開始冇感覺的第六天

2008年5月13日~星期二~晴

0600~morning call~~~咁早起身又係為左搵食~~~之前上網search過~~~酒店門口0629有班free shuttle去朝市~~~諗住臨走encoure食多一轉魚生飯當早餐~~~兩個一仆一碌趕落去~~~冇車既~~~走左~~~駛唔駛咁準時呀~~~一心就係貪佢free先咁早起~~~咁冇車又駛咩咁早過去呢~~~再問下~~~有個"篤篤"話架車原來冇左啦~~~頂~~~咁好心朝市個邊就update下個website啦~~~本來可以豬多一粒鐘架嘛~~~

冇理由又上去豬過架~~~早餐0700先開始~~~兩個傻佬&傻婆就係lobby等開餐~~~諗返呢間hotel好得~~~不過個風呂付客室就no good啦~~~其實唔係每款溫泉都岩自己~~~咁岩呢個就係唔岩自己~~~好似登別~~~咁多個池~~~總有一個岩自己~~~下次都係唔好俾咁多$$$去book呢種房~~~去大浴池浸仲爽呀~~~等等下就等到buffet開波啦~~~嘩嘩嘩~~~都唔知係咪好彩~~~如果去左朝市就唔知呢度既早餐都咁得呀~~~真係咩都有呀~~~我都幾鐘意食飛碟~~~但係係屋企整就要執返d麵包碎~~~好麻煩~~~呢度good呀~~~自己整~~~但係唔駛自己執~~~哈哈哈哈~~~呢餐真係飽到上心口呀~~~

食飽飽又冇野做~~~要等到十點先出發去機場~~~咁點好呢~~~一於去多一次朝市~~~咁岩又有巴士喎~~~perfect~~~去到朝市~~~仲好飽~~~之前好似唔駛$$$咁~~~係咁食~~~飽到夜晚都唔駛食呀~~~咁就行下~~~感受一下~~~原來朝早黎真係熱鬧好多架~~~禽日都冇咁多人~~~今日行就真係好似行街市咁呀~~~不過差唔多全部都係遊客黎架~~~行行下~~~見到有一隻隻海膽望住我地~~~嘩~~~唔食一隻好對唔住自己喎~~~雖然好飽~~~不過~~~少少一隻海膽都容得下既~~~其實我地得45mins行~~~之後就要搭車返酒店check out去機場啦~~~短短45mins~~~好滿足~~~

1000~check out~~~jpy28420~~~抵唔抵就見仁見智啦~~~1030已經到左機場check-in~~~1250起飛~~~成兩個幾鐘~~~無聊到極~~~睇返d相就真係記得有幾無聊~~~搭lift又影一餐~~~又打下機~~~連按摩椅都玩埋~~~



80mins時間好快過~~~因為只係同周公傾左兩句~~~咁就到左東京啦~~~急急腳轉jr去池袋~~~其實呢十日既住宿~~~除左頭三日係package包之外~~~其他酒店都係online book架~~~東京住既metropolitan~~~係喵友介紹~~~都幾ok~~~又就腳~~~一去到check-in~~~比較起北海道~~~真係有d唔同~~~service都係鄉下好d~~~個姐姐又笑晒口咁話upgrade左我地間房~~~~嘩~~~~咁多謝呀~~~冇錯~~~送你一間尾房again~~~仲要住4晚~~~哈哈哈哈~~~我同mo嗲地都唔知講咩好~~~唯有~~~笑下啦~~~


放低行李就出發啦~~~血拼東京~~~第一站~~~新宿~~~感覺係~~~好好好多人~~~亂衝亂撞咁去到高島屋~~~TARGET係ANPANMAN~~~不過~~~好貴~~~其實我地咁多日行百貨公司係差唔多只係行"子供服"部門~~~都係買買買~~~sa媽咪終於都買左個porter啦~~~感覺又真係幾抵喎~~~jpy20425only~~~very good~~~行到八點幾九點~~~鋪頭都close啦~~~
送給愛kitty的你~~~

又開始搵食啦~~~今晚搵一間叫"北澤俱樂部"~~~都幾多人~~~師傅係面前~~~落order~~~即時手握~~~ok~~~但係仍然回味北海道中~~~盛惠jpy5754呀~~~

其實相中有3pair人~~~其中兩pair都係香港人~~~

之後就返酒店啦~~~好急好急要上網~~~喵友介紹free internet~~~oh~~~點知而家要俾$$$啦~~~jpy100/5ins only~~~用左10mins~~~好唔自在~~~唯有早d返房睇電視啦~~~

最幸運的第五天

2008年5月12日~星期一~晴

0700morning call~~~兩個依然矇惺惺~~~眼都未擘大~~~刷完牙~~~又走去浸溫泉~~~oh~~~舒服晒~~~醒晒~~~~真係回晒魂呀~~~相約mo嗲地8am係房等~~~再一齊落去食早餐~~~普普通通~~~未見特別~~~快食之後~~~就往地獄谷去~~~清晨~~~好舒服~~~未有旅行團到~~~幽靜既環境~~~一陣陣既琉璜味~~~沿途有好幾個神像~~~陸續開始有旅行團~~~成個feel唔同晒~~~呢個就係我地唔會參加旅行團既原因~~~嘈嘈嘈~~~唔知嘈咩~~~本來想行埋入去大湯沼~~~需時45mins~~~又好似好趕~~~因為又唔想太遲先去到函館~~~咁就唯有走人~~~






返到酒店~~~拎埋行裝~~~check out~~~問下道南巴士幾多點~~~下~~~岩岩走左~~~趕唔到呢班就趕唔到1026班特急去函館~~~即時成個人灰晒~~~唔通企鵝好想我去探佢~~~因為原本係plan左去睇企鵝巡遊~~~之後覺得又要俾多jpy1250~~~只係去睇企鵝~~~好似好waste咁~~~取消左~~~但係趕唔到班車~~~唔去睇企鵝~~~又做咩好呢~~~唉~~~好煩~~~坐係巴士站煩惱中~~~有車~~~0958有班車~~~係喎~~~真係喎~~~上車上車~~~yeah~~~好開心呀~~~企鵝企鵝~~~都係下次先探你啦~~~

去到jr站~~~買指定席~~~成兩粒幾鐘架~~~下~~~冇位~~~自由席only~~~唔係呀~~~真係要企兩粒幾鐘~~~冇辦法啦~~~呢個登別站好古老架~~~冇電梯~~~一再讚下自己幾聰明~~~一早寄左行李~~~如果唔係要搬件石頭上樓梯~~~又搬返落樓梯~~~都真係幾金~~~

等車個時都驚驚地~~~只係求有位~~~唔求一齊坐~~~但係指定席都full~~~登登登登~~~第7卡~~~自由席~~~bingo~~~有位坐~~~仲係孖住坐~~~哈哈哈哈~~~周公即時又急call~~~~


1249~~~好準時到達呀~~~根據之前既慣例~~~都係衝去食先~~~目標係出晒名既"函館朝市"~~~最頭痛就係揀食邊間~~~哈哈~~~多本地人食既一定係冇錯~~~我地係門口左睇右睇~~~搵到啦~~~呢間最多人~~~入去坐低~~~先發現~~~咦~~~幾pair都係香港人黎既~~~妖~~~混吉~~~之前明明刮左料去個間或者個間架嘛~~~冇拿拿做咩又話去間多人架~~~算啦~~~都ok~~~可能其他仲ok呀~~~真係一d都唔平~~~jpy3570呀~~~



又食飽啦~~~咁又四圍蕩~~~今日冇咩planning~~~行到邊就睇到邊~~~行下元町既西波止場~明冶館~~~


唯一刻意去搵既係八幡坂~~~係出名睇函館港既斜坡~~~好長既斜坡~~~睇完~~~哦~~~都好靚~~~



時候不早~~~要去酒店check-in~~~我地搭市電返jr站轉巴士~~~20mins就到啦~~~湯の川溫泉~~~我地入住渚亭~~~今次揀左間風呂付客室~~~我地落車對面就係酒店~~~一落車就要過一條馬路先到~~~一過馬路都未到門口~~~就已經有人衝過黎幫你拎野~~~入到酒店就招呼我地坐低~~~俾個menu~~~問下我地飲咩welcome drink~~~oh~~~so good~~~上到房~~~我地預先寄黎既行李已經到埗啦~~~認真good good service呀~~~

1800開始buffet~~~呢間buffet好出名~~~好早就有好多人食緊~~~我地都肚餓啦~~~真係好多野食~~~蟹腳就唔在講~~~仲有新鮮刺身~燒和牛~大元貝~天婦羅~數之不盡~~~如果登別既buffet係good~~~呢間係execellent~~~真係好好好好好好味~~~仲要望住無敵海景~~~一樂也~~~

原本想去睇夜景~~~又係好出名~~~不過~~~懶蟲出洞~~~又見我地間房都望到少少夜景~~~放棄了~~~虐下間房既溫泉~~~nonono~~~真係no good~~~可能同之前一日有比較~~~真係差好遠~~~浸左一陣就冇興趣lu~~~


唯有搵個男人陪~~~搵左個型男~~~木村拓哉~~~今晚真係早d抖既呢~~~~~~第一次試榻榻米~~~feel so good~~~

最嘆的第四天

2008年5月11日~星期日~晴

今日會離開札幌~~~出發去下一站~登別~~~
planning既時候~~~已經好煩惱d行李既問題~~~好似由札幌去登別~再由登別去函館~~~拖住一年大行李~~~真係好好好麻煩~~~本來去便利店問下宅急便~~~點知個店員驚到咩都話唔知~~~sa媽咪講英文真係咁恐怖~~~
咁唯有問返酒店~~~原來我地住個間酒店都有counter可以寄行李~~~初初諗住酒店一定貴好多~~~oh~~~點知又唔係喎~~~只不過係jpy1780~~~就可以輕輕鬆鬆去登別~~~輕輕鬆鬆去函館啦~~~真係好perfect~~~

今日0730~morning call~~~食埋一個豐富既早餐~~~我地又去行公園啦~~~因為時間尚早~~~我地今日唔搭地下鐵~~~而係慢步去大通公園~~~原來都好快~~~都係15-20mins就行到啦~~~都係好舒服~~~雖然係馬路附近~~~但係空氣依然清新~~~正呀~~~我地又影下相~~~坐下~~~



九點幾就行返過百貨公司~~~又係左行右行~~~之後就去左ESTA~拉麵共和國~~~好多間~~~又係要揀~~~最後揀左間有個"梅"字~~~信心保證~~~哈哈~~~果然呀~~~好好味呀~~~好味過拉麵橫丁多多聲呀~~~我差唔多可以飲晒D湯呀~~~真係正呀~~~


食飽之後~~~就作札幌既最後衝刺~~~又係阿b有收穫~~~差唔多時間~~~因為搭1300班free shuttle去登別~~~我地行過去都好遠~~~地下鐵又唔到~~~不嬲都知日本的士超貴~~~好~~~就豪俾佢~~~哈哈~~~睇下你有幾貴~~~結果我地好似由太子彌敦道去到油麻地咁上下~~~車費要jpy930~~~都叫做試下啦~~~

又好準時到左shuttle bus stop~~~好多人~~~好多當地人都去呢個溫泉度假區~~~上車又要個幾鐘~~~又係豬豬既時候~~~不過今次沿路風景又唔錯~~~望多兩眼都差不多到啦~~~一落車好快就check-in~~~上房就開始頭痛~~~唉~~~都未開波玩就頭痛~~~真係好痛~~~啪左兩粒藥~~~期望好少少~~~隨即又出發啦~~~
差不多三點~~~好凍~~~有微雨~~~再凍d~~~要上熊牧場~~~再低兩度~~~一路搭纜車~~~一路頭痛~~~真係十個頂呀~~~

上到熊牧場~~~首先見到兩隻bb~~~超得意呀~~~好過癮呀~~~走走跌跌~~~勁得意呀~~~
再行上第一個場~~~已經見到好多棕熊~~~個樣好蠢~~~隨即買左兩包小食~~~佢地會"請請"問人拎野食~~~初初都好奇怪個度點解咁多烏鴉~~~原來d烏鴉係黎搶食架~~~嘩~~~好討厭~~~一拋唔準就俾烏鴉搶左架啦~~~
再行落d就有一班後生d既棕熊~~~明顯活動能力係高dd~~~一樣好可愛~~~jpy100一包食物~~~結果餵左jpy1200~~~哈哈~~~真係咩頭痛都唔記得~~~
熊牧場唔係好大~~~不過風景都幾靚~~~有個好靚既湖~~~如果唔係咁凍~~~企下都好一流~~~



玩到五點幾就落山~~~山腳就係酒店~~~返到酒店已經急不及待換浴衣去浸溫泉~~~今次揀呢間酒店~~~因為佢話係全日本最大既溫泉酒店~~~有31個溫泉池~~~男女分開~~~半夜會互相交換~~~所以~~~可以咩都試齊架~~~基本上~~~除左凍水池~~~我地試齊晒啦~~~嘩嘩嘩~~~舒服到震呀~~~露天風呂~~~一路吹住風一路浸住熱騰騰既溫泉水~~~真係~~~唔識形容呀~~~對上一次赤裸裸咁浸溫泉~~~已經係7-8年前既事~~~個次又係同mo嗲地去韓國~~~當時都未結婚~~~我仲記得個時要赤條條咁去浸溫泉~~~感覺好尷尬~~~唔係好enjoy~~~但係今次個感覺好唔同~~~丁點兒尷尬都冇喎~~~係真係好好好enjoy~~~未完美既係冇人識~~~自己一個浸~~~有點點悶~~~眼見日本人三五知己~~~有講有笑~~~感覺好好~~~下次有人一齊去就好啦~~~浸左大半個鐘~~~返房會合mo嗲地~~~就去食包埋既dinner buffet~~~正~~~好味~~~任食~~~飽到冇得再飽~~~

登別係一個冇野好行既地方~~~只有幾間手信店~~~行下啦~~~呵呵~~~都有好多野買喎~~~仲買左一家三口喵喵擺設~~~加埋屋企四隻~~~perfect~~~買完野~~~吹左一陣冷風~~~返房放低戰利品~~~唔執輸~~~又去浸多次~~~今次天黑黑~~~露天更寫意~~~好完美~~~好嘆~~~好滿足咁覺覺豬~~~

最美麗的第三天

2008年5月10日~星期六~晴

0700~morning call~~~今日plan左一早去円山公園~目標係"櫻花"~~~食完個早飯就出發啦~~~我地住呢間酒店既早餐~~~都好得~~~好多野食~~~mo嗲地朝朝都飲北海道牛奶~~~頭一日~我都係飲apple juice~~~因為我驚我好易肚痛~~~之後幾日~~~見佢飲得咁開心~~~又唔抵得~~~學佢飲埋一份~~~每朝都飲幾杯~~~真係好正~~~

我地搭地下鐵去円山站~~~沿路行過去都feel到好舒服~~~空氣好清新架~~~去到公園~~~ohohoh~~~一望就知冇櫻花睇~~~但係見到一地都有鬱金香~~~真係花癲上身~~~既然見唔到櫻花~~~鬱金香都殺~~~影影影~~~跟住見到日本人係度bbq~~~~好得喎~~~咁大個公園~~~又靚又舒服~~~可以係度bbq~~~香港都係咁就好囉~~~



円山公園其實係同北海道神宮相連~~~我地就繼續行入去~~~點知行入d就開始見到有少少櫻花啦~~~oh~~~好靚~~~雖然唔係漫天櫻花~~~但係都還得一個心願~~~好開心呀~~~想左幾年既事~~~終於都實踐左啦~~~都叫做係日本睇到櫻花啦~~~冇白費心機~~~






再行行行~~~去到神宮~~~都好靚~~~我地又唔執輸~~~扮下日本人~~~有樣學樣~~~拎個水兜洗下對手~~~飲d水~~~正~~~成個樣日本晒~~~

入到神宮~~~又學人許下願~~~見人地要拍兩次手~~~我地又拍兩次手~~~其實唔知點解架~~~跟住又見到人地d樹好大~~~唔知點解人地d樹咁乾淨~~~又唔蝕底~~~又攬下先~~~見有得寫許願牌~~~又唔蝕底~~~一人又寫一塊~~~不過都要成jpy800/塊~~~都唔知邊個蝕呀~~~


實在太舒服~~~一路行一路欣賞~~~一路影相~~~原先預計0930搭車去小樽~~~最後行到1130~~~不過真係好開心~~~感覺太舒服啦~~~

我地由円山搭返地下鐵去琴似~~~再轉JR去小樽~~~唔駛一個鐘就到達目的地啦~~~一去到就即刻朝住三角市場方向~~~要醫肚~~~入到去有好多海鮮~~~全部都好好味咁~~~其中有一間個老闆就叫我地試下佢D海膽~~~OHOHOH~~~~好味呀~~~就呢間啦~~~咁就買左一板海膽~一隻帶子刺身~一碗海鮮丼~再加一碗甜到你唔信既蟹湯~~~真係正到暈呀~~~諗返都想食呀~~~食飽飽又係俾$$$既時候~~~JPY4200~~~唔可以叫好平~~~不過係好抵~~~哈哈~~~香港一定唔可以用JPY4200埋呢張單囉~~~



由三角市場進發入小樽運河~~~沿途係~~~好凍~~~凍到唔想講野~~~連一向唔鐘意著衫既mo嗲地都話好凍~~~去到運河就影下相~~~指指點點~~~一心諗住影幾張相~~~到傍晚先再黎影過夜景~~~咁就向元町走過去啦~~~


我之前一路都以為會係小樽有好大收穫~~~點知都唔係喎~~~哈哈~~~守得住~~~只係買左d手信~~~買左個喵喵音樂掛飾~~~最重要既就係mo嗲地又出手~~~整左個靚靚玻璃杯呀~~~呵呵~~~雖然過程好簡單~~~多數都係有人幫手~~~不過~~~心意心意~~~都好sweet既~~~



好多人都話小樽係行一日或者半日都夠~~~真係~~~行左兩,三個鐘就行完~~~中途食下燒帶子~燒海螺~燒粟米~~~都只不過係四點幾~~~天~~~唔覺得想黑~~~咁點呢~~~一心想影黃昏運河~~~但係真係又冇野好行~~~條街又凍到唔駛$$$咁~~~d風又好大~~正當左踱右踱之際~~~my baby~~~其實呢十日行程~~~婆婆都每日兩call~~~真係正~~~咁凍既情況下~~~一聽到bb's calling~~~好興奮~~~warm晒~~~剛剛唔知點算既我地~~~決定走佬~~~老佬之前~~~去左一間好似好出名既鋪頭~若雞時代~食炸雞定食~~~果然好多人~~~又果然好好味~~~好飽好滿足~~~再行去搭jr~~~依然好凍~~~搭上jr~~~完全冇後悔呢個決定~~~因為食飽飽既關係~~~兩條豬~~~wow~~~好溫暖~~~夢中回味~~~正~~~

呢一日好開心~~~感覺好美~~~好滿足~~~