冬豬覆診了

禽日一早就同冬豬去覆診~~~第一次睇完alison之後~~~聽到要做手術就唔知點算~~~之後上網check過~~~甲狀腺過高出現係十歲以上既喵豬黎講~~~原來係好普遍~~~不過~~~處理得唔好~~~都會出現好大問題~~~其實冶療方法都係得兩三種~~~長期食藥同做手術~~~兩者都唔想~~~而藥物係咪冬豬能夠適應又係一個問題~~~十八歲要全身麻醉做手術就仲令人擔心~~~

最後~~~決定試下食左藥既反應先~~~食左幾日藥~~~點知收到個好突然既消息~~~alison又突然之間冇做啦~~~返屋企湊女~~~唔係呀~~~咁點好呀~~~診所再打電話黎傾下應該點做~~~其實要搵一個自己信賴既獸醫真係好難~~~喵豬又唔識講~~~覺得好定唔好~~~又要憑自己去估獸醫講得岩定唔岩~~~為呢件事煩左好幾日~~~最終~~~診所再打黎話個case俾左dr. david跟進~~~上次就係佢幫囡囡照u/s~~~大家都傾左幾句~~~感覺亦良好~~~ 既然要再左搵右搵~~~不如都聽下佢有咩意見啦~~~

禽日朝去到~~~dr.david幫冬豬檢查一下~~~抽血驗下紅白血球~驗下甲狀腺~~~又睇下肝腎功能有冇被藥物影響~~~一路睇都覺得感覺好好~~~

因為之前見到有喵喵都係甲狀腺~~~食藥之後影響腎功能而出配腎同心臟衰竭~~~所以都有考慮做手術係咪長遠解決辦法~~~ david解釋左一次~~~佢話處理呢個病係長期食藥或者做手術~~~而藥物對喵豬既反應~~~驗血係可以睇到~~~如果今次驗血報告好好~~~即係藥物對冬豬係有幫助~~~可以長期服食黎控制~~~而藥物係唔會影響到腎功能~~~而係可能藥物唔能夠好好咁控制甲狀腺~~~令甲狀腺過高就會影響腎功能~~~所以每隔一段時間就要驗一次血~~~睇住身體有冇變化~~~有變化就要嘗試其他藥物~~~

至於手術~~~反而佢又唔太贊成~~~佢認為做左手術~~~如果係好既就理想~~~如果佢既反應唔好~~~因為切除左甲狀腺又有可能影響其他器官~~~到時冇可能放返入去~~~所以手術未係一個最好既治療方法~~~

聽完佢咁講~~~其實都放左一個心~~~因為一來都好擔心冬豬真係要做手術~~~佢咁大年紀~~~二來如果藥物ok~~~冬豬又唔抗拒~~食藥都冇問題呀~~~冬豬好似食糖咁架咋~~~

不過又有d猶豫~~~因為david同alison講既野都有少少出入~~~要等等睇埋個report先算啦~~~

仲有仲有~~~好好好多~晒各位喵友既寶貴意見呀~~~many many thanks~~~

柏柏電視迷

柏柏好愛睇電視~~~仲要好識嘆~~~

三子相會

今日一早天氣惡劣~~~多雲有雨~~~不過~~~天公總算造美~~~雨停下~~~太陽伯伯都打過一下招呼~~~三小子就可以繼續行程~~~向清水灣出發~~~ 今日約埋弢弢同oscar一齊去玩~~~柏柏玩得好開心呀~~~今日既水真係好凍~~~不過仍然好多人~~~仍然好好玩~~~ 柏柏同弢弢玩得幾開心~~~ 今日d水好凍呀~~~冰冰冰~~~上水要保保暖先得~~~ dada又要玩堆沙~~~第一個受害者係oscar~~~ 之後就係弢弢啦~~~ 最後連自己個仔都唔放過~~~好變態呀~~~ 柏柏復仇記~~~搞到dada成頭沙~~~ 柏柏今日勁開心~~~又有雞脾食~~~又有維他奶飲~~~

父親節

今年既父親節~~~熱熱熱~~~超熱~~~dada要返工~~~mama同柏柏出左去搵公公婆婆食個lunch~~~食完之後~~~實在太熱~~~除左返屋企就別無他選~~~返屋企豬一陣~~~dada放工就一齊去買野~~~都係發現屋企最舒服~~~一於返屋企同公公婆婆一齊dinner~食糕糕啦~~~

二十一個月啦

柏柏今日二十一個月啦~~~唔經唔覺~~~仲有三個月就兩歲啦~~~好快呀~~~今個月既柏柏大個仔左啦~~~扭計又好似多左呀~~~好奀皮~~~後半個月時間~~~公公婆婆屋企裝修~~~搬左過黎一齊住~~~柏柏更加有後台撐腰~~~對dada同mama講既說話好似聽唔到一樣呀~~~激屎mama呀~~~ 另外就係今個月~~~囡囡家姐同冬豬都病病~~~mama好多時候都要帶佢地睇醫生~~~有時柏柏都有去~~~咁等得太耐既時間都會忟憎~~~但係已經比mama想像中乖啦~~~繼續俾多d耐性就good good啦~~~

柏柏而家真係太愛睇電視~~~呢個真係一個麻麻既習慣~~~雖然好多育兒教育都唔贊成小朋友睇太多電視~~~但係mama既童年都好鍾意睇電視架~~~如果而家唔俾柏柏睇~~~返學既時候~~~又要溫習~又要做功課~~~就冇咁多時間睇電視架啦~~~hehe~~~

而柏柏而家最愛既戶外活動就應該係游水啦~~~真係好鍾意~~~超鍾意~~~成日飲水都好鍾意~~~dada同mama見到柏柏游水都好開心架~~~今日二十一個月又係咁岩dada放假~~~咁岩又plan左去游水~~~慶祝一下~~~

今日玩得超開心呀~~~因為約埋朋友仔一齊去~~~有個姐姐看管財物~~~連mama都可以落水一齊玩~~~勁happy呀~~~好期待下一次呀~~~
踏入二十二個月~~~好想柏柏自己食多d~~~肥返dd~~~而家太瘦啦~~~雖然都食得ok~~~如果可以再食多d就好啦~~~~~~




mama見到怪獸好既異常反應~~~叫dada試一試柏柏係咪都係咁正常~~~haha~~~柏柏九秒九話"唔好"~~~仲自己爬返出黎~~~



mama唯有叫柏柏坐係度~~~埋左對腳就算啦~~~



最好玩就係今日可以一齊游出海中心玩呀~~~

冬豬又要病

禽日囡囡覆診~~~情況尚可以~~~暫時都係搵唔到係咩原因令囡囡貧血~~~但係而家既情況冇再差落去~~~可以做既都係繼續觀察~~~希望過一段時間就可以回復體重~~~一切正常啦~~~

因為係屋企發現一篤比較深色既尿尿~~~最大可疑係冬豬~~~所以禽日就帶埋冬豬去睇醫生啦~~~因為冬豬就黎十八歲啦~~~年紀大~~~所以做個全身檢查~~~alison就摸到冬豬既甲狀腺比較大~~~建議抽血驗其他內臟機能之餘就驗埋甲狀腺~~~同埋抽埋尿尿驗一驗~~~其他既狀況~~~表面睇黎係好正常~~~只係眼睛既晶狀體有一層膜~~~不過都係年老既表現~~~亦不至於白內障~~~所以都唔駛擔心~~~

今日dada同mama返去睇report~~~基本上~~~血既報告中~~~除左ALKP/ALT(肝既指數)比較高~~~仲有CREA(肝肌素)又偏高少少~~~其他都可以接受~~~而肝既問題就係源於甲狀腺~~~甲狀腺驗出既結果係好高~~~正常係13-64nmol/L~~~~而家冬豬係>90nmol/L~~~甲狀腺過高係會影響喵豬體重下降~~~經常嘔吐~~~半夜怪叫~~~脾氣比較忟憎~~~而冬豬除左冇明顯體重下降~~~其他都中喎~~~初初mama以為好似人一樣~~~只係食藥就可以~~~但係alison話原來佢呢個甲狀腺問題係屬於cancer~~~需要做手術移除兩邊甲狀腺~~~如果唔做手術~~~日後就可以慢慢瘦~~~一路瘦~~~跟住就食唔到~~~亦會同時影響心臟功能~~~情況又可以好嚴重~~~

而家alison開左一種減荷爾蒙既藥俾冬豬~~~食十日藥之後要再驗血~~~之後先可以再決定做唔做手術~~~因為甲狀腺高係會隱藏左本來有既腎病~~~即係就算而家冬豬既腎可能有問題~~~不過亦會因為甲狀腺而影響驗血既報告~~~如果食左藥~~~甲狀腺會好快下降~~~到時再驗血就會知究竟冬豬既腎係咪真係咁正常~~~ 咁腎功能正常先可以做手術呢~~~

唉~~~問題對於mama黎講~~~好複雜~~~究竟應該點做~~~仲未諗到~~~好想要睇多個vet去問下意見~~~畢竟冬豬年紀太大~~~雖然alison覺得冬豬而家既狀態做手術係冇問題~~~alison亦話自己都做過好幾次呢d手術而好成功~~~但係~~~mama實在唔忍心冬豬要開刀~~~而問題係咪真係嚴重到如此地步呢~~~

mama而家既心情真係好亂~~~如果冇帶冬豬去檢查~~~根本唔會知道有呢個問題~~~會唔會仲好~~咩都唔知~~~而冬豬又精神奕奕~~~唉~~~究竟應該點做好呢~~~點做先可以令冬豬又過關呢~~~~~~

如珠如寶

其實ｍａｍａ一直都好擔心孖ｂ出世之後會搶左阿ｂ既野～～～但係而家又唔覺得係咁啦～～～因為柏柏係我地心目中又真係好重要～～～而家我地都當佢如珠如寶架～～～
記得當初有左柏柏既時侯～～～好緊張～～～可能始終第一個～～～成日都上網睇資料～～～搵下買咩俾柏柏～～～用咩奶樽～～～用咩ｂｂ車～～～用咩床～～～用咩揹帶～～～
又成日望住個月曆～～～究竟幾多週～～～柏柏係肚入面變左點～～～有幾長～～～有幾重～～～總之樣樣都好緊張～～～又好緊張每次去睇醫生既時侯可以見到佢～～～每次都好開心～～～

今日～～～呢一刻～～～ｍａｍａ完全講唔出孖ｂ係幾多週～～～大約～～～十九週左右啦～～～除左覺得好辛苦既時候～～～腰骨好痛～～～其餘時間～～～完全唔覺得自己陀住一對ｂｂｓ～～～好似好少同佢地兩個交流～～～呢幾日～～～佢地彈彈彈多左～～～但係ｍａｍａ冇好似以前咁開心即刻同ｄａｄａ講邊日開始ｆｅｅｌ到啦～～～連ｍａｍａ自己都唔記得邊日開始～～～ｈａｈａ～～～

前兩日～～～ｍａｍａ返左贊育覆診～～～原來係照結構喎～～～呵呵～～～完全唔知道～～～醫生話有排照～～～結果～～～照左一粒鐘～～～仲要唔駛＄＄＄～～～今次終於都有一種比較實在既感覺～～～一來照得太耐～～～二來～～～呢個政府醫生超水準～～～一路照一路講～～～係有講有笑～～～令ｍａｍａ感覺十分舒服～～～簡直從未試過如此享受政府服務～～～醫生再ｃｏｎｆｉｒｍ一次～～～大孖係男仔～～～細孖係女仔～～～大孖有２８５ｇ～～～細孖有２９２ｇ～～～大家都係９ｏｚ～～～ｓｉｚｅ都好正常～～～五官～手腳～心肝脾肺腎都好好～～～就係因為咁正常～～～ｍａｍａ唔駛擔心佢地兩個住～～～可以盡情同柏柏周圍玩多ｄ～～～珍惜呢段日子啦～～～

囡囡近況

囡囡呢幾日好左好多啦~~~精神不錯~~~周不時行黎行去~~~又周不時轉下位置覺覺豬~~~食野又食多左~~~而家轉左食recovery濕糧~~~胃口好好~~~一日可以食到一罐~~~好good呀~~~食藥都好乖啦~~~屎屎尿尿都好正常~~~星期一再覆診~~~驗多一次血~~~如果再升高d~~~咁就好啦~~~好快就可以完全康復啦~~~
而家囡囡都仲係咁嗲~~~可能mama知錯啦~~~陪多左囡囡一齊覺覺豬~~~message又多左~~~佢心情好左~~~開心左~~~以前mama成日都話囡囡太肥~~~而家唔緊要啦~~~食多d~食多d~~~肥多d啦~~~肥嘟嘟圓碌碌先靚女呀~~~mama要摸摸囡囡既豬腩肉呀~~~

囡囡好左好多啦

今日同囡囡覆診～～～過去幾日～～～囡囡食多左少少啦～～～精神又好左～～～唔係再成日豬豬～～～間中都有出黎行下～～～又食左補血丸～～～感覺係好左～～～今日返去覆診～～～抽血驗左～～～問題不大～～～ＰＶＣ升返上２３％～～～比起上星期日只得１４％～～～好左好多啦～～～ｄｒ。ａｌｉｓｏｎ都覺得好滿意～～～不過～～～因為咩原因而令之前有咁差既情況～～～都未有明確原因～～～最大可能都或者會係囡囡本身既免疫系統出左問題～～～因而令佢貧血～～～
而家囡囡繼續食多幾日補血丸～～～過多一星期～～～再覆診抽血驗下～～～如果數字再上升～～～理想既就可以停藥～～～
結論亦只係虛驚一場～～～ｈａｈａ～～～囡囡真係識得蝦ｍａｍａ～～～咁就可以嗲嗲ｄａｄａ同ｍａｍａ多ｄ～～～ｄａｄａ同ｍａｍａ又多ｄ時間陪佢啦～～～真係古惑囡囡～～～
身體健康最重要～～～以後要乖乖啦～～～

ｍｏｒｅｍｏｒｅ七歲啦

今日ｍｏｒｅｍｏｒｅ七歲生日啦～～～又大一歲啦～～～ｍｏｒｅｍｏｒｅ而家好乖～～～雖然仲係成日係地下尿尿～～～不過都唔係周圍屙～～～屙係指定地方～～～都算係咁啦～～～又唔會同冬豬同ｐｉｎｋｐｉｎｋ爭野食～～～每次食罐罐都好禮讓～～～
ｍａｍａ希望ｍｏｒｅｍｏｒｅ身體健康～～～日日都可以嗲嗲嗲～～～想食就有得食～～～肥肥白白～～～一日靚過一日～～～～～～
生日快樂～～～

阿b游水

今日dada放假~~~天氣又good good~~~不過有d涼~~~因為moremore牛一~~~囡囡又要覆診~~~所以唔去沙灘咁遠啦~~~我地去左泳池游水~~~今年第一次~~~阿b應該仲有記憶~~~一去到就好興奮啦~~~玩得好開心~~~阿b真係好浮誇架~~~係咁"嘩嘩嘩"~~~初初用左手袖~~~浮浮下~~~因為今年高左~~~其實可以自己行都唔係好跌~~~之後就除左對手袖~~~自己行黎行去~~~仲開心~~~不過上年潛入水都好開心~~~今年可能真係大個仔左~~~知道水係"yip"眼~~~好唔鍾意~~~係咁話唔好~~~超搞笑~~~ 今年去游水真係輕鬆好多~~~阿b識行識走~~~游完之後同mama洗白白~~~好乖~~~唔駛咁辛苦啦~~~ mama同dada講~~~會多d多d帶阿b去游水~~~如果唔係下年要返學就好少機會可以平日包池游水啦~~~~~~

弢弢生日會

今日係弢弢一歲生日啦~~~時間過得真係超快~~~話咁快又一年~~~弢弢又就黎識行~~~可以同柏柏一齊行街街~~~追追逐逐啦~~~祝弢弢生日快樂~身體健康~快高長大~~~
今日兩點幾去到~~~dada同mama第一時間就係食~~~之後阿b就開始驚驚~~~有咩咁驚呢~~~

就係小丑哥哥既驚嚇造型~~~但係過左一陣~~~阿b已經唔驚啦~~~仲自己愈行愈前~~~睇得好開心tim~~~

同主腳影返張相先~~~係咪好friend先~~~

又拎左個大大balloon周圍fing~~~

過去一星期~~~mama都好少幫阿b影相~~~阿b面仔好似冇咁花啦~~~冇咩新傷痕~~~haha~~~

囡囡返左屋企啦

囡囡返左屋企啦~~~

0539接到dr.dave既assistance打電話黎~~~照左u/s啦~~~mama好緊張~~~dave話佢冇咩野喎~~~oh really~~~真係冇咩野~~~即係最壊打算既腫瘤唔係啦~~~冇~~~真係冇~~~只係脾臟大左少少~~~但係因為囡囡而家貧血~~~身體自動製造多d血~~~因而令脾臟大左~~~呢個情況係正常~~~咁內出血呢~~~有冇地方內出血呀~~~dave話u/s見到既有限~~~如果連u/s都見到~~~就真係好嚴重~~~而佢又見唔到~~~不過~~~唔排除有少少滲透緊~~~呢個要等囡囡既臭臭報告出左先知~~~而禽晚做既blood test~~~紅血球又升返少少~~~有18%啦~~~good good~~~

好好好~~~情況好好~~~咁即係可以即刻接囡囡返屋企~~~assist話今日下午alison應該會再睇~~~可能又要再帶佢返去~~~哎呀~~~唔緊要啦~~~mama好掛住囡囡呀~~~都係即刻接啦~~~而且囡囡成日冇食野~~~好肚餓架啦~~~

0602~~~見到囡囡啦~~~佢好似唔係好驚~~~好想走出黎~~~掛屎人啦~~~dave話佢照u/s既時候都好乖~~~唔駛落鎮定劑~~~好叻女呀~~~

返屋企啦~返屋企啦~~~0635就返到屋企啦~~~一出袋~~~oh my god~~~兩邊肚剃晒毛~~~no good呀~~~不過仲係好靚女~~~囡囡好肚餓啦~~~食完藥就食i/d啦~~~good good~~~
返到屋企再望下~~~又覺得囡囡d牙肉再紅dd喎~~~應該冇事架啦~~~可能真係有d貧血~~~mama大驚小怪~~~加油~~~快d好返呀~~~~~~

mama呢一刻真係好開心呀~~~

囡囡~快d好返啦~

夜晚九點半~~~耍帶囡囡返去覆診~~~要照u/s~~~囡囡成日都冇食過野啦~~~應該好肚餓~~~到達診所都係睇alison先~~~佢話囡囡好似冇之前咁白~~~有少少粉紅~~~都係抽血驗左先~~~之後就要擺低囡囡~~~排隊等dr.dave照u/s啦~~~
真係好唔想擺低囡囡自己一個~~~佢會好驚~~~不過冇得選擇~~~唯有等~~~佢地答應幾多點都好~~~照完會即刻call我~~~我就可以即刻去接架啦~~~等等等~~~一點半再打電話問下~~~仲未開始照~~~
今晚仲要行雷又閃電又大雨~~~狗狗又吠吠吠~~~嚇屎囡囡啦~~~希望佢地快手d啦~~~快d照完~~~囡囡冇事~~~快d返屋企啦~~~擔心屎mama啦~~~
囡囡~~~你真係唔駛驚呀~~~mama唔係你身邊~~~不過都遙控呵緊你架~~~你要努力~~~乖d~~~合作d~~~照完就可以返屋企架啦~~~

囡囡又病了

可憐既囡囡又病左呀~~~係mama既錯啦~~~唉~~~自問真係冇足夠知識去處理佢地既大小病徵~~~感覺到囡囡病左一段時間~~~但係又講唔出究竟咩事~~~只係覺得囡囡日漸消瘦~~~
囡囡終於要俾d啟示mama~~~禽晚突然之間打左幾個乞痴~~~而乞痴出黎既唔係鼻水~~~而係鮮血~~~一向唔係太冷靜既mama已經不知所措~~~
今日帶囡囡睇醫生~~~發現有好嚴重既貧血~~~另外好幾項既血指標都唔合格~~~醫生講左好幾個可能性~~~每個可能性都好令mama好驚~~~mama呢一刻真係唔知應該點好~~~亦唔想去估計結果~~~只係希望快d有答案~~~究竟發生咩事~~~只係希望所有都係虛驚一場~~~
囡囡~~~兩年前~~~你已經貪玩左一次~~~今次你都要一樣~~~玩一陣就好啦~~~要快d好返~~~
另外~~~今日真係好感激wan姨姨陪mama同阿b一齊等足七粒鐘~~~今日真係好攰~~~阿b今日都算好乖啦~~~臨近尾聲先扭眼訓~~~姨姨湊阿b真係有一手~~~搞到阿b今日勁開心~~~真係多~晒~~~

阿b哥哥

今日一個晨早~~~mama去左覆診~~~真係好早~~~自從有左細bs之後~~~都會偶然失眠~~~禽晚~~~輾轉反側~~~都只係豬豬左兩三粒鐘~~~今日真係好攰~~~我地覆完診~~~就去shopping一下~~~因為十二點就約左auntie tammy同uncle ben去食lunch buffet~~~今日去試下都會海逸既buffet~~~相信只此一次~~~唔會再去啦~~~haha~~~其實阿b十一點幾都開始好眼訓~~~因為阿b今朝都太早起~~~但係一到酒店就醒晒~~~又食又玩~~~一路食到兩點半~~~一上車已經豬豬左啦~~~

我地諗住返屋企豬一陣就要去返last一堂既playgroup~~~大家都懶懶行~~~dada又話個playgroup既miss唔多掂~~~好支持今日唔返~~~唉~~~早知唔返就去沙灘玩啦~~~今日咁好天~~~不過~~~mama都有心冇力~~~算啦~~~最後一堂~~~應該都係冇咩特別~~~最後~~~mama冇力郁~~~阿b返到屋企又一條好b~~~繼續癲玩~~~多得dada啦~~~

我地又諗住今晚返去同公公食dinner~~~點知連公公都飽飽~~~唔駛食飯~~~結果~~~hea足半日~~~唔知做過咩~~~就當係休息一天~~~
下次一定唔可以咁早去覆診~~~真係好辛苦~~~只剩半條命~~~

柏柏食飽飽就叫"姨姨"~~~要去睇魚魚~~~點知原來個池冇魚魚~~~但係柏柏有無窮既想像力~~~柏柏話好多龜龜龜~~~龜龜仲係度覺覺豬~~~真係俾佢笑屎~~~





今日覆診~~~原來係十六週~~~bbs都好正常~~~size都好岩~~~haha~~~覆完診仲去買左套靚靚衫俾bbs呀~~~男仔定女仔~~~hehe~~~

阿b的好朋友

阿b而家有好多好朋友架~~~弢弢係其中一個~~~阿b好鍾意佢架~~~成日都叫住"弢弢"~~~呢排vicky姨姨上黎多左~~~阿b又成日叫住"姨姨"~~~好friend咁呢~~~阿b而家連小桂叔叔都唔係好驚啦~~~真係good good啦~~~

今日發覺佢地兩個bb又多左交流~~~柏柏其實都好愛護小朋友~~~都唔會同弢弢爭玩具~~~仲會將餅餅俾左弢弢食先~~~好叻仔呀~~~

mama感覺到阿b原來都幾有做哥哥既天份~~~突然之間覺得好安慰~~~好放心~~~覺得之前擔心既都係多餘左~~~希望阿b一日一日咁成長~~~會愈黎愈叻~~~將來做一個好榜樣~~~咁就perfect啦~~~~~~

今日本來又係一齊落街食飯~~~點知竟然叫左外賣返黎屋企食~~~發覺左~~~原來有兩個小朋友~~~係屋企食~~~好似仲舒服d~~~佢地有佢地玩~~~我地有我地食~~~唔駛好似我地次次係街食咁~~~唔係佢嘈就又佢扭~~~~~~haha~~~~~~

阿b同弢弢~~~

阿b表演跳舞俾弢弢睇~~~不過弢弢冇眼睇~~~都唔知佢跳咩~~~haha~~~

mama傻左

唉~~~大肚婆真係會冇記性~~~藉口~~~mama真係週期亂左呀~~~haha~~~上個月一路就開始記住5/21係囡囡既生日~~~就係呢排記性差~~~日日都提自己一次~~~今日仲叫dada去買旦糕~~~今晚~~~大家好開心咁一齊慶祝~~~今日全日係咁同囡囡講生日快樂~~~又係咁叫阿b同家姐講"樂樂"~~~囡囡一定覺得mama痴左~~~
因為到呢一刻~~~~~~先發現~~~囡囡唔係今日生日~~~唔係差一兩日~~~而係相差左兩個月~~~頂~~~搞咩呀~~~
不過唔緊要~~~mama會重新裝過個腦~~~今日就當提早慶祝一次先啦~~~囡囡都應該一樣咁開心既~~~mama希望囡囡身體健康就最緊要~~~~~~
haha~~~未知擺烏龍~~~大家都開心架~~~

囡囡: mama係咪傻左~~~冇拿拿食cake~~~係咪dada自己想食咋~~~

阿b真識嘆

夏日炎炎~~~最舒服就莫過於一邊食雪糕~一邊睇電視~~~ 柏柏幾咁享受~~~

二十個月啦

柏柏今日二十個月大啦~~~好快呀~~~呢個月既時間就好似過得慢d~~~可能而家dada返工既時間~~~我地多數都係屋企~~~少左街街~~~時間冇過得咁快~~~不過依然好開心~~~每一日都幾enjoy~~~mama真係要好好享受同柏柏獨處既日子~~~

柏柏呢個月都冇咩特別學識d咩~~~應該係話mama真係好冇記性~~~唔會記得柏柏有咩係新學既~~~不過~~~又比上一個月講多左~~~多左好多~~~咩都講~~~總之我地講咩~~~柏柏都盡量跟住講~~~有時歪歪地音~~~好好笑~~~

呢個月又覺得~~~柏柏多左鍾意同小朋友玩~~~一出街見到bb~哥哥~姐姐~~~就會叫佢地~~~又會"hello"~~~如果心情靚~~~一落街就會周圍揮手say hello~~~又byebye~~~確實係好得意~~~加埋招牌笑容~~~真係殺屎人~~~相反~~~遇到唔鍾意就會大叫~~~呢樣野真係要好好矯正柏柏~~~希望唔好再係咁~~~其實都係幾呢一兩個月係咁~~~忟憎就大叫~~~好似示威咁~~~真係激屎人~~~

今日咁岩dada放假~~~天文台又話未來幾日都雷暴~~~咁想戶外活動既話~~~就要及時啦~~~所以今日又再去沙灘玩下啦~~~我地一齊豬豬到兩點半出發~~~tea一tea~~~四點鐘到達清水灣~~~阿b一去到好興奮咁同個海say hello~~~不過腳仔掂到沙就縮一縮~~~換好衫就唔怕dirty~~~又玩沙~~~今日仲好屎大膽~~~dada抱佢出水玩下~~~係咁要"地地"要自己游下游下~~~不過今日又冇帶手袖~~~唯有係淺水俾佢玩下~~~下次mama要記得帶啦~~~今日又係玩得好開心~~~

之後返屋企洗完白白就去公公婆婆屋企食飯啦~~~柏柏仲食雪糕做甜品~~~食到成隻污嘴狗咁呀~~~今日穴23玩得太癲~~~太開心啦~~~

一去到沙灘就玩下沙先~~~


之後就跟dada去淺水區玩下~~~


dada去左游水~~~又同mama玩下沙~~~係咁講"不不不"~~~

之後我地叫柏柏擺個pose黎影下相~~~柏柏就好搞笑咁唔知將對手放邊好~~~結果~~~古古怪怪~~~






愈玩愈開心~~~又要跟dada出去玩水~~~愈行愈深~~~dada要抱都唔俾呀~~~要扭落水自己玩~~~知唔知危險架~~~之後仲要學潑水去mama度~~~


自食其果~~~haha~~~

連係水都係玩"free"~~~服左佢兩個~~~



柏柏玩水玩到飲晒水~~~mama就覺得好咸~~~柏柏好似好鍾意飲咁~~~激屎~~~