有幫助~~~可以長期服食黎控制~~~而藥物係唔會影響到腎功能~~~而係可能藥物唔能夠好好咁控制甲狀腺~~~令甲狀腺過高就會影響腎功能~~~所以每隔一段時間就要驗一次血~~~睇住身體有冇變化~~~有變化就要嘗試其他藥物~~~

至於手術~~~反而佢又唔太贊成~~~佢認為做左手術~~~如果係好既就理想~~~如果佢既反應唔好~~~因為切除左甲狀腺又有可能影響其他器官~~~到時冇可能放返入去~~~所以手術未係一個最好既治療方法~~~

聽完佢咁講~~~其實都放左一個心~~~因為一來都好擔心冬豬真係要做手術~~~佢咁大年紀~~~二來如果藥物ok~~~冬豬又唔抗拒~~食藥都冇問題呀~~~冬豬好似食糖咁架咋~~~

不過又有d猶豫~~~因為david同alison講既野都有少少出入~~~要等等睇埋個report先算啦~~~

仲有仲有~~~好好好多~晒各位喵友既寶貴意見呀~~~many many thanks~~~

柏柏電視迷

柏柏好愛睇電視~~~仲要好識嘆~~~

三子相會

今日一早天氣惡劣~~~多雲有雨~~~不過~~~天公總算造美~~~雨停下~~~太陽伯伯都打過一下招呼~~~三小子就可以繼續行程~~~向清水灣出發~~~ 今日約埋弢弢同oscar一齊去玩~~~柏柏玩得好開心呀~~~今日既水真係好凍~~~不過仍然好多人~~~仍然好好玩~~~ 柏柏同弢弢玩得幾開心~~~ 今日d水好凍呀~~~冰冰冰~~~上水要保保暖先得~~~ dada又要玩堆沙~~~第一個受害者係oscar~~~ 之後就係弢弢啦~~~ 最後連自己個仔都唔放過~~~好變態呀~~~ 柏柏復仇記~~~搞到dada成頭沙~~~ 柏柏今日勁開心~~~又有雞脾食~~~又有維他奶飲~~~

父親節

今年既父親節~~~熱熱熱~~~超熱~~~dada要返工~~~mama同柏柏出左去搵公公婆婆食個lunch~~~食完之後~~~實在太熱~~~除左返屋企就別無他選~~~返屋企豬一陣~~~dada放工就一齊去買野~~~都係發現屋企最舒服~~~一於返屋企同公公婆婆一齊dinner~食糕糕啦~~~

二十一個月啦

柏柏今日二十一個月啦~~~唔經唔覺~~~仲有三個月就兩歲啦~~~好快呀~~~今個月既柏柏大個仔左啦~~~扭計又好似多左呀~~~好奀皮~~~後半個月時間~~~公公婆婆屋企裝修~~~搬左過黎一齊住~~~柏柏更加有後台撐腰~~~對dada同mama講既說話好似聽唔到一樣呀~~~激屎mama呀~~~ 另外就係今個月~~~囡囡家姐同冬豬都病病~~~mama好多時候都要帶佢地睇醫生~~~有時柏柏都有去~~~咁等得太耐既時間都會忟憎~~~但係已經比mama想像中乖啦~~~繼續俾多d耐性就good good啦~~~

柏柏而家真係太愛睇電視~~~呢個真係一個麻麻既習慣~~~雖然好多育兒教育都唔贊成小朋友睇太多電視~~~但係mama既童年都好鍾意睇電視架~~~如果而家唔俾柏柏睇~~~返學既時候~~~又要溫習~又要做功課~~~就冇咁多時間睇電視架啦~~~hehe~~~

而柏柏而家最愛既戶外活動就應該係游水啦~~~真係好鍾意~~~超鍾意~~~成日飲水都好鍾意~~~dada同mama見到柏柏游水都好開心架~~~今日二十一個月又係咁岩dada放假~~~咁岩又plan左去游水~~~慶祝一下~~~

今日玩得超開心呀~~~因為約埋朋友仔一齊去~~~有個姐姐看管財物~~~連mama都可以落水一齊玩~~~勁happy呀~~~好期待下一次呀~~~
踏入二十二個月~~~好想柏柏自己食多d~~~肥返dd~~~而家太瘦啦~~~雖然都食得ok~~~如果可以再食多d就好啦~~~~~~




mama見到怪獸好既異常反應~~~叫dada試一試柏柏係咪都係咁正常~~~haha~~~柏柏九秒九話"唔好"~~~仲自己爬返出黎~~~



mama唯有叫柏柏坐係度~~~埋左對腳就算啦~~~



最好玩就係今日可以一齊游出海中心玩呀~~~

冬豬又要病

禽日囡囡覆診~~~情況尚可以~~~暫時都係搵唔到係咩原因令囡囡貧血~~~但係而家既情況冇再差落去~~~可以做既都係繼續觀察~~~希望過一段時間就可以回復體重~~~一切正常啦~~~

因為係屋企發現一篤比較深色既尿尿~~~最大可疑係冬豬~~~所以禽日就帶埋冬豬去睇醫生啦~~~因為冬豬就黎十八歲啦~~~年紀大~~~所以做個全身檢查~~~alison就摸到冬豬既甲狀腺比較大~~~建議抽血驗其他內臟機能之餘就驗埋甲狀腺~~~同埋抽埋尿尿驗一驗~~~其他既狀況~~~表面睇黎係好正常~~~只係眼睛既晶狀體有一層膜~~~不過都係年老既表現~~~亦不至於白內障~~~所以都唔駛擔心~~~

今日dada同mama返去睇report~~~基本上~~~血既報告中~~~除左ALKP/ALT(肝既指數)比較高~~~仲有CREA(肝肌素)又偏高少少~~~其他都可以接受~~~而肝既問題就係源於甲狀腺~~~甲狀腺驗出既結果係好高~~~正常係13-64nmol/L~~~~而家冬豬係>90nmol/L~~~甲狀腺過高係會影響喵豬體重下降~~~經常嘔吐~~~半夜怪叫~~~脾氣比較忟憎~~~而冬豬除左冇明顯體重下降~~~其他都中喎~~~初初mama以為好似人一樣~~~只係食藥就可以~~~但係alison話原來佢呢個甲狀腺問題係屬於cancer~~~需要做手術移除兩邊甲狀腺~~~如果唔做手術~~~日後就可以慢慢瘦~~~一路瘦~~~跟住就食唔到~~~亦會同時影響心臟功能~~~情況又可以好嚴重~~~

而家alison開左一種減荷爾蒙既藥俾冬豬~~~食十日藥之後要再驗血~~~之後先可以再決定做唔做手術~~~因為甲狀腺高係會隱藏左本來有既腎病~~~即係就算而家冬豬既腎可能有問題~~~不過亦會因為甲狀腺而影響驗血既報告~~~如果食左藥~~~甲狀腺會好快下降~~~到時再驗血就會知究竟冬豬既腎係咪真係咁正常~~~ 咁腎功能正常先可以做手術呢~~~

唉~~~問題對於mama黎講~~~好複雜~~~究竟應該點做~~~仲未諗到~~~好想要睇多個vet去問下意見~~~畢竟冬豬年紀太大~~~雖然alison覺得冬豬而家既狀態做手術係冇問題~~~alison亦話自己都做過好幾次呢d手術而好成功~~~但係~~~mama實在唔忍心冬豬要開刀~~~而問題係咪真係嚴重到如此地步呢~~~

mama而家既心情真係好亂~~~如果冇帶冬豬去檢查~~~根本唔會知道有呢個問題~~~會唔會仲好~~咩都唔知~~~而冬豬又精神奕奕~~~唉~~~究竟應該點做好呢~~~點做先可以令冬豬又過關呢~~~~~~

如珠如寶

其實ｍａｍａ一直都好擔心孖ｂ出世之後會搶左阿ｂ既野～～～但係而家又唔覺得係咁啦～～～因為柏柏係我地心目中又真係好重要～～～而家我地都當佢如珠如寶架～～～
記得當初有左柏柏既時侯～～～好緊張～～～可能始終第一個～～～成日都上網睇資料～～～搵下買咩俾柏柏～～～用咩奶樽～～～用咩ｂｂ車～～～用咩床～～～用咩揹帶～～～
又成日望住個月曆～～～究竟幾多週～～～柏柏係肚入面變左點～～～有幾長～～～有幾重～～～總之樣樣都好緊張～～～又好緊張每次去睇醫生既時侯可以見到佢～～～每次都好開心～～～

今日～～～呢一刻～～～ｍａｍａ完全講唔出孖ｂ係幾多週～～～大約～～～十九週左右啦～～～除左覺得好辛苦既時候～～～腰骨好痛～～～其餘時間～～～完全唔覺得自己陀住一對ｂｂｓ～～～好似好少同佢地兩個交流～～～呢幾日～～～佢地彈彈彈多左～～～但係ｍａｍａ冇好似以前咁開心即刻同ｄａｄａ講邊日開始ｆｅｅｌ到啦～～～連ｍａｍａ自己都唔記得邊日開始～～～ｈａｈａ～～～

前兩日～～～ｍａｍａ返左贊育覆診～～～原來係照結構喎～～～呵呵～～～完全唔知道～～～醫生話有排照～～～結果～～～照左一粒鐘～～～仲要唔駛＄＄＄～～～今次終於都有一種比較實在既感覺～～～一來照得太耐～～～二來～～～呢個政府醫生超水準～～～一路照一路講～～～係有講有笑～～～令ｍａｍａ感覺十分舒服～～～簡直從未試過如此享受政府服務～～～醫生再ｃｏｎｆｉｒｍ一次～～～大孖係男仔～～～細孖係女仔～～～大孖有２８５ｇ～～～細孖有２９２ｇ～～～大家都係９ｏｚ～～～ｓｉｚｅ都好正常～～～五官～手腳～心肝脾肺腎都好好～～～就係因為咁正常～～～ｍａｍａ唔駛擔心佢地兩個住～～～可以盡情同柏柏周圍玩多ｄ～～～珍惜呢段日子啦～～～

囡囡近況

囡囡呢幾日好左好多啦~~~精神不錯~~~周不時行黎行去~~~又周不時轉下位置覺覺豬~~~食野又食多左~~~而家轉左食recovery濕糧~~~胃口好好~~~一日可以食到一罐~~~好good呀~~~食藥都好乖啦~~~屎屎尿尿都好正常~~~星期一再覆診~~~驗多一次血~~~如果再升高d~~~咁就好啦~~~好快就可以完全康復啦~~~
而家囡囡都仲係咁嗲~~~可能mama知錯啦~~~陪多左囡囡一齊覺覺豬~~~message又多左~~~佢心情好左~~~開心左~~~以前mama成日都話囡囡太肥~~~而家唔緊要啦~~~食多d~食多d~~~肥多d啦~~~肥嘟嘟圓碌碌先靚女呀~~~mama要摸摸囡囡既豬腩肉呀~~~

囡囡好左好多啦

今日同囡囡覆診～～～過去幾日～～～囡囡食多左少少啦～～～精神又好左～～～唔係再成日豬豬～～～間中都有出黎行下～～～又食左補血丸～～～感覺係好左～～～今日返去覆診～～～抽血驗左～～～問題不大～～～ＰＶＣ升返上２３％～～～比起上星期日只得１４％～～～好左好多啦～～～ｄｒ。ａｌｉｓｏｎ都覺得好滿意～～～不過～～～因為咩原因而令之前有咁差既情況～～～都未有明確原因～～～最大可能都或者會係囡囡本身既免疫系統出左問題～～～因而令佢貧血～～～
而家囡囡繼續食多幾日補血丸～～～過多一星期～～～再覆診抽血驗下～～～如果數字再上升～～～理想既就可以停藥～～～
結論亦只係虛驚一場～～～ｈａｈａ～～～囡囡真係識得蝦ｍａｍａ～～～咁就可以嗲嗲ｄａｄａ同ｍａｍａ多ｄ～～～ｄａｄａ同ｍａｍａ又多ｄ時間陪佢啦～～～真係古惑囡囡～～～
身體健康最重要～～～以後要乖乖啦～～～

ｍｏｒｅｍｏｒｅ七歲啦

今日ｍｏｒｅｍｏｒｅ七歲生日啦～～～又大一歲啦～～～ｍｏｒｅｍｏｒｅ而家好乖～～～雖然仲係成日係地下尿尿～～～不過都唔係周圍屙～～～屙係指定地方～～～都算係咁啦～～～又唔會同冬豬同ｐｉｎｋｐｉｎｋ爭野食～～～每次食罐罐都好禮讓～～～
ｍａｍａ希望ｍｏｒｅｍｏｒｅ身體健康～～～日日都可以嗲嗲嗲～～～想食就有得食～～～肥肥白白～～～一日靚過一日～～～～～～
生日快樂～～～

阿b游水

今日dada放假~~~天氣又good good~~~不過有d涼~~~因為moremore牛一~~~囡囡又要覆診~~~所以唔去沙灘咁遠啦~~~我地去左泳池游水~~~今年第一次~~~阿b應該仲有記憶~~~一去到就好興奮啦~~~玩得好開心~~~阿b真係好浮誇架~~~係咁"嘩嘩嘩"~~~初初用左手袖~~~浮浮下~~~因為今年高左~~~其實可以自己行都唔係好跌~~~之後就除左對手袖~~~自己行黎行去~~~仲開心~~~不過上年潛入水都好開心~~~今年可能真係大個仔左~~~知道水係"yip"眼~~~好唔鍾意~~~係咁話唔好~~~超搞笑~~~ 今年去游水真係輕鬆好多~~~阿b識行識走~~~游完之後同mama洗白白~~~好乖~~~唔駛咁辛苦啦~~~ mama同dada講~~~會多d多d帶阿b去游水~~~如果唔係下年要返學就好少機會可以平日包池游水啦~~~~~~

弢弢生日會

今日係弢弢一歲生日啦~~~時間過得真係超快~~~話咁快又一年~~~弢弢又就黎識行~~~可以同柏柏一齊行街街~~~追追逐逐啦~~~祝弢弢生日快樂~身體健康~快高長大~~~
今日兩點幾去到~~~dada同mama第一時間就係食~~~之後阿b就開始驚驚~~~有咩咁驚呢~~~

就係小丑哥哥既驚嚇造型~~~但係過左一陣~~~阿b已經唔驚啦~~~仲自己愈行愈前~~~睇得好開心tim~~~

同主腳影返張相先~~~係咪好friend先~~~

又拎左個大大balloon周圍fing~~~

過去一星期~~~mama都好少幫阿b影相~~~阿b面仔好似冇咁花啦~~~冇咩新傷痕~~~haha~~~

囡囡返左屋企啦

囡囡返左屋企啦~~~

0539接到dr.dave既assistance打電話黎~~~照左u/s啦~~~mama好緊張~~~dave話佢冇咩野喎~~~oh really~~~真係冇咩野~~~即係最壊打算既腫瘤唔係啦~~~冇~~~真係冇~~~只係脾臟大左少少~~~但係因為囡囡而家貧血~~~身體自動製造多d血~~~因而令脾臟大左~~~呢個情況係正常~~~咁內出血呢~~~有冇地方內出血呀~~~dave話u/s見到既有限~~~如果連u/s都見到~~~就真係好嚴重~~~而佢又見唔到~~~不過~~~唔排除有少少滲透緊~~~呢個要等囡囡既臭臭報告出左先知~~~而禽晚做既blood test~~~紅血球又升返少少~~~有18%啦~~~good good~~~

好好好~~~情況好好~~~咁即係可以即刻接囡囡返屋企~~~assist話今日下午alison應該會再睇~~~可能又要再帶佢返去~~~哎呀~~~唔緊要啦~~~mama好掛住囡囡呀~~~都係即刻接啦~~~而且囡囡成日冇食野~~~好肚餓架啦~~~

0602~~~見到囡囡啦~~~佢好似唔係好驚~~~好想走出黎~~~掛屎人啦~~~dave話佢照u/s既時候都好乖~~~唔駛落鎮定劑~~~好叻女呀~~~

返屋企啦~返屋企啦~~~0635就返到屋企啦~~~一出袋~~~oh my god~~~兩邊肚剃晒毛~~~no good呀~~~不過仲係好靚女~~~囡囡好肚餓啦~~~食完藥就食i/d啦~~~good good~~~
返到屋企再望下~~~又覺得囡囡d牙肉再紅dd喎~~~應該冇事架啦~~~可能真係有d貧血~~~mama大驚小怪~~~加油~~~快d好返呀~~~~~~

mama呢一刻真係好開心呀~~~

囡囡~快d好返啦~

夜晚九點半~~~耍帶囡囡返去覆診~~~要照u/s~~~囡囡成日都冇食過野啦~~~應該好肚餓~~~到達診所都係睇alison先~~~佢話囡囡好似冇之前咁白~~~有少少粉紅~~~都係抽血驗左先~~~之後就要擺低囡囡~~~排隊等dr.dave照u/s啦~~~
真係好唔想擺低囡囡自己一個~~~佢會好驚~~~不過冇得選擇~~~唯有等~~~佢地答應幾多點都好~~~照完會即刻call我~~~我就可以即刻去接架啦~~~等等等~~~一點半再打電話問下~~~仲未開始照~~~
今晚仲要行雷又閃電又大雨~~~狗狗又吠吠吠~~~嚇屎囡囡啦~~~希望佢地快手d啦~~~快d照完~~~囡囡冇事~~~快d返屋企啦~~~擔心屎mama啦~~~
囡囡~~~你真係唔駛驚呀~~~mama唔係你身邊~~~不過都遙控呵緊你架~~~你要努力~~~乖d~~~合作d~~~照完就可以返屋企架啦~~~