快d好~~~

阿b禽晚成晚都係左典加典~~~唔知係咪夾係我同dada中間覺覺豬~~~好熱呢~~~因為都仲係發燒~~~成晚都要抹下身~~~降下溫~~~五點鐘~~~dada起身返工~~~順手一齊餵埋藥~~~mama見一路都未退過燒~~~成晚又試過有103度~~~最後都決定用醫生開定既塞藥~~~加快退燒~~~食完藥~~~再食支大奶奶~~~八點半先起身~~~退左燒~~~精神都唔錯~~~

今日好明顯冇咁多乞痴~~~鼻水都少左~~~應該轉左痰啦~~~咳得比禽日少~~~阿b愈黎愈怕食藥~~~離遠見到我拎住藥水~~~就已經喊定先啦~~~今朝唔想同佢搏鬥~~~試下加入奶奶~~~又呃到佢食晒~~~點知~~~下晝就被識穿~~~連奶奶都唔肯飲~~~又要單打獨鬥先食到藥~~~食埋夜晚個次藥~~~食晒啦~~~終於都食晒~~~阿b大個仔左~~~真係唔呃得~~~佢知道我落佢藥~~~覺豬豬之前既奶奶都唔肯飲呀~~~激屎我呀~~~

希望聽日再好d啦~~~唔駛再睇醫生就好啦~~~

嬲到爆

sa媽咪今日好火~~~火到爆~~~阿b禽晚愈夜愈咳~~~今朝發燒~~~一起身就即刻去睇醫生~~~希望真係早睇早好~~~


醫生問咩事~~~我就話佢知~~~阿b禽日開始有兩聲咳~~~今朝開始有發燒~~~醫生就問~~~屋企有冇人病左呀~~~答案係冇~~~咁星期日去左邊呀~~~答案係返playgroup囉~~~咁有冇人唔舒服呀~~~應該冇喎~~~諗諗下~~~個助教姨姨帶左口罩喎~~~唔通係佢~~~真係oh my god啦~~~十個頂~~~有病就唔好返學啦~~~累街坊~~~


返到屋企~~~打乞痴~流鼻水~咳~~~睇到都覺得陰公呀~~~食藥時間~~~mama都想同你喊埋一份呀~~~


天啊~~~bb真係咁脆弱~~~真係咁容易中招~~~而家只不過係返一個小時既playgroup~~~咁返學個時點算呀~~~真係又一次好唔開心啦~~~咁樣好易老呀~~~點好呀~~~

阿b~~~乖乖啦~~~快d退燒啦~~~有d收鼻水啦~~~快d唔好咳啦~~~

殺殺殺~~~

真係想殺人呀~~~阿b今朝開始有少少咳~~~初初以為佢扮野~~~點知~~~一個午睡之後~~~愈咳愈勁~~~真係~~~十個頂~~~~~~

玩完再玩

今日係幼潛既第三課~~~因為dada要返工~~~只係得mama一個人帶阿b去上堂~~~其實都有少少驚驚地~~~因為唔知阿b受唔受控~~~要玩足一粒鐘~~~真係好金~~~結果~~~阿b好叻叻呀~~~可以好順利咁就完成一個小時既遊戲時間啦~~~
上完堂~~~dada都放工啦~~~我地又出發去elements玩一下~~~我地去左elements個公園同遊樂場玩~~~呢個遊樂場明顯冇禽日玩得咁開心~~~可以爭左少少顏色同氣氛~~~禽日阿b一去到就好開心好興奮~~~今日都好開心~~~不過~~~可能上完堂~~~有d攰啦~~~
好開心咁玩完一輪就返公公婆婆屋企啦~~~

星期六~~~冇節目~~~

今日原本係冇節目~~~一心諗住天寒地凍~~~留係屋企覺覺豬~~~等dada放工~~~點知~~~賢姐姐call食lunch~~~一call梗係要即到啦~~~
阿b今日真係有好多個叻~~~可以一齊開開心心咁食lunch~~~乖乖豬~~~食飽飽~~~dada又放工黎到啦~~~我地一齊去左遊樂場玩~~~第一次去個到~~~阿b興奮到極點呀~~~玩完一輪~~~最後~~~決定買野返屋企煮飯仔~~~好好味呀~~~
其實今日所有時間~發生既事~阿b既表現~真係好perfect~~~如果日日都係咁~~~真係very good~~~
mama: 阿b~今日留係屋企覺覺豬~好唔好呀~

阿b: errrrrrr~最好唔好啦~~~
mama: 咁一於又同你去街街啦~

阿b見到咁大個遊樂場~~~一開始就好好奇~~~周圍走~

必玩"sir"滑梯~~~

而家連之前好驚既轉轉滑梯都好like玩啦~

成個場咁大~~~齊行都好happy呀~

成個過程~~~阿b都四萬咁口~~~見到都開心呀~~~



玩完之後~~~仲可以影下聖誕樹~~~

YEAH~

阿b有書讀啦~~~先後幫阿b申請左三間幼兒園~~~準備讀n1~~~有兩間interview左啦~~~結果~~~第一間~屋企樓下既德福幼兒園收左阿b~~~good架~~~不過~~~sa媽咪實地考察過之後~~~比較鍾意第二間係紅磡既博愛醫院任永賢夫人幼兒園~~~其實缺點係地點較遠~又要返全日~不過~~~感覺上整體都係sa媽咪想要既學校~~~老師~學校環境~設施~教材~教學方法都比德福好好多~~~今日終於有結果~~~阿b可以係呢間學校展開佢人生既第一課啦~~~仲有第三間~~~要一歲半先可以interview~~~不過~~~最理想既學校收左~~~可以唔駛去啦~~~
阿b~~~你仲有大半年既時間可以一日24小時痴住mama~~~明年既十月~~~你就要上學去~~~學習群體生活~~~學習新知識啦~~~努力啦~~~~~yeah~~~~~~


今日經過~~~見到venture做promotion~~~~可能weekday~~~人太少~~~姐姐叫我地試下影~~~free架~~~可以拎返一張copy~~~仲好過俾$$$影個d呀~~~

復出的第一天

自從病左之後~~~阿b既活動全面停止~~~今日首日開工~~~晨早六點幾就起左身~~~等dada八點返到黎~~~食埋個早餐~~~dada豬豬左~~~sa媽咪又同阿b玩玩玩~~~玩到阿b攰~~~十點又要佢同我地一齊豬豬下~抖足精神~~~豬到十二點幾半都唔願起身~~~一講"飯飯啦"~~~就彈左起身~~~九秒九食飽飽就出門口啦~~~
開始第一個活動~~~幼潛第二課~~~明顯今日已然好左好多~~~不過~~~間中都有發下脾四~~~整體上都係ok既~~~good good~~~一個小時過得超快~~~三點就上完~~~
我地就去食lunch~~~行下影下相~~~又要趕下場~~~五點要去到baby gym玩下呀~~~只可以一個家長陪同~~~咁體力勞動~~~就梗係dada出馬啦~~~全透明設計~~~完完全全睇到阿b玩玩下又扭~玩玩下又扭~~~皆因太攰~~~之前係屋企休息既時間~~~多數都有午睡架~~~今日直踩~~~攰屎阿b~~~又眼訓~~~好彩~~~又係一個小時~~~好快就過啦~~~
完成今日既活動就嘭嘭聲返屋企食飯飯啦~~~dada又爭取時間覺覺豬~~~阿b返到屋企又好似差左電咁~~~又玩過~~~九點半~~~dada出左門口返工之後~~~阿b就冇電~~~九秒九就豬豬左啦~~~
今日玩得好開心~~~去到商場~~~又指手劃腳~~~周圍走~~~


今年可以自己企係度同聖誕樹影相啦~~~不過~~~企唔企得定就要睇十少既心情啦~~~

阿b多到ball ball好開心~~~

仲好奇怪見到自己既肥仔樣~~~

全家福真係好難自己影~~~

可愛小公主

sa媽咪多左個可愛小公主~~~~wow~~~正呀~~~真係好開心~~~仲要好嬌俏~~~
今日執阿b既衣櫃~~~執到寶~~~差d唔記得織左呢件小公主衫~~~等sa媽咪禽日仲煩惱緊買咩褸俾阿b係屋企著~~~hehe~~~而家唔駛買lu~~~
上年著過呢件衫架啦~~~今年可以著住周圍行~~~真係好靚女呀~~~相信下年應該都仲岩著~~~見到佢著住呢件野行黎行去~~~睇十次都覺得好好笑~~~
mY loVeLy GirL~~~

呢個樣幾含羞答答~~~


同場加映~~~小長今跳跳舞~~~

康復中既阿b

阿b而家康復中啦~~~身上仲有少少疹~~~不過精神真係好好啦~~~唔知係咪真係每日都食左婆婆為阿b準備既燕窩~~~胃口好左好好好好好好多~~~不停要食野~~~真係多~晒婆婆既心機呀~~~
sa媽咪既心情都開始靚返啦~~~今日係呢個week以黎~~~見到阿b最多既笑容~~~原來真係可以咁開心~~~
今日阿b個樣真係唔同晒~~~開心左好多呀~~~係一條開心既火柴人~~~

食得是福

自從阿b病左之後~~~成個星期~~~阿b都唔肯食飯~~~每日只係飲一支奶奶~~~食幾啖麵包~~~又或者幾塊梨~~~今日~~~退燒既第二日~~~sa媽咪都諗住阿b多數都唔食~~~但都係照煮lunch~~~點知~~~阿b竟然食晒一大碗飯~~~開心到~~~差d喊出黎呀~~~超low b~~~不過~~~真係好開心~~~一個午睡之後~~~阿b又食左d包包~~~等到dinner~~~好緊張~~~又肯食喎~~~不過今次就食唔晒~~~只係食左大半碗~~~已經好好啦~~~

再挑戰~~~成個星期都唔多飲覺豬豬之前支奶奶~~~今日又如常~奶照開~~~哈哈~~~又肯飲喎~~~~一路飲一路豬豬左呀~~~好好呀~~~原來阿b肯食野~~~阿媽係會咁開心~~~~~~
阿b~~~食多d~~~好快d~~~~~~

其實~~~而家都仲好擔心~~~禽日朝十點退燒到而家~~~冇再返發~~~好好事~~~但係~~~今日下晝五點左右~~~發現阿b個身又出疹~~~個一刻真係好想屎~~~不過~~~研究完一輪醫書~~~應該問題都不大~~~可以再觀察多一日~~~希望聽日開始退啦~~~

阿b~阿b~~~你快d好返啦~~~

打仗

今日已經好攰～～～因為禽日打左場仗～～～禽日朝～～～見阿ｂ好左ｄ～～～又帶左佢出街～～～其實都幾經掙扎～～～但係禽日係幼潛既第一堂～～～唔想ｍｉｓｓ左呢～～～唯有叫阿ｂ頂硬上～～～其實真係好冇陰公～～～好返少少又要佢出街～～～不過～～～唉～～～ｓａ媽咪都知衰架啦～～～一心諗住上完先返屋企再豬過～～～本來好左～～～點知～～～真係一出完街～～～返到屋企又燒過～～～仲要燒唔停～～～夜晚十點幾～～～決定帶阿ｂ去ｓｔ。ｔｅｒｅｓａ睇夜診～～～嘩～～～勁多人～～～要等第十五個～～～點等～～～其實一心係想醫生幫阿ｂ塞藥～～～退燒快ｄ～～～但係咁等法～～～我都冇電啦～～～咁都係決定走佬～～～
因為朝早～～～醫生ｃａｌｌ左我～～～話我知阿ｂ既ｂｌｏｏｄ　ｔｅｓｔ冇咩特別～～～腎係冇事～～～又冇咩特別病毒～～～只係之前既腸胃炎令佢發燒～～～發完之後就應該冇樹～～～

返到屋企～～～食多一次退燒藥～～～洗左個白白～～～好快就豬豬左～～～隔一陣睇下～～～成身汗呀～～～再ｃｈｅｃｋ下～～～１０５度～～～嚇到屎屎下～～～即刻抹下身～～～過左一陣～～～好ｄｄ～～～１０３左右～～～之後～～～每隔半個至一個鐘就抹下身～～～成晚都冇咩退過～～～不過～～～有下降～～～大約都係１０１－１０２左右～～～五點幾～～～好扭計～～～完全唔知佢想點～～～原來肚餓～～～食左奶奶又豬過～～～六點幾～～～情況差唔多～～～原本打算朝早再去睇多次醫生～～～到八點幾得返１００度左右～～～好似已經有好轉～～～我頂唔順就同阿ｂ一齊豬左～～～豬到十點左右～～～摸下頭仔已經好似唔熱～～～再ｃｈｅｃｋ下～～～去返１００度以下啦～～～叫醒阿ｂ睇電視～～～都肯睇下～～～一路ｋｅｅｐ住都冇再燒啦～～～好ｇｏｏｄ～～～因為我要有事要出一出去～～～阿ｂ就交左俾ｄａｄａ～～～ｄａｄａ話阿ｂ胃口依然好差～～～唔肯食ｌｕｎｃｈ～～～只係食左麵包同幾啖維他奶～～～又肯玩～～～又搗亂～～～精神似乎唔錯～～～

三點幾～ｓａ媽咪返到屋企～～阿ｂ又豬豬左～～～執完一輪～～～ｓａ媽咪都好攰～～～又一齊豬豬～～～大家豬到六點幾先起程返公公婆婆屋企啦～～～

阿ｂ而家應該康復中啦～～～不過冇胃口～～～都仲有扭計～～～今晚豬得唔太好～～～十二點醒左就唔知扭咩～～～扭肚餓～～～幾日都冇食夜晚奶奶～～～頭先竟然要扭食～～～但係食飽又扭過～～～再俾又唔食～～～結果抱住覺豬豬～～～要成粒鐘先豬得熟呀～～～真係腰都斷～～～

ｄａｄａ～～～今次多得你啦～～～天氣涼都唔肯著衫～～～搞病自己～～～做屎我一個～～～真係多～晒你呀～～～放左兩日假～～～睇唔到你既存在價值～～～話咁快～～～聽晚又開始返夜啦～～～真係頂。頂。頂你唔順呀～～～

投降啦

自從阿b上星期日嘔之後~~~似好又唔好咁~~~嘔完一日之後就屙~~~屙左兩日就好左~~~好左唔屙之後又好似出疹~~~初初以為太乾燥引致~~~因為一早有~下午又冇~黃昏又冇~夜d又有~~~我一路都以為佢好似我咁天氣乾燥就敏感~~~

點知禽日同婆婆一齊行完街街~~~臨返屋企既時候~~~又出左好多~~~再加上禽日既尿尿好似好少~~~最後~~~都係帶左阿b去法國醫院睇醫生~~~同醫生講完一輪~~~醫生就話之前腸胃炎~~~而家出少少疹~~~好正常~~~冇咩事~~~反而尿尿少左~~~有脫水既現象~~~建議阿b即刻入院吊鹽水~~~下~~~真係冇諗過要咁~~~dada又返左工~~~又唔知點~~~總之就唔想俾阿b入院~~~拮住支針針~~~好辛苦~~~

最後都係決定返屋企自己補多d水俾阿b~~~之後返左婆婆屋企先~~~咩都唔肯飲~~~sa媽咪用針筒迫阿b飲~~~公公睇到好心痛~~~於是就同婆婆返屋企~~~試下俾佢平時好鐘意食既正斗白粥~~~食左幾啖又唔肯再食~~~又試下俾維他奶~~~飲左兩啖~唔肯飲~~~點算好~~~唔飲水唔得架~~~冇尿尿就要入院啦~~~結果~~~豬豬左~~~個一刻~~~真係好擔心~~~好似一浪接一浪~~~叫左婆婆返屋企之後~~~sa媽咪終於忍唔住啦~~~真係好心痛~~~又唔知可以點~~~又唔知應該點決定~~~唯有等~~~一路睇住阿b有冇尿尿~~~其實阿b都飲唔夠100ml水~~~又點會有尿尿~~~三點幾~~~dada終於都返黎啦~~~我地夾手夾腳用針筒灌阿b飲水~~~阿b喊到拆天~~~好陰公~~~飲左30ml~~~唯有俾佢豬豬~~~因為早餐奶~~~佢一定飲~~~只有等~~~一路睇~~~八點幾~~~飲左五安奶奶~~~好好~~~但係~~~由前一晚既八點到第二朝既八點~~~一滴尿尿都冇~~~係咪真係要即刻入院~~~唔想~依然唔想~~~俾多少少時間~~~到九點半~~~大篤尿尿終於都黎啦~~~放心左dd~~~

十點幾~~~冇拿拿又發燒~~~點解呀~~~係咪熱呢~~~洗個白白抖一抖~~~都係發燒~~~心情真係跌到落谷底~~~一路尿尿都正常返~~~又做咩發燒呢~~~係咪真係脫水影響到個腎~~~又影響到其他而發燒呢~~~十萬個點解~~~十二點~~~投降啦~~~執齊日用品去醫院啦~~~

睇返禽晚個醫生~~~講左一輪~~~佢都覺得有返尿尿係好事~~~而佢又覺得發燒係可能之前腸胃炎引起~~~問題不大~~~mama同dada覺得好嚴重既時候~~~醫生覺得情況又好ok~~~醫生仲話覺得禽晚先嚴重到要入院~~~今日好似已經好左~~~唉~~~咁究竟點解~~~好想知~~~醫生就話驗血會知得清楚d~~~建議入院驗血~~~sa媽咪由頭到尾都係唔想阿b住院~~~sa媽咪以前已經成日住~~~知道好辛苦~~~唔係自己屋企~~~好難休息到~~~問問唔入院可唔可以驗~~~答案係可以~~~不過冇得claim保險囉~~~又問問價錢~~~都係千幾蚊~~~dada就決定唔claim啦~~~即刻抽~~~抽完第二日就知result~~~

抽血時間~~~一路上去既時候~~~一路同阿b心理輔導~~~好快架咋~~~只係痛一下~~~又商量好~~~dada抱阿b~~~mama分散阿b注意力~~~點知~~~入到去~~~姑娘請我地出門外等~~~唔可以陪~~~阿b一見我地走~~~已經喊到傻左~~~我見住阿b個樣~~~行出門口既一刻~~~真係心如刀割~~~而家諗返~~~就好似之前囡囡病左~~~要留佢自己係診所照腸~~~阿b同囡囡既眼神係一模一樣~~~而我個心怖亦都係一模一樣咁痛~~~係門外聽到阿b係嚎哭~~~心情真係好難形容~~~十分鐘左右~~~終於開門~~~一行入去~~~阿b可憐既眼神~~~mama軟晒啦~~~不過阿b好叻~~~過左一陣~~~真係冇樹啦~~~

返到屋企~~~又洗一次白白~~~食埋退燒藥~~~竟然肯食飯~~~今左一碗之後就豬豬~~~豬左一陣就醒左~~~都係冇咩力水~~~dada又返左工~~~mama就抱住一齊睇電視~~~我地好似膏藥咁痴住~~~等到夜晚~~~公公婆婆黎睇阿b~~~食下野~~~精神又好左d~~~應該冇樹啦~~~

經過呢兩日~~~sa媽咪真係投降~~~禽晚咩都做唔到既時候~~~反反覆覆只係諗~~~我真係唔識湊阿b~~~成日都搞到佢好辛苦~~~係咪真係應該放棄~~~將阿b交俾婆婆湊呢~~~好唔開心~~~我選擇全職湊阿b~~~係想佢有一個健康又開心既童年~~~而家我真係做唔到~~~

唔鐘意阿b呢個冇精神既樣~~~都係鐘意佢奀皮百厭樣~~~

四小豬

而家要成日都幫四小豬影下相~~~balance一下~~~
moremore依然係要做model~~~唔經唔覺~~~moremore又變返做一隻狗啦~~~d毛真係長得太快~~~




至愛囡囡既低調~~~引屎sa媽咪~~~




pinkpink呢期好亂~~~






冬豬今期就做賭神~~~