白白豬

今晚終於"的"起心肝幫三位大小姐洗白白; 其實佢地四位已經核突左一段時間, 我一路都因為懶 懶 懶而遲遲未出手! 今晚阿毛返左工, 正是洗白白o既好時機; 今次好快手, 只是用了三小時三十分鐘就怔服左三位絕色美人, 好滿足! 但一見到冬豬就有o的失落, 唔知幾時先輪到佢呢......
每次洗完白白,佢地對我都係超級不滿......極度唔順超.....

Pinky的生日

今天是Pinky的生日，今年四歲了！如願以償，第一年和她過生日！做了一個公仔送給她！起初，一見到個公仔就即刻彈開九千幾里，超搞笑！
希望Pinky一年比一年靚女，健健康康，肥肥白白；同冬豬，Drop豬，MoreMore更加相親相愛，和睦共處！
Happy Birthday!

人生的第二次

今天我走進了醫院,做了我人生第二次的全身麻醉手術!
我的第一次,現在還歷歷在目,我o既老朋友應該記得我曾於2000年,因為發現腦下垂體有一腫瘤而需要做一項腦手術!現在我還記得那種恐懼,幸得大家o既支持同愛護,可以好快就康復了!
今天我要面對第二次,因為我要做一項腹腔鏡手術!醫生在我的肚臍下開了兩個小洞!現在還是痛得很!
這兩次的經驗都令我更加珍惜身邊的人,第一次麻醉之前,我只會想我會醒來嗎???感覺真的很害怕!今天雖然說有了心理準備,但心裡還是怕,怕的是檢查結果是否如我所願!幸好上天對我好好,一切都好好,結果都很滿意!

我會學懂珍惜,珍惜所有人和事,還有我的四個小寶貝!

More More的手術

2006年8月16日, moremore做了開鼻手術啦!
手術好成功,開大了個鼻孔,呼吸暢快了好多!再無鼻鼾聲了!
moremore真叻女!

祝福

2006年8月4日下午8時,我的好朋友Cecy於NEW YORK誕下女兒Natalie,小生命好可愛!
我好開心呀!自從知道Cecy有了bb之後,一直都好開心,知道bb是女仔,就仲開心!
其實呢個社會變?好多啦!以前d人一定要生個仔先得,而家我識好多人都是偏向鍾意女,當然包括我在內!
我知道CECY同FELIX都會好好湊大b女,加油呀!我祝你們的家會一日比一日溫暖!

貓展2006

Pinky於2006年香港貓迷會舉辦之貓展獲得之獎項,
9th Best Cat in Premiership in Ring 1
2nd Best LH Premier in Ring 1
9th Best Cat in Premiership in Ring 3
Best All Breed Premier in Ring 3
Best LH Premier in Ring 3
2nd Best LH Premier in Ring 4

貓展2006

今屆貓展好特別,因為......多?我o既參與! 哈哈......
我向來都好討厭參加呢類活動,因為我覺得一來辛苦喵豬,二來辛苦自己!但今次為?我o地o既寶貝女,我o地獻出?我o地的第一次......
參加貓展,要準備o既事有好多,grooming要做得好,臨場要保持最佳狀態!全日都要豎起耳仔,聽住一叫自己個no.就要快快手手帶佢o地出去,所以一分鐘都不能鬆懈!而喵豬就有更多準備,要有足夠心理準備,有好多路人甲乙丙指手劃腳;又要有心理準備會無端端閃電;又要驚d肉緊評判搓死自己!
參加完貓展,要做的事更多,要做一連串大清潔,因為不是人人都守規則,每隻喵喵都100分健康;為怕沾染傳染病,完了show,全家上上下下都要大清洗,洗白白!
所以,參加貓展真係有一定o既壓力!
話雖如此,今次真係見得多,聽得多...吸收?好多好多寶貴經驗!仲可以有"超pro"o既攝影師Chanan幫Pinky影相!而且Pinky仲好叻!有不錯o既成績,我o地都引以為傲!
或者下次輪到冬豬去見o下世面啦!!!

我的第四個寶貝

2006年8月7日,我們正式宣佈我們的新寶貝加入mosa之家!
她的名字是Pinky,姓氏係mosa. 於2002年8月21日出生於Catillak Cattery,就快四歲啦!佢都係一個豬事精,咩都關佢事!
希望以後我o地o既家會更加溫暖,四個豬豬相親相愛!

我的寶貝兒女

話說,有一個叫HK CATS的forum,每一年都會整日曆,仲可以放自己喵喵的相相入去! 我今年先知有呢樣野,仲知道要爭位!於是,登記個日,我要00:00入到個forum,以最快手登記霸頭位!完成呢個登記之後,而家要準備交相,交一張你認為最靚靚的相!咁之後豬豬生日個page就有佢地個豬樣......

以上o既動作好熟口面,十足十人地幫d仔仔女女申請小一入學,又要搵學校,又係要爭崩頭,爭到又要搞一輪什麼入學手續...所以,我成日都覺得,佢地就係我地o既仔仔女女,一樣要照顧得貼貼服服,一生一世!

自己d豬豬就話可以咁幸福,但其實有無數咁多o既流浪喵同狗,佢地係超級可憐;仲有d遇到d又要養,但又愛理不理o既衰主人!究竟點樣先可以阻嚇到d人唔好虐畜,點樣先可以令d人有責任心!呢個社會已經好文明,但係就好似仲存在好多難以形容o既衰人!

我真係希望全世界d喵喵狗狗都可以活在開心,舒舒服服!

最討厭的聲音

今日好早就返到屋企,諗住安安靜靜做埋d野,點知又係惡夢o既開始!
足足三個月,足足嘈了三個月,宿舍最討厭之處就係經常有人搬出搬入,周圍時時刻刻都有人鑽牆,鑽地,總之周圍都係討厭o既聲音!仲要係近到好似隔離屋,正中頭頂...
我每日生活o係呢d環境底下,簡直心情煩躁,嚴重荷爾蒙失調!

我最佩服都係幾位豬豬,佢地完全唔受外界影響,好甜咁覺覺豬!你話做喵豬幾好呢!

Drop Drop 的生日

今日係 DropDrop的生日, 她三歲了! 已經第二年同佢一齊過生日啦!!!

禽晚, 我狠狠的打她, 係因為佢為了提醒我地今日係佢生日, 記得要同佢慶祝, 佢特別為我地準備了一個另類生日蛋糕; 事源係我同阿毛諗住洗了個屎塔, 點知囡囡就趁呢段時間, 選擇我地張床正中位置, 放低狀似蛋糕的大篤屎......簡直晴天霹靂! 我破口大罵佢x@y?z, 佢俾我的反應係 "呢個係我生日賞賜俾你地架!" 直頭俾佢激到噴血!

今年囡囡的生日, 除了我同阿毛同冬豬, 多了moremore一齊過, 份外開心; 除此之外, 仲多埋一位靚女.....
我幫囡囡許了願, 日日可以繼續訓靚覺, 有得玩, 有得食, 有媽咪幫佢做body message...我仲靜靜借了個quota, 就係下年都可以同神秘靚女一齊過生日...但願如此, 阿們!

好開心...好開心...

今日天氣真係好好好......熱!

今日帶more more去太平道睇Dr. Alison, 皆因佢個鼻哥窿細到見唔到, 令到佢呼吸好唔暢順!
結果, Alison話可以幫佢做開鼻窿手術; 另外, 仲會幫佢拔除兩邊的小牙(因為頂住上顎的虎牙)! 手術要8月先做得, 其實都幾擔心, 話晒都要全身麻醉, 有一定風險!

其實呢個世界真係有好多矛盾事發生, 好似Alison話因為波斯貓要扁面先叫靚, 咁breeder會breed一些扁面的波斯, 但扁面就一定會鼻扁, 咁鼻扁就一定會有more more?問題; 我們身為父母, 梗係唔想見到佢地咁痛苦, 但又想見到佢地扁口扁面咁可愛; 咁矛盾, 點抉擇???呢個世界就係咁不簡單!

只希望more more手術成功!

~~~今日發生了一件令我好耐都未試過咁開心的事, 令我真正笑不攏嘴的事; 可惜的係我未可以響呢度分享; 希望到適當時候, 可以公諸於世, 有更多人同我分享呢份喜悅...!!!~~~

我的家

我們一家五口, 住在九龍區, 香港!
好開心, 終於有自己的blog, 有一個屬於自己的地方俾我發up風, 發洩, 散發下我的好文采!!!

momosa溫暖的家的女話事人係, 阿sa, 咁當然有男話事人, 阿毛啦!
之所以個家咁溫暖, 皆因有三個小寶貝,
一號大佬, 冬冬, 外號冬豬, 10月30牛一, 現年十四歲, 佢係一個超級男模, 為食程度100%, 更加係一個不折不扣的大醋罈!
二號入門佳麗, Snow Drop, 外號Drop豬, 2003年7月29日出生於Ohmyown Cattery, 現年三歲, 佢已經被寵得為十二磅的妹妹豬, 鍾意追老鼠(當然係cat toys啦!), 但最鍾意都係訓覺!
三號入門佳麗係Glitter, 外號more more, 2002年6月8日出生於Kissable Cattery, 現年四歲, 佢係Drop豬的親生媽咪, 懶玩程度係100%, 求知慾十分之高, 係屋企之理事長, 咩都關佢事!

我同阿毛都好開心, 覺得好幸運有三個小寶貝令我們的家更溫暖!