豬豬的糧餉

繼五月份跟喵隊訂過既日本產罐罐之後,豬豬們食過番尋味,要求我地encoure~~~咁岩上兩個月又有一班購物狂人再度出擊~~~我地一於屎跟~~~因為豬豬們試食過而又讚不絕口~~~今次就大手買入~~~足足夠食216日咁多呀~~~同上次一樣~~~有9個味道~~~可以日日都唔同~~~包保唔伯悶親佢地呀~~~

阿b的打針大日子~~~

而家既bb真係又幸福又巴閉~~~相信以前大多數人都係健康院打針,打各種疫苗都係免費架~~~而家都一樣有,不過市面上又推出一堆五合一．六合一．肺炎鏈球菌．輪狀病毒．．．．．．好多都係佢識我～我唔識佢地既名稱~~~其實講緊都係叫家長為bb著想．預防勝於治療～～～同時又唔想ｂｂ受苦，唔駛捱多幾針～～～辦法好簡單～～～＄＄＄＄＄＄．．．．．．

其實,阿b未出世,我地都諗住用粗生粗養既概念去湊大佢~~~打針咁普通既野就梗係去政府搞掂~~~點知左度右度~~~又聽下呢個講下,o個個又講下~~~又話私家d針又幼d~~~冇咁痛~~~d藥又靚d~~~冇咁易發燒~~~結果~~~呢d都係唔慳得既＄＄＄～～～盛惠五千五百七十個大洋～～～阿ｂ就打針都打得冇咁痛～～～ｄ痛就打落ｍｏ嗲地同ｓａ媽咪ｄ肉到啦～～～

不過，阿ｂ又確實幾叻仔～～～今日要打兩針～打完左脾就打右脾～左邊"呀"一聲～右邊又"呀"一聲～咁就冇事啦～～～只要４８小時之內冇發燒，今次既打針行動就順利完成～～～再到４個月人仔先再打過啦～～～

今日天氣好凍，阿ｂ第一次咁凍地出街，好驚佢冷親，又唔知應該著咩衫～～～結果好似一隻糉咁～～～

打完針個樣明顯係有ｄ不滿～～～

又打仗啦~

天氣開始凍啦~~~其實只係有涼意~~~但係一向愛性感既sa媽咪,成日都著好少衫~~~結果又要打仗~~~今次要面對既惡菌,好似都幾勁~~~無論如何~~~為左臭bb~~~今次係許勝不許敗~~~


阿b好勁呀~~~已經識得自己揸住奶樽食mummum啦~~~哈哈~~~

冬豬的生日

今日係冬豬既16歲生日呀~~~又大一歲啦~~~
今年同上年一樣,有爸爸,媽咪一齊幫冬豬慶祝,唯一唔同就係多左阿b啦~~~哈哈~~~真係好好好開心~~~
冬豬同往年一樣,大原則都係食同訓~~~佢真係好開心~~~又有d女服侍下佢咁~~~希望佢日日都咁開心~~~身體健健康康~~~咁就perfect啦~~~
Happy Birthday!!!

photo by Wah Wah

阿b的第一個兄弟

禽日,阿華伯伯帶埋小廸bb黎探阿b,佢係阿b既第一個兄弟朋友仔~~~佢比阿b只不過係後生5日~~~大個仔之後,佢地可以一齊去玩~踢佢地嗲地至愛既足球啦~~~又可以一齊去游水~~~仲可以一齊去溝女呀~~~一定會好開心呀~~~~~~
阿b,你要記住呀~~~呢個華伯伯成日幫你改埋d無聊花名,又叫你做河馬~~~又叫你做姆明~~~又叫你明哥~~~你記得大個整個side kick佢嘆呀~~~
睇下小廸廸,佢好多好多頭髮架~~~又濃又黑~~~好彩似媽咪~~~唔係似光頭老豆就慘啦~~~哈哈~~~

阿b的第一個女朋友~~~

禽日,我帶左阿b去溝女~~~呵呵~~~好開心!!!佢就係Chloe既囡囡~~~阿b比佢大16日~佢就以大哥哥既身份去visit一下啦~~~
b女好得意呀~~~sa媽咪不嬲都恨女恨到痴左線,簡直想擄劫佢返屋企呀~~~女仔真係好唔同,b女連喊都喊得斯文過人架,係咁易"呀~~呀~~~呀~~~~~~"咁就叫做喊左,真係唔會俾佢嘈醒架~~~有機會就真係要整番個先~~~哈哈哈~~~
hello!!!靚女~我叫柏謙呀~~~

幾時得閒一齊去街街呀~~~

哎呀~~~俾sa媽咪見到我溝女tim~~~

大家夠鐘食mummum,阿媽都冇面俾~~~

心情靚靚

心情靚靚既bb係唔同d架~~~連個笑容都可愛d呀~~~

影帝bb

阿b,你知道嗎?!您係史上最年輕既影帝呀~~~


原來聽音樂真係可以陶冶性情架~~~睇下呢個癲仔都變斯文豬~~~

進度不錯

今日帶柏謙返健康院覆診,姑娘話佢體重既進度唔錯,今日有4.63kg~10.1lbs~~~繼續努力就可以啦~~~
同埋今日仲度左頭圍,都係屬於正常之內呀~~~即係唔係大頭仔~~~哈哈~~~咁都好d~~~不過我明顯塊面好似俾人打腫左咁~~~勁包包面呀~~~

大個仔啦~~~

唔知點解~~~今日突然之間覺得阿b好似大個左好多咁>>>仲識跳hip-hop同埋識得坐啦~~~哈哈哈~~~真係咁勁就發達啦~~~
好似動作影帝咁呀~~~



坐都坐唔定,郁黎郁去架~~~




今日簡直玩左一個下晝~~~玩到眼訓麵唔肯訓呀~~~

究竟幾時．．．

自從大肚之後,已經唔係每日都一大梳,改左每日一小梳,得閒先一大梳啦~~~呢個情況維持到而家都係咁~~~豬豬們都ok,冇投訴>>>其實成屋只有囡囡勁like梳毛>>>所以佢都係有每日一梳~~~
今日朝早勁得閒,又係大梳時間~~~個幾月都冇洗白白啦~~~幾隻豬話污糟又唔係認真好污糟~~~但又唔稱得上乾淨~~~究竟幾時先洗白白呢~~~
經過大會商討,問題被擱置~~~各大小股東都認為暫時冇咁既需要~~~

阿b的第一份玩具~~~

今日係柏謙既滿月大日子~~~mo嗲地同sa媽咪決定要買一d野俾佢~~~我地無無聊咁行左 去一間鋪頭,俾落足嘴頭既sales姐姐叫我地買左第一份玩具~~~呢份玩具都幾合心意~又有得意公仔睇下,又有音樂聽~~~正呀!!!

睇下阿b幾過癮,好似傻仔咁望住d公仔轉轉下~~~

今日點睇都係特別靚仔d既~~~

阿b滿月啦~~~

2007年10月19日~~~柏謙滿月啦~~~因為今日係重陽節,所以我地提早禽晚慶祝~~~
我地冇擺富豪滿月酒>>>只係同公公婆婆兩邊既屋企人一齊食飯慶祝~~~好開心!!!

我地d表哥．表妹．表姐．表弟．堂兄弟姐妹，多數都大個仔．大個女．．．而家有個ｂｂ玩下，大家都好開心~~~
仲有好似柏謙個頭咁大既壽飽食呀~~~

柏謙好勁呀~~~收到好多好多利是~好多好多禮物呀~~~而家佢既身家多過mo嗲地啦~~~所有收益都撥捐左去之前婆婆送既金豬到呀~~~

他的名字加上他的姓氏

今日都係一個大日子~~~我地終於俾左一個名份阿b啦~~~我地用左45分鐘係九龍出生登記處幫阿b拎左出世紙啦~~~

從此以後~~~阿b既名字再加上mo嗲地既姓氏就成為阿b既終生密碼啦~~~呂柏謙>>>阿b,我地希望您會真係好似您個名一樣>>>又硬淨．又謙厚~~~~~~

其實,sa媽咪仲幫您改左個英文名架~不過,mo嗲地話等您大個仔拎身份證個時,唔反對先再加上去呀~~~

手軟

今日又同左阿b返健康院覆診呀~~~阿b好叻仔呀~~~又重左一磅啦~而家有4.36kg~~~9.6lbs啦!!!
醫生都話阿b重得幾好呀~~~進度唔錯~繼續努力就可以啦~~~

其實,我都feel左阿b真係大隻左又墜手左~~~因為而家同阿b洗白白個時,我已經有d手軟~~~唔知會唔會日子有功,sa媽咪變左手瓜起呢?!!?

男女混合單打賽

今日,mo嗲地又係要返工~~~咁我同阿b就被獨留家,進行一場單打賽~~~因為就黎開始天氣涼,我已經開始洗阿b既冬天衫啦~~~好busy~~~阿b因為唔滿意我唔理佢,佢又發爛渣大叫,呵呵~~~我都不知睇得幾開心~~~佢真係超級古惑,一路喊~~~一路用古惑既眼神超下我~~~最後阿b俾pinkpink馴服左~~~今個回合>>>sa媽咪勝~~~哈哈~~~




之後,mo嗲地返到黎幫手,洗完白白就sweet sweet咁覺覺豬啦~~~

換季大行動

因為阿b就黎滿月啦~~~婆婆要送一件衫俾阿b滿月個日著~~~而sa媽咪又想買靚靚而又岩著既衫~~~所以,呢幾日行晒銅鑼灣~太古城~尖沙咀~~~結果,每日都有豐富既收穫~~~而所有既收穫都係阿b所有~~~我只有零收穫~~~真係想慨嘆一句"做人媽媽甚悽慘"~~~呢幾日既行程~阿b又花費左三千幾個大洋啦~~~

呢度真係冰山一角既一角~~~

多~晒~~~

10.10.2007 其實阿b出世之後,一路都有親戚朋友黎探阿b~~~大家都對阿b好好~~~又送禮物,又送cash(((當中太多,未能盡錄~~~又好驚講漏~~~都係遲下續一宣佈~~~)))~~~不過,真係好多謝咁多位uncle~auntie~~~大個仔就真係要請飲茶~~~呵呵~~~

今日,一班mo嗲地同sa媽咪既喵朋友上黎探阿b~~~收到一份東洋手信~~~好得意~~~即刻好想阿b快d大個著黎睇下~~~真係多~晒四位靚auntie~~~

一日比一日大啦~

10.9.2007 今日又返健康院覆診呀!!!阿b又大隻左啦~~~有3.91kg~8.6lbs~~~比上星期差不多重左一磅~~~醫生話重得幾理想,繼續努力食多d~~~而阿b既黃亦退得幾好~~~yeah!!!

其實我地每日都見住阿b,又唔係真係覺得佢大左好多~~~不過每次有朋友話"佢又大隻左!!!",我就會覺得好開心~~~我都開始有留意下~~~佢既眼．耳．口．鼻．頭．身．手．腳．．．其實真係每日都改變緊~~~我到而家都仲覺得好神奇,好奧妙~~~

第一個晚上

唔經唔覺，mo嗲地既產假已經放完啦～～～禽晚係第一日返工，仲要係返夜呀～～～即係第一個得我同阿ｂ再加四隻豬豬既晚上～～～之前既夜晚，多數都係ｍｏ嗲地起身餵阿ｂ食奶，我真係好驚起唔到身，又驚阿ｂ不停喊，總之．就好驚搞佢唔掂啦～～～

１０／７　２１：３０ 公公．婆婆．ｍｏ嗲地都要返屋企同返工啦～～～ｓａ媽咪開始同阿ｂ角力１２小時啦～～～起初，真係好擔心～～～但係，唔知係咪阿ｂ知道得ｓａ媽咪一個人，佢出奇地乖呀！！！當大家都走左之後，佢２２：００就開始喊，即係又要食ｍｕｍｍｕｍ，好快咁食飽飽就覺覺豬啦～～～咁ｓａ媽咪又走去覺覺豬啦～～～一覺就覺到０２：３０～～～奇怪～～～點解冇喊既～～～既然係咁～～～我梗係唔理啦，一於繼續覺覺～～～過左短短１０分鐘～～～嘩嘩嘩既喊聲殺到黎啦～～～ｓａ媽咪即刻起身就準備ｍｕｍｍｕｍ啦～～～就係咁，又好快咁食飽飽，又好乖咁即刻又繼續發夢啦～～～一覺又覺到０７：００啦～～～ｗｏｗ～～～食飽飽就等到ｍｏ嗲地返到黎屋企啦～～～就係咁，好順利就過左一晚啦～～～阿ｂ真係乖乖啦～～～

仲有一晚呀～～～今晚ｍｏ嗲地都要返工呀～～～阿ｂ，您要繼續乖豬豬呀～～～

阿b,你認真巴閉~~~

想當年,我同阿哥都係嚴厲既教導下成長~~~而家隔左一代,爸爸媽咪對佢地既乖孫簡直寵愛萬分呀~~~
今晚正準備食飯之際,皇帝仔就扭計要食奶奶,大家就要停落黎,等佢食飽飽~~~我地先有得開飯~~~佢又係一路食,一路又諗下野,又訓下覺咁~~~要各人合力要叫佢食快d~~~食快d啦~~~公公婆婆仲好enjoy咁睇住佢食奶奶~~~難為我自己一個人係度偷食~~~
終於食飽飽啦~~~點知返埋床就唔肯覺覺豬~~~又大叫~~~公公一聽到就走入去抱阿b(下!!!岩岩先開始食飯喎~~~)一抱就唔喊,咁婆婆竟然仲提議放佢係廳睇住我地食飯啦~~~唉~~~~~~呢d咪叫"縱壞晒"囉~~~
阿b~~~您真係幸福到爆呀~~~第日大個要記得錫公公婆婆呀~~~
幾個人服侍一粒豆丁~~~

阿b愛我們嗎?

唔經唔覺~~~阿b都有兩星期大啦~~~唔再好似之前咁只係覺覺豬同食mum mum啦~~~開始眼仔睩睩,唔知諗緊咩~~~有時唔知喊咩~~~我同mo嗲地都好懶~~~如果食左mum,又換左片,又玩左一陣~~~阿b依然無理大叫~~~我地都係採取"聽唔到"政策~~~通常阿b都自己繼續叫~~~暫時最高紀錄好似叫左唔夠一粒鐘就會自己覺覺豬啦~~~唔知阿b知道我地用呢個"聽唔到"政策之後,仲會唔會愛我地呢~~~

阿b,你要知道啊~~~唔會無理大叫大喊既小朋友先會令人覺得可愛架~~~



阿b唔喊個樣幾得意~~~

阿b似媽咪?!

禽晚,小桂同小桂嫂黎左睇阿b,終於有幸見到阿b打開眼仔~~~呵呵呵~~~終於佢地都話有d似我啦~~~
今日,auntie tammy又黎睇阿b~~~阿b竟然成個鐘都眼仔睩睩~~~睇到真樣~~~表情又多多~~~真係古古惑惑樣架~~~

一見到阿b蒙面俠造型,就知阿b又出街街啦~~~

今日,阿b要返健康院覆診,醫生話佢d黃退得好好~~~而家有3.56kg~7.7lbs啦~~~希望阿b食多d,快d變大隻bb~~~
既然出左街,咁就順道帶左阿b去apm行個圈~~~食個lunch．買埋尿片先回家~~~

國慶大日子

阿b又一第一次~~~國慶~~~對於而家既我,幾時係公眾假期,幾時係返工日子,都真係唔多知道!!!
今朝起身先知道今日又一假期~~~又係阿b第一次過國慶,真係咩都係第一次~~~陸續有來~~~
國慶咁大日子,梗係要慶祝下啦~~~今日公公婆婆又黎左睇阿b~~~呵呵~~~咁我就同mo嗲地甩身啦~~~咁好機會,我又出下街,二人世界去左嘆下午茶~~~fReE啊~~~雖然只係短短一個鐘,都已經好enjoy!!!

今日又覺得阿b好似大隻左dd啦~~~抱上手又好似重手左呀~~~

阿b的十二朝

"十二朝"~~~其實我都唔知係咩...只係知道十二朝就可以派薑醋俾人食...婆婆係阿b未出世之前已經好大陣仗~~~整左好多好多薑醋~~~因為婆婆相交滿天下~~~要派既人真係好多好多~~~簡直令我覺得好震撼呀!!!

除左薑醋之外,仲有d咩酒咩酒咁~~~簡直包羅萬有~~~其實有咩都唔緊要,至慘就係要我食~~~我真係唔多想食~~~今晚既什麼"雞酒"依然擺左係度~~~都唔知點算~~~