全家福

一家九口一齊渡過左一星期啦~~~日子過得超快~~~快d識爬~識行~識講~識走就好啦~~~
過去一星期~~~對mama黎講~~~唔太辛苦~~~訓得好~食得好~~~good good good架~~~
原來dada既父愛好爆棚~~~mama可以好舒服~~~過去一星期~~~mama幾乎冇試過起身餵夜奶~~~haha~~~因為聽唔到bbs既喊聲~~~偉大既dada自己搞掂~~~偶然mama會扎醒幫下手~~~不過~~~真係好偶然~~~又或者mama起身既時候~~~dada已經岩岩搞掂~~~食完bbs食奶奶~~~換好尿片~~~準備放返上床覺覺豬~~~
當年柏柏出世既時候~~~都係由dada一手包辦~~~估唔到~~~兩個bbs對dada都冇難度~~~dada真係勁~~~

雖然平時唔細心~~~冇驚喜~~~悶旦既dada成日九唔搭八~~~但係亦有good good既一面~~~今次mama都係泵mama奶俾bbs~~~其實覺得好辛苦~~~好困身~~~好阻時間~~~但係dada全力支持~~~唔想mama放棄~~~所以~~~只要dada識做既~~~咩都包辦晒~~~唔駛mama辛苦~~~mama心裡面係感動既~~~hehe~~~好感激dada咁幫手~~~

小朋友最幸福就係有一個溫暖既家~~~至少有一個懂得錫佢地既dada同mama~~~而家屋企既七個小朋友都有一個咁好既dada~~~幸福到爆啦~~~mama都好開心呀~~~

初初既日子係過得比較辛苦~~~但會一日比一日好~~~一日比一日輕鬆~~~mama相信往後既日子一家更開心~~~更快樂~~~

出街啦

今日第一次一家五口人出街~~~四口豬留守屋企~~~刺激~~~
今日0930要帶細b同細細b去健康院~~~柏柏又要返學~~~一早做足準備~~~執好野就提早出發~~~以為一切都好順利~~~點知上到車~~~柏柏扭計~~~一定要dada陪坐~~~但係dada又要睇住弟弟同妹妹~~~結果~~~柏柏晨早溜溜俾mama炳左一輪~~~喊到豬頭咁~~~要好幾分鐘先冷靜到~~~好彩柏柏唔記仇~~~冷靜完~~~mama解釋完~~~聽返d歌仔就冇樹~~~仲識同mama講"sorry"~~~ok啦~~~mama都知新開始有好多野要慢慢適應架啦~~~

送左柏柏返學~~~就同bbs去健康院啦~~~磅重~~~細b有5.3lbs~~~細細b有5.1lbs~~~兩個都重左啦~~~姑娘話mama奶bb要平均一日重0.02kg~~~佢地兩個都pass~~~即係mama可以繼續俾mama奶佢地飲而唔駛補奶粉啦~~~good~~~

再見埋醫生~~~check埋眼仔~~~又check左冇黃疸~~~一切都ok~~~咁就可以gogogo啦~~~今日都係用左個半鐘~~~好快呀~~~又冇咩人~~~good good good~~~

岩岩見完醫生~~~細b就開始喊啦~~~肚仔餓呢~~~柏柏又就黎放學~~~所以路途上就要食住去啦~~~好彩細細b未扭計~~~去到學校門口未夠鐘~~~dada同mama就一路等柏柏放學~~~一路餵埋細b同細細b~~~時間岩岩好~~~柏柏放學就見到弟弟妹妹~~~

今次叫dada整好個carseat~~~兩個bbs都可以坐定定~~~dada終於可以同柏柏一齊坐~~~所以柏柏就好開心~~~點知~~~落車見到dada同mama一人抱一個~~~柏柏又扭計~~~又要dada抱~~~結果dada又要大大力上身~~~一手抱一個~~~唉~~~柏柏~~~大個仔啦~~~唔好咁扭計啦~~~唔好咁呷醋啦~~~

今日出街既結論係~~~下次可以更好~~~應該唔駛長期留守屋企咁淒涼~~~

買左部細機之後~~~唔知點解好low b咁唔識用~~~搞左一輪~~~終於搞掂~~~狂影~~~咩都影~~~haha~~~

細b~~~




細細b~~~




制服bbs~~~

誰與誰

mama真係覺得抱住而家既細b~~~就重拾當年抱住柏柏既感覺~~~

柏柏返學~14thday

今日係第十四日啦~~~柏柏既返學時間又長左少少啦~~~因為柏柏慢慢開始適應啦~~~今日就試下再返長少少時間~~~又之前既放學時間係十一點半~~~今日又延長多一個鐘~~~試下睇下其他小朋友午睡係點樣既~~~

mama今日接柏柏放學既時候~~~見到柏柏唔係太開心~~~老師話柏柏唔太願意覺覺豬~~~可能環境又唔同左~~~見到一張張床又驚驚地~~~都只係由老師陪住坐係床上觀察~~~可能又要一段時間慢慢適應~~~努力啦~~~

二十五個月啦

二十五個月大既柏柏已經做左大哥哥啦~~~多左一個弟弟同妹妹~~~反應好好~~~有少少呷醋但唔嚴重~~~識得錫弟弟同妹妹~~~有時會行入房同佢地傾下計~~~有時又會主動叫dada同mama細細聲~~~係mama心目中~~~柏柏已經好叻啦~~~由知道有弟弟同妹妹既出現個一刻~~~mama就有d後悔~~~又有d擔心柏柏唔能夠接受~~~到而家~~~柏柏原來大個仔~~~適應能力比mama想像中要強得多~~~

而柏柏大個仔啦~~~講野多左好多~~~表達能力高左~~~正因為咁~~~多左好多要求~~~多左好多投訴~~~又因為咁~~~多左好多笑料~~~而踏入兩歲既柏柏亦開始返學~~~表現亦都好理想~~~應該可以係學校學到更多更多~~~

自從帶左細b同細細b返屋企之後~~~真係好突然咁覺得柏柏大個左好多好多~~~真係一個大哥哥~~~一個會發脾氣既大哥哥~~~

mama好期待~~~柏柏每一個月既變化都好唔同~~~轉變既野太多~~~而家多埋細b同細細b~~~相信佢地既生活會更大轉變~~~會互相影響對方~~~mama好期待佢地會一齊傾計~~~一齊玩~~~一齊奀皮~~~

細細b出院啦

今朝醫院打電話黎~~~話細細b妹妹都出得院啦~~~dada就同mama去接妹妹~~~柏柏就同細b弟弟係屋企等啦~~~今日真係等左好耐~~~等左個幾鐘先接到呀~~~
終於返到屋企~~~一家團聚啦~~~

柏柏又見到多一個bb~~~妹妹呀~~~反應好good~~~知道係妹妹~~~都幾開心~~~
時間真係好好~~~咁岩今日係假期~~~柏柏成日都可以同弟弟妹妹相處一下~~~柏柏完全冇抗拒~~~好叻仔~~~仲自己入房同佢地傾計~~~mama靜靜地係門口睇下~~~柏柏重覆打開蚊帳~~~同弟弟講完就同妹妹講~~~不過好細聲~~~mama聽唔到柏柏講咩~~~之後柏柏又拎左thomas係床邊玩~~~玩玩下又同佢地講下~~~拎起thomas俾佢地睇下~~~又唔知講d咩~~~細細聲~~~好溫柔~~~dada同mama不時讚柏柏係叻叻哥哥~~~柏柏好開心~~~

mama好感動呀~~~柏柏真係好叻仔呀~~~mama之前所擔心都唔駛再擔心啦~~~原來兩個bbs對柏柏黎講~~~真係唔係一個中問題~~~而家mama覺得~~~柏柏一定會更開心~~~相信柏柏都好期待弟弟妹妹快d大個~~~可以同柏柏一齊玩呀~~~

柏柏與弟弟

禽晚dada同mama帶柏柏一齊去接細b弟弟返屋企~~~柏柏心情有d複雜~~~又可能太夜~~~一返到屋企~~~柏柏就要洗白白~覺覺豬~~~所以冇咩時間見面相處~~~今日柏柏放左學~~~返到屋企就有好多時間慢慢適應~~~初初有d呷醋~~~之後就自己成日走入房搵弟弟~~~慢慢開始接受~~~ 原來柏柏既適應能力真係比mama想像中強好多~~~mama當初要擔心既~~~都好似冇咩野咁~~~見到柏柏好開心咁望住弟弟~~~好有好奇心~~~真係覺得係一件好事~~~ 今晚~~~mama叫柏柏抱抱弟弟~~~柏柏都冇say no~~~仲好小心~~~唔知係驚定係真係咁叻仔~~~識得就住弟弟~~~唔會周身郁~~~真係好叻叻~~~細細b妹妹都就出院啦~~~到時有兩個~~~唔知又會點呢~~~ 今晚柏柏開始有d混淆~~~周不時走入房叫"妹妹"~~~haha~~~到時真係唔知點教柏柏分辨細b同細細b呢~~~ 弟弟喊既時侯~~~柏柏好溫柔咁摸弟弟塊面~~~mama仲聽到柏柏好細聲咁講"唔好喊呀"~~

細b出左院啦~

細b夠秤啦~~~今晚出左院啦~~~不過細細b仲係醫院~~~應該過兩日先出得~~~
今晚之後~~~mama同dada同柏柏就要接受新考驗啦~~~得既~得既~得既~~~一切順利~~~

地中海貧血

dada同mama都有地中海貧血~~~大家都係輕微~~~生柏柏之前~~~身體檢查既時候已經知道~~~因為兩個都係地貧人~~~有四分一可能生一個嚴重地貧既小朋友~~~因為咁~~~我地都check清楚~~~再抽血驗下基因~~~醫生就話我地咁岩兩個都係"beta"~~~又咁岩係"-28"~~~所以生出黎既小朋友最嚴重既係得到"中型地貧"~~~而唔會係"重型地貧"~~~咁亦會視乎每個小朋友都唔同~~~就算係中型~~~可能間中要輸一次血~~~亦可能完全唔需要輸血~~~所以~~~冇必要係產前抽羊水驗~~~因為就算驗到有中型~~~亦都冇必要放棄個bb~~~

最後~~~柏柏同細b同細細b都係出世既時候~~~就拎左臍帶血去驗基因~~~柏柏係好似mama同dada咁~~~有輕微地貧~~~而細細b就係一個完全正常既~~~細b就check到有中型~~~所以要三個月大左右再驗血~~~睇下血色素會唔會好低~~~可能隔一段時間要睇專科~~~觀察住個情況~~~根據醫生所講~~~細b係屬於貧血~~~基本上唔會影響日常生活~~~只係有可能影響細b長得慢~~~亦可能唔會~~~不過~~~mama覺得~~~可能細b食多d mama奶就會健康d~~~所以~~~mama要好努力啦~~~唔可以懶啦~~~食得幾耐就幾耐~~~唔好諗奶粉啦~~~haha~~~

總之~~~希望柏柏同弟弟妹妹~~~三個都健健康康咁成長啦~~~

開心的下午

今日dada下晝終於開始放產假啦~~~細b今晚出院~~~下晝又要去贊育醫院睇細b同細細b既報告~~~趁中間空檔時間~~~本來plan左聽日去帶柏柏去迪迪尼~~~點知突然話細b要今晚出院~~~唯有今日近近地玩住先~~~dada再帶柏柏去左西寶城~playtown玩下先~~~柏柏超開心~~~玩到超攰

等細b同細細b都一齊返左屋企~~~大個dd~~~dada同mama再搵日同柏柏去迪迪尼玩啦~~~一定會去到既~~~

柏柏返學~9th & 10th day

柏柏呢兩日返學都冇扭計~~~又好開心~~~又肯自己食飯~飲湯~食生果~~~實在令mama好放心啦~~~

真係人夾人緣~~~唔知點解~~~柏柏真係好鍾意"娟姐"~~~返學要見到娟姐先入得安心~~~放左學~~~柏柏會同mama講"娟姐"~~~柏柏真係好記得呢個姨姨~~~
愈黎愈開心~~~愈黎愈適應~~~下星期開始~~~返學既時間又長dd啦~~~仲會係學校覺覺豬~~~希望柏柏識多d同學仔~~~愛上返學啦~~~

柏柏返學~8th day

今日柏柏好勁呀~~~mama又俾柏柏呃左~~~以為禽日柏柏自己行入學校好叻叻~~~諗住今日都係咁啦~~~點知去到門口~~~同柏柏講"see you"~~~唔肯喎~~~係都要拖實mama一齊入去~~~唔肯放手~~~不過柏柏又冇喊~~~只係好想mamam一齊去玩~~~而且今日miss chan同平時見到既姨姨都唔係門口~~~柏柏見唔到熟識既面孔~~~更加唔肯入去~~~搞左兩分鐘~~~見到柏柏好like既"娟姐"姨姨出現~~~柏柏竟然自己走過去~~~要姨姨抱~~~仲攬實姨姨~~~同mama"see you"~~~oh~~~原來係要咁~~~都總算順利~~~

mama如常十一點去接柏柏~~~點知姨姨出黎話柏柏食緊飯~~~要等等~~~一等就45mins啦~~~見到柏柏拖住miss chan出黎~~~嘩~~~柏柏好開心~~~終於笑晒口跑出黎啦~~~miss chan話柏柏食左半碗飯~~~又飲左半碗湯~~~又食左橙~~~又肯玩~~~又可以跟住分組活動~~~又肯同其他老師傾計~~~好大進步呀~~~

柏柏好勁呀~~~比預期中快左適應到呀~~~mama好開心~~~見到柏柏行出黎個一刻咁開心~~~mama又想喊呀~~~haha~~~原來返學真係可以令柏柏開心d架~~~柏柏返屋企途中~~~一路講野~~~mama唔知佢講咩~~~不過~~~get到好似係講頭先係學校既情況~~~講得好開心~~~真係good good good呀~~~努力~~~加油~~~

柏柏返學~7th day

放完兩日假~~~柏柏又返學啦~~~mama做足心理準備~~~諗住柏柏一定又係好驚~~~又喊住叫mama~~~一路行上樓梯~~~mama一路同柏柏講一陣"see you"好唔好~~~柏柏木無表情話唔好~~~點知~~~到達學校門口~~~mama同柏柏講"see you"~~~連書包都未拎~~~柏柏自己就行左入去~~~太突然~~~mama見到柏柏完全冇喊就跟左"娟姐"姨姨入去啦~~~oh~~~真係大個仔啦~~~好叻叻呀~~~

今日返既時間長左~~~個半小時好快過~~~柏柏見到mama都冇咩表情~~~老師話柏柏比之前好左~~~不過一講"放學啦"~~~柏柏就喊住咁去換鞋~~~究竟係唔捨得定係以為老師又帶佢去第二度~~~冇左安全感而驚呢~~~

不過~~~今日已經有進步~~~好叻啦~~~加油呀~~~

十二朝啦

今日係細b同細細b既十二朝~~~同上次柏柏差唔多~~~婆婆都係準備左薑醋同雞酒~~~唯一唔同就係柏柏個次有好多人黎睇柏柏同食薑醋~~~今次因為未有bbs睇~~~大家都唔黎食住~~~等bbs出左院先~~~所以今日都好清閒~~~咁岩今日星期六~~~柏柏又唔駛返學~~~好舒服~~~原來柏柏唔駛返學既時間~~~一齊係屋企仲舒服呀~~~

趁今日唔駛返學~~~bbs又未出院~~~又可以陪柏柏玩thomas~~~成兩星期冇玩過啦~~~柏柏今日玩得好開心呀~~~

今晚見到細b同細細b都係差唔多~~~姑娘仲問我地準備好未~~~佢地隨時都有可能出院架啦~~~oh~~~咁快~~~心理上未ready~~~仲未洗bbs衫~~~由未生講到生左都未洗~~~haha~~~明天~~~希望在明天~~~

１１ｔｈ ｄａｙ

今日ｄａｄａ同ｍａｍａ又去左醫院睇ｂｂｓ～～～細ｂ已經轉左訓床仔啦～～～唔駛再訓保溫箱～～～即係已經有２ｋｇ啦～～～而細細ｂ都只係有１。９ｋｇ左右～～～所以仲係保溫箱入面～～～應該下星期就出院啦～～～

今日ｍａｍａ負責餵細ｂ食奶奶～～～ｄａｄａ就負責餵細細ｂ～～～兩個都好叻叻呀～～～食左６０ｍｌ～～～不過～～～唔知點解姑娘話佢地平時只係要食４０ｍｌ同５０ｍｌ咋～～～食多ｄ啦～～～食多ｄ～～～大隻ｄ～～～可以快ｄ同哥哥一齊玩嘛～～～

ｄａｄａ成日都話細細ｂ好似柏柏～～～而細ｂ就係ｄａｄａ同ｍａｍａ既混合體喎～～～
細ｂ～～～仔仔～～～

細細ｂ～～～女女～～～

柏柏返學~6th day

柏柏今日係第六日返學啦~~~禽日返學之前~~~係車到不停同柏柏講~~~一陣去搵miss chan~~~再see you "dada"同"mama"~~~一聽到就好不安~~~行返學校既時候都好不安~~~一到學校門口~~~入到去同佢講"see you"就喊啦~~~到放學既時候~~~一見到dada同mama就喊啦~~~老師話已經有好轉~~~肯食提子~~~又肯玩一陣~~~不過都係要痴住老師唔放手~~~

今日係第六日~~~mama又係係車就已經講定去搵miss chan~~~玩車車~~~食提子~~~柏柏好唔想~~~有d想喊~~~又係咁講"mama一齊去"~~~到左門口~~~拖實mama隻手唔肯放~~~老師又係抱左柏柏入去~~~一抱起就喊啦~~~陰公豬豬~~~不過~~~今日放學由一個姨姨拖住出黎~~~老師話柏柏鍾意跟住呢個姨姨~~~好似冇咁驚~~~唔係好開心~~~不過都冇喊啦~~~放學見到mama都冇喊~~~不過好想快d走~~~haha~~~有進步啦~~~good good啦~~~繼續努力~~~不過~~~老師都話放兩日假~~~返到去可能又要從頭黎過~~~又喊過~~~

柏柏要努力呀~~~加油呀~~~好快您就會愛上返學架啦~~~

柏柏返學~3rd day

今日係柏柏第三日返學~~~第一次自己係學校渡過一小時~~~mama同dada都超緊張~~~一入門口~~~見到miss chan~~~又見到另一個同學仔大喊啦~~~柏柏都開始緊張~~~唔知咩事~~~正當mama安慰一下柏柏~~~miss chan已經一手抱起柏柏走啦~~~柏柏望住dada同mama~~~開始喊啦~~~dada同mama都即刻走啦~~~轉面見到柏柏好似冇喊~~~好緊張~~~唔知點呢~~~

mama行出學校門口~~~眼淚已經忍唔住啦~~~好唔捨得~~~好掛住~~~真係痴痴地~~~一路好擔心~~~唔知柏柏好enjoy咁玩~~~定係會喊呢~~~一小時好快過~~~食完早餐~~~行返過去~~~一踏入門口已經見到淚人柏柏~~~miss chan話柏柏喊左成粒鐘~~~初初都係飲泣~~~一路都要拖住miss chan~~~直至見到同學仔陸續放學~~~柏柏就開始大喊啦~~~陰公豬豬囉~~~喊左成粒鐘呀~~~個樣好可憐呀~~~mama好心痛呀~~~

唔知仲要捱幾耐~~~柏柏先可以習慣呢~~~聽日又會點呢~~~

進度良好

細b同細細b都未出得院~~~dada同mama就每日都去醫院睇下~~~順便拎mama奶俾佢地飲~~~每日見到都覺得大左少少咁~~~禽晚細細b已經唔駛再用葡萄糖水~~~所以可以拎出黎俾mama抱住餵奶啦~~~第一次抱細細b~~~真係好細粒~~~mama有d感動~~~抱起細細b~~~佢眼隻碌碌望住mama~~~好得意~~~

今晚連細b都可以抱出黎餵奶啦~~~所以mama同dada可以一人抱一個~~~今晚mama餵細b~~~dada餵細細b~~~兩個都好叻叻~~~食晒成樽奶~~~冇浪費mama心機~~~good good~~~

而家既進度都好好~~~預計住多個幾星期就可以出院啦~~~到時返到屋企就有好熱鬧啦~~~每日都影相返去俾柏柏睇~~~柏柏見到弟分妹妹都好開心~~~成日拎住個相機睇~~~成日都要睇妹妹喊~~~唔知見到真人會點呢~~~希望柏柏錫弟弟同妹妹啦~~~

柏柏返學~2nd day

今日係柏柏第二日返學~~~mama出左院~~~可以一齊返啦~~~好開心呀~~~mama好緊張呀~~~好興奮~~~見到柏柏著住校服~~~好感動~~~柏柏大個仔啦~~~

感覺上~~~柏柏都好enjoy返學~~~不過始終都要我地陪住~~~唔見到都會搵返我地先再玩~~~相比起其他同學仔~~~柏柏比較上冇咁容易投入~~~都係痴身d~~~mama相信柏柏未可以咁快適應到~~~

mama諗~~~唔知係咪因為自出世之後~~~真係日日廿四小時都係mama或者dada湊~~~冇左分離既意識~~~變得依賴左~~~唔可以冇左我地係身邊~~~

mama有d擔心~~~唔知聽日返學會點呢~~~好驚見到柏柏喊~~~mama又忍唔住喊呀~~~希望柏柏快d適應到就好啦~~~

拆左線啦

由9/29開始~~~mama個肚俾醫生劏開左~~~痛~~~只有痛~~~直至出院~~~感覺好好多~~~一路等~~~到今日~~~第七日~~~姑娘上門拆線~~~mama好驚~~~唔知有幾痛~~~只要大約兩三分鐘~~~七針~~~拆完了~~~原來係可以咁舒服~~~即時覺得可以跑兩個圈~~~成個人鬆晒~~~oh~~~mama自由啦~~~

瑤瑤生日會

今日係瑤瑤生日~~~一早約定會出席~~~又係因為bbs黎得太突然~~~所以有d亂左~~~不過唔緊要~~~dada單拖帶柏柏去都冇問題~~~
柏柏有得玩~~~又有得食薯條~~~果然開心到爆~~~去完生日會~~~仲同dada去玩具反斗城玩左一陣先返屋企~~~

返到屋企~~~覺覺豬左一陣~~~我地就同公公婆婆同舅父一齊去dinner~~~又去左玩一陣~~~勁開心呀~~~

今日去完生日會~~~成晚都哼住"happy birthday"首歌呀~~~唱唔到成首~~~不過都好好聽~~~haha~~~

柏柏上學去

今日係柏柏第一日返學啦~~~幾個星期之前~~~mama已經不停幻想柏柏返學既情景~~~又覺得好不捨柏柏要返學~~~唔可以日日夜夜陪住一齊~~~曾經好擔心細b同細細b會提早出黎而唔可以同柏柏一齊經歷人生中第一日返學既大日子~~~點知~~~真係發生左~~~mama岩岩生完弟弟同妹妹~~~仲係醫院~~~mama真係唔可以同柏柏手拖手返學~~~好唔開心~~~最期待既事竟然做唔到~~~只有dada先有呢份福氣~~~mama真係好無奈~~~亦都好羨慕~~~ 因為dada之前一晚都要返工~~~放工之後就去婆婆屋企接柏柏~~~柏柏換好衫就同dada出門口上學去~~~dada話柏柏好開心~~~佢地最早返到學校~~~柏柏見到好多玩具就已經好興奮咁周圍玩~周圍跑~~~dada話柏柏好開心~~~一見到小朋友就衝過去叫"哥哥姐姐"~~~好想同其他小朋友一齊玩~~~ 但係有時都係好呷醋同霸道~~~仍然唔鍾意dada同其他小朋友玩~~~有時會爭玩具~~~但有時又會主動俾手上既玩具俾同學仔~~~mama希望柏柏返學之後~~~可以學到更多~~~明白應該做d咩~~~唔應該做d咩就好啦~~~ 真係好希望柏柏會好enjoy係呢間學校返學~~~雖然mama覺得呢間學校既返學時間真係長左d~~~但係如果呢間學校既教學理念係好既~~~對柏柏日後成長有幫助~~~咁都係值得既~~~ 今日係中秋慶祝會~~~唔駛著校服~~~只係揹書包就可以啦~~~

一早返到學校就周圍玩啦~~~

出左世啦

細b同細細b真係似足哥哥咁貪玩~~~趕住出黎過中秋呀~~~

9月29日既凌晨四點半~~~當mama仲發緊夢既時侯~~~好好好突然既"卜"~~~mama好自然成個人彈左起身大叫~~~"dada~~~生得啦"~~~諗返都覺得好好笑~~~因為太突然~~~完全冇諗過~~~咩都冇準備~~~mama第一諗到既就係張床裖~~~即刻落左地下呆左企係度~~~問dada而家咁樣係咪叫穿羊水~~~dada答mama~~~"應該係啦"~~~之後真係唔知做咩~~~好緊張~~~柏柏係隔離房都俾我地嘈醒左~~~矇矇矓矓都唔知發生咩事~~~mama走左去洗個白白~~~dada就去左執柏柏既衫褲鞋襪日用品同玩具~~~再打去叫醒婆婆準備接柏柏~~~

實在太突然~~~mama既心情真係好亂~~~十萬個唔願意~~~四點五十五分就到左醫院~~~登記完就上產前房~~~咁岩同一時間有幾個大肚媽媽入院~~~唔通好日子~~~咁多bbs爭住要出世~~~過程都熟悉~~~因為柏柏出世只係兩年前~~~大約都知道要做d咩~~~檢查完一輪~~~好快就六點幾~~~mama心情依然未平伏~~~好唔想咁快生~~~唔知點算~~~dada又係出面等~~~見唔到~~~心情又複雜~~~又好掛住柏柏~~~好想喊~~~醫生七點幾就過黎再檢查~~~肯定真係穿左羊水~~~而mama亦已經開始左少少陣痛~~~醫生又解釋左一輪~~~照多左一次u/s~~~肯定兩個bbs都係未掉頭~~~順產就應該係pat pat出先~~~有風險~~~但又覺得柏柏出世時係3.xkg~~~而家bbs都唔大過2kg~~~應該可以出到而冇問題~~~咁當然又係有風險啦~~~至於~~~順產定開刀~~~就要mama同dada自己決定~~~mama一心係想順產~~~因為怕開刀之後會好痛~~~而dada就主張開刀~~~怕我地有危險~~~當我地商量之際~~~好幾個護士同另一個醫生又走過黎望下傾下~~~打開file睇下~~~講左句~~~"xx~xx~~~即係ot啦~~~"~~~意思係兩個bbs都係patpat向下~~~即係開刀啦~~~"~~~問我地仲要商量d咩~~~mama就同佢地講返之前既醫生同我地講既~~~佢地就走去問醫生~~~轉一個頭就同我地講~~~"問左醫生啦~~~你地商量啦~~~我地只係護士~~~你地係應該聽醫生講既"~~~佢地咁講~~~令mama有d擔心~~~好幾個人初初都認為唔駛諗~~~一定係開刀~~~即係自己生既可能性真係好低~~~mama既心情跌入谷底~~~即係冇得揀~~~個一刻真係好唔開心~~~而當時又愈黎愈痛得頻密~~~又痛又失落~~~

大約九點見dada一面之後~~~就推入手術室~~~半身麻醉~~~陣痛~~~心痛~~~好想走佬~~~見到醫生護士左轉右轉~~~mama仲未接受到之際~~~醫生就同mama講~~~佢地出左世啦~~~唉~~~好想流眼淚~~~麻醉藥反應~~~不停震震震~~~震到停唔到~~~呢個就係辛苦既開始~~~

十二點左右返到病房~~~要平訓~~~唔可以用枕頭~~~初初都可以接受~~~一點幾~~~麻醉藥開始散~~~子宮開始收縮~~~好痛好痛~~~要求止痛劑~~~等又再等~~~不停痛痛痛~~~等到三點幾~~~終於有人理我~~~打左止痛針~~~大約半個鐘之後發揮藥力~~~mama覺覺豬左~~~可惜藥效只係個多小時~~~痛醒了~~~好辛苦~~~又唔可以食~~~又唔可以飲~~~連稍稍墊高頭都唔得~~~好灰~~~由開始知道要開刀~~~已經好唔願~~~六點既探病時間到~~~見到dada之後~~~mama簡直崩潰~~~喊到半屎~~~完全冇想像過會係咁~~~當年生柏柏既時候~~~個種陣痛都不如今一刻既痛~~~之後再見到公公同婆婆~~~mama都忍唔住~~~不停喊~~~八點既探病時間過去~~~mama又孤軍作戰~~~痛楚未停過~~~因為護士講左~~~mama只可以用兩支止痛針~~~第一支用左~~~mama唯有忍到十二點再要求第二次止痛~~~十二點半打左止痛針~~~一點發揮藥力~~~豬到三點幾~~~同房既bb不停喊~~~mama醒左之後~~~痛痛痛極咁眼光光望天光~~~

9月30日~~~九點幾~~~醫生終於巡房~~~檢查完~~~mama終於可以飲水~~~終於可以較高床頭~~~天旋地轉~~~但比前一日好好多~~~但痛不停~~~中午試試落床行下~~~真係好痛~~~心情仍然好差~~~一諗起柏柏就喊左出黎~~~不停等時間過~~~等到dada黎探病~~~因為可以自己行~~~就一齊去左兒科病房睇大細孖~~~因為早左出世~~~佢地都係四磅幾~~~要留係兒科病房特別護理~~~mama第一次見佢地~~~感覺好似有d陌生~~~冇左用力生出黎既感覺~~~再加上身體既痛楚~~~最後~~~睇左一陣就返病房休息食飯~~~
探病時間過去~~~dada返左工~~~mama就好好休息~~~同一病房~~~三個最嘈既病人同一日出左院~~~即刻舒服晒~~~寧靜晒~~~再加上食左兩粒止痛藥~~~終於可以一覺到天光~~~感覺真係好左好多~~~

10月1 日~~~醫生巡房~~~答應第二日可以出院~~~心情好左~~~雖然子宮依然收縮得好厲害~~~但都可忍受~~~而且可以自由活動~~~食左止痛藥又可以豬得好好~~~斷斷續續豬左一陣~~~等到探病時間又見到dada~~~又再同dada一齊去睇bbs~~~可能今日心情平伏左~~~見到bbs既時候~~~終於覺得佢地係我既二子同孻女啦~~~haha~~~細心一睇~~~仔仔個樣好似柏柏出世時既樣~~~好餅印~~~妹妹個樣都似柏柏~~~不過~~~好似有好明顯既雙眼皮啦~~~仲好似係髦毛豬黎架~~~睇完之後就返房食飽飽~~~因為bbs太細~~~唔可以抱出個保溫箱~~~mama就去pump mama奶~~~俾多d抵抗力佢地~~~等佢地快d長大d~~~呢一晚又係豬得好好~~~

10月2日~~~雖然五點幾起左身~~~行一轉又可以再豬過~~~八點起身食飽飽又去pump mama奶~~~再見埋醫生~~~肯定可以出院啦~~~心情再好d~~~自己一個人走左上去睇下bbs~~~睇左一陣~~~dada就帶左柏柏黎搵mama~~~mama係門口見到柏柏~~~好想喊出黎呀~~~玩左一陣~~~婆婆同舅父接走柏柏~~~mama同dada又要去兒科問下情況~~~今日mama既感覺唔同左~~~望住妹妹~~~mama流左一滴眼淚~~~見到妹妹同弟弟細細粒~~~又冇dada同mama既抱抱溫暖~~~好似好慘~~~但再諗諗~~~咁樣對佢地好d~~~可以長快d~~~mama心情放鬆左~~~而且醫生都話佢地既進度好好~~~只要兩個幾星期就可以出院啦~~~good~~~mama又可以係呢個時間休息多d~~~抖足精神~~~做足準備迎接佢地返屋企~~~
睇完bbs~~~dada俾埋$$$~~~我地就返屋企啦~~~返到屋企真係舒服好多~~~痛都少d~~~成個人鬆晒~~~

今次應該係mama人生中最後一次生b啦~~~順產開刀都試過啦~~~生仔生女又試過啦~~~mama既感覺係樣樣都係睇彩數~~~生得快定慢都冇得揀~~~mama自己覺得再生多一次~~~一定會揀順產~~~雖然身邊好多人都開刀而又冇痛楚~~~但係mama都仍然覺得順產既過程先可以令mama覺得有深刻既印象~~~對bb出世既感覺大好多~~~今次開刀生bbs~~~真係好黑仔~~~撞岩呢個更份既護士勁衰~~~完全唔係一個專業護士~~~只識不停呼渴病人~~~竟然可以係你面前開電視睇財經新聞~~~只係過左一日~~~另一更護士接手~~~眼見對面床既病人~~~同樣半身麻醉出黎~~~待遇已經差天共地~~~短短幾小時就可以打針~~~較高床適應~~~可以飲水~~~唉~~~呢個就係彩數問題~~~經歷左呢幾日~~~mama感覺到人生有一個好大既轉變~~~成為三子女既mama~~~究竟可唔可以做得稱職~~~真係好難想像~~~當mama諗起係病床上痛苦咁望住公公婆婆~~~同佢地講我好辛苦好痛既情景~~~真係好難想像自己已經係mama~~~仍然覺得自己係一個受保護既乖女~~~haha~~~

細b~~~弟弟~~~

細細b~~~妹妹~~~