第一個代幣

今日公公婆婆朝早有野做~~~取消左冇返大陸~~~所以~~~我地就約埋一齊lunch啦~~~食飽飽~~~阿b帶左公公去隔離既"駛$$$樂園"~~~平時阿b都有試過經過~~~都幾吸引~~~不過~~~多數都望兩望就閃架啦~~~今日公公婆婆一齊陪阿b癲~~~左睇右睇~~~睇左好耐~~~婆婆忍唔住要出手~~~竟然換左d代幣俾阿b玩~~~結果~~~mama衰左~~~揀左一架以為會郁下既剷波車~~~勁無聊~~~郁都唔郁~~~真係劑下波~~~放下波~~~超low b~~~

玩完一大輪~~~本來打算帶阿b入沙田~~~點知~~~阿b開始有d眼訓~~~於是就跟公公婆婆返左屋企覺覺豬~~~mama就同dada自己去拖手仔啦~~~以前阿b見到我地走~~~會唔捨得~~~會喊~~~今日~~~阿b竟然主動同我地byebye~~~仲醒多一個goodbye kiss~~~個心真係酸溜溜~~~雖然都係一件好事~~~不過~~~~~~

我地行左一陣~~~就食埋dinner~~~返到屋企接阿b~~~好彩~~~入門口既一刻~~~阿b係開心興奮既~~~hehe~~~相信應該曾經有少少掛住我地既~~~

因為上星期阿b食左幾日抗生素~~~個嘴都損埋~~~生左粒勁大痱茲~~~今日發現條脷尖都有一大粒~~~陰公豬~~~一定好痛~~~周不時都喊一兩聲~~~摸住個嘴仔~~~禽日好忟憎~~~抓到塊面都花晒呀~~真係好慘呀~~~

阿b好叻咁拖住公公東去去西去去~~~



初初玩得好認真~~~仲要自己入代幣~~~




每次返公公婆婆屋企~~~都一定要坐公公大脾睇電視~~~so sweet~~~

成塊面花晒~~~好醜樣~~~

犯賤

sa媽咪今朝晨早七點鐘~~~發冷凍醒左~~~周身都唔舒服~~~dada返工之前俾多一張被~~~都係好凍~~~等左差唔多一粒鐘~~~先開始暖暖地~~~諗住局下汗~~~點知又豬唔返~~~結果係張床典左個幾鐘~~~投降起身~~~洗白白~~~之後就豬唔到啦~~~唯有左搞搞右睇睇~~~阿b又未起身~~~咩都做唔到~~~十點幾~~~mama開始有d倦意~~~但係阿b就醒啦~~~咁唯有吸下塵~煮下飯先~玩下先啦~~~
玩到差唔多兩點~~~阿b又要去覺覺豬~~~因為dada今晚帶阿b去bb蕉~~~mama都好攰~~~布拿拿有d發燒~~~食粒panadol~~~諗住同阿b一齊豬下啦~~~點知~~~眼光光~~~又一粒鐘~~~唯有爬起身~~~
今晚本來安排dada湊阿b去bb蕉~~~mama就自己去bb展~~~點知~~~dada突然又收早d~~~未夠鐘就一齊去bb展~~~其實mama掙扎左好耐~~~究竟出唔出去好~~~因為真係好攰~~~不過~~~今晚又有好多小朋友~~~又有狗狗玩~~~又冇理由要dada由金鐘返黎接阿b再去黃竹坑~~~於是~~~振作啦~~~一齊去行下bb展~~~再去bb蕉啦~~~
果然冇去錯~~~阿b玩得好開心~~~阿b好似係第一次見咁大隻狗狗~~~初初有d驚~~~隔左一陣已經唔驚~~~仲走去攬攬狗狗呀~~~
第一次幾十人一齊bb蕉~~~好勁呀~~~可惜~~~mama本來冇打算去~~~所以冇帶相機~~~阿b今日既happy~~~真係值得mama犯賤一下~~~

初初見到個草地又大又黑~~~唔敢落地~~~點知~~~玩玩下又ok喎~~~

值得一提~~~阿b今日真係好叻叻~~~由落街開始~~~去到銅鑼灣~~~除左係車廂入面之外~~~其餘時間都係阿b自己行架~~~中間有要求mama抱~~~不過~~~mama拒絕左之後~~~阿b都乖乖自己行~~~mama今日好堅持啦~~~其實用既時間都唔係多左好多~~~好good good呀~~~不過~~~一見到dada之後~~~無論點都好~~~都要扭dada抱~~~睇黎dada有排執返呀~~~

別人眼中的五豬

今日一早起身~~~新年之後既第一堂playgroup~~~相隔兩星期~~~慶幸阿b冇半點陌生~~~好快就投入自己去玩啦~~~今日開始~~~家長會坐埋一邊~~~小朋友自己玩~~~我地就同導師一齊觀察~~~同埋討論一下小朋友既發展~~~阿b今日既表現都幾好~~~老師話阿b今日進步左~~~專注力開始好左~~~可以自己坐係度玩10-15mins~~~sa媽咪都留意到阿b雖然都仲係有d亂黎~~~不過真係好左少少啦~~~今日既circle time~~~第一次遠距離睇住阿b~~~有少少感動~~~唔知點解~~~見到阿b好開心咁跟住老師拍手~~~好開心咁笑~~~mama覺得好感動~~~好開心~~~真係有少少想喊~~~當然忍住啦~~~too low b~~~原來遠一點看阿b~~~阿b係咁charming架~~~

上完堂~~~我地就即刻返屋企啦~~~阿b要差差電~~~準備夜晚招呼朋友呀~~~haha~~~今日既表現麻麻地~~~可能因為晏晝只係豬左一粒鐘多dd~~~基本上~~~由人客踏入屋既一刻~~~阿b都冇咩精神~~~不過~~~都總算勉強捱完個dinner~~~一返到屋企~~~洗完白白~~~九秒九~~~奶奶都飲唔到一半就豬豬左啦~~~~~~

今日既喵友朋友~~~係佢地既眼中~~~應該所有豬豬都係咁靚靚既~~~影出黎都靚d既~~~thanks~~~

冬豬~



囡囡~


moremore~


pinkpink~


阿b~

休息日

今日冇安排任何節目~~~連返公公婆婆屋企食飯都取消了~~~阿b係屋企好好休息~~~食下玩下豬下~~~dada放工返黎~~~諗住去supermarket買d野~~~好耐未去過踩單車~~~咁就拎埋單車落街~~~印象中~~~對上一次踩係11月既事啦~~~事隔兩個月~~~阿b原來真係大個左架~~~阿b一坐上車~~~已經唔再覺得佢係細細粒啦~~~阿b既腳仔已經可以完全踏係地上面~~~阿b要快d學識自己踩先得啦~~~而家天氣暖返咁多~~~又要多d落街玩下啦~~~
踩左一陣~~~我地就去supermarket~~~點知~~~行經戲院~~~dada話冇野做~~~不如帶阿b去睇狗狗~~~當時1750~~~1800就開場~~~又有位~~~問下阿b睇唔睇~~~阿b又點點頭~~~咁就入左戲院睇"3D超級零零狗"啦~~~

阿b初初都好有心機睇~~~不過睇到尾聲就扭眼訓~~~結果臨完場5分鐘豬豬左~~~其實~~~呢套戲都幾好睇~~~唔知係咪因為聽到張學友把聲~~~真係覺得好睇好多~~~

阿b豬豬左5分鐘~~~離場就醒左~~~之後就去supermarket買定聽日既零食同飲品啦~~~聽日又有好多姐姐姨姨叔叔伯伯黎同阿b玩啦~~~好開心呀~~~~~~yeah~~~~~~

百厭b返來啦

阿b食左藥好返好多~~~明顯咳少左~~~條氣順左~~~就係因為咁~~~今日百厭左~~~一早九點就俾mama叫醒食藥水~~~十萬個唔願意~~~mama就有二十萬個後悔~~~一心諗住食完藥又可以再豬多陣~~~點知~~~阿b醒左就係醒左~~~唉~~~
今日食藥既情況仲差左~~~阿b掙扎唔到~~~不過~~~學識含住之後~~~噴返出黎~~~激屎~~~仲有三日藥要食~~~mama想代佢食呀~~~
中午過後~~~再玩一陣~~~就軟硬兼施要阿b覺覺豬~~~因為夜晚就約左弢弢一齊去拜年~~~要抖足精神先可以去玩喵喵~~~玩狗狗~~~好順利~~~豬左大約三粒鐘~~~dada放工返黎洗個白白就出發啦~~~
又有得玩~~~梗係十萬個happy啦~~~
今日阿b玩到冇野好玩~~~趁mama入左廚房~~~就走左入檯底~~~究竟搞咩~~~


原來搵pinkpink談心~~~haha~~~錫錫pinkpink喎~~~



今日真係玩得好開心呢~~~又有喵喵玩~~~

又有狗狗玩~~~

阿b打敗仗

今朝帶阿b去睇多一次醫生~~~醫生話阿b仲未好返~~~即係打敗仗~~~建議用抗生素比較好~~~咁唯有聽命啦~~~睇完醫生~~~食左藥~~~明顯係好左dd既~~~今日既活動就係覺覺豬啦~~~豬左一個下晝~~~起身又玩玩玩~~~阿b唔咳幾聲~~~流下鼻涕~~~真係唔知佢病緊~~~邊有人病得咁精神架~~~mama個樣仲似病呀~~~不過明顯胃口差d~~~唔多肯食飯~~~食左一碗白粥~~~連最愛既包包都唔食~~~
今晚~~~阿b有大製作~~~大到滿瀉~~~mama唔知道~~~阿b仲要mama抱抱~~~唉~~~搞到mama件新睡衣一衫都係~~~阿b就去白白豬~~~因為mama要換衫~~~今晚就由dada同阿b白白豬~~~mama見咁得閒~~~一定唔放過呢個機會~~~影下出浴照~~~
阿b呢期真係瘦到冇得再瘦啦~~~再唔食多d~~~得返一棚骨啦~~~~~~




今晚成晚都係屋企~~~阿b玩到周圍都係玩具~~~冬豬又玩埋一份~~~


囡囡就懶理~~~一於霸個好位覺覺豬~~~

年初七~人日

今日係生日既大日子~~~本來約左瑤瑤同廸廸一齊慶祝下~~~不過阿b仲係發緊燒~~~三角的約會要取消~~~下星期再約過啦~~~
今朝阿b豬到十一點半~~~起身之後都有微燒~~~食左藥又退左~~~下晝~~~賢姐姐黎左拜年~~~食完lunch~~~同賢姐姐玩一陣就去再豬過~~~一路都冇再燒架啦~~~諗住豬一個下午~~~夜晚就可以出動去玩啦~~~點知一起身~~~又係成身熱辣辣~~~又再發燒~~~都係留係屋企好d~~~休息一下~~~等好返先再玩過啦~~~可能新年真係太勞碌啦~~~
雖然冇出街~~~阿b一樣玩得好開心~~~精神都ok~~~不過唔知係咪發燒影響~~~唔肯食飯~~~再煮通粉都唔食~~~只係肯食奶奶~~~
食完藥~~~又再早d豬豬~~~希望聽日可以好返d啦~~~~~~
兩團面珠肉紅卜卜~~~真係陰公豬~~~

年初六~阿b病病啦

阿b今朝五點幾都仲有發燒~~~用多一次退燒之後就冇燒~~~到九點幾起身之後~~~又有d燒喎~~~又有少少咳~~~咁都係睇下醫生啦~~~食左藥~~~快d好嘛~~~
腸完醫生~~~食左藥~~~好攰咁豬豬左~~~dada放工返黎先起身~~~玩一陣~~~換好衫~~~等今晚去公公婆婆屋企食飯啦~~~出發前~~~有靚姐姐上黎拜年~~~玩一陣~~~呢個靚靚姐姐三歲~~~好似六歲咁~~~而家d小朋友真係好勁呀~~~
玩完一輪~~~我地就要出發啦~~~今晚公公婆婆屋企大宴親朋~~~好多人呀~~~阿b負責娛賓呀~~~今晚阿b好乖~~~又唔扭計~~~好靜心咁等我地食飽飽再同佢玩玩玩~~~
食飽又玩夠就返屋企~~~食藥~~~早d覺覺豬~~~聽日又有三角的約會呀~~~

呢套新年衫係阿b上年著過~~~keep得好好~~~只係短左少少~~~著得唔好waste~~~haha~~~


柏謙: 冬豬~我食左藥~~~好眼訓呀~~~錫錫我~~~得唔得呀~~~

冬豬: 好啦好啦~~~錫返你啦~~~

柏謙: 冬豬錫返~~~開心晒~~~

呢個就係三歲姐姐啦~~~k1既小朋友係咁大隻架咩~~~

年初五~好攰啦

一連四日既活動~~~好攰啦~~~dada今日要返工~~~mama同阿b就係屋企休息一下~~~休息左一個上晝~~~哎吔吔契媽又黎左拜年~~~仲一齊去tea一tea~~~等埋dada放工~~~我地就返公公婆婆屋企食飯啦~~~阿b頂唔順~~~實在太攰~~~一返到去就豬豬左啦~~~可能真係太操勞~~~阿b一起身就好熱~~~有d發燒呀~~~我地食飽飽就即刻返屋企洗白白再休息一下~~~希望阿b聽日冇事啦~~~~~~
柏謙: 我~我~我~暈啦~~~


好似真係好唔舒服咁呀~~~其實係扮野~~~笑既~~~

話就話發燒~~~仲係咁貪玩~~~

年初四~長征拜年

今日天氣和暖~~~宜郊遊~~~一家七口豬到十一點~~~sa媽咪準備阿b既lunch同dinner~~~mo嗲地負責吸塵抹地~~~ready就gogogo~~~兩點鐘出發~~~向新界北出發~~~山長水遠~~~一到埗~~~我地整返碗出名既勝利牛丸先~~~dada就話冇咩特別~~~之後~~~諗住搵間甜品啦~~~點知搵唔到~~~人生路不熟~~~都係早早跳上的士~~~向目標進發啦~~~

今日既目標係六隻小肥豬~~~阿b未入屋先興奮~~~因為一入村就見到狗狗啦~~~又係好開心啦~~~到達目的地~~~阿b今日唔駛warm up~~~好似當返左自己屋企一樣呀~~~周圍玩~~~周圍走~~~愈玩就愈開心~~~差唔多每隻豬豬逃唔出阿b既魔掌呀~~~阿b真係玩到唔願走呀~~~

玩左足足三粒幾鐘~~~阿b食飽飽~~~就到我地去飯堂開餐~~~男人傾傾傾~~~女人斟斟斟~~~阿b玩玩玩~~~咁就一個愉快既年初四啦~~~

阿b都算慢熱~~~但今日完全唔駛warm up~~~自己周圍捐~~~


又同小魔b玩~~~阿b好認真咁同鬆糕傾緊密計~~~

有講有笑~~~

仲錫錫左鬆糕一啖~~~

不過~~~阿b始終都係比較鍾意鬆糕既玩具~~~haha~~~

ruby同鬆糕都超得意~~~阿b被佢地兩個制服左~~~

呢個係mama至愛既細細~~~真喵同上鏡都一樣咁正呀~~~

阿b仲推住細細遊花園呀~~~

搞完細細就搞妹妹~~~

搞完妹妹~~~連屎都要玩~~~大包米都頂佢唔順~~~

玩得開心~~~連褲都除埋~~~

大包米用左三粒鐘既時間黎warm up~~~最後都自行行出大廳投降~~~

淡淡定有$$$剩既阿咪~~~豬飽最實際~~~

玩夠就有得食~~~呢d咪叫"享受"囉~~~

阿b: mama~~~反得好開心~~~幾時可以再黎過~~~haha~~~