柏柏返學~9th & 10th day

柏柏呢兩日返學都冇扭計~~~又好開心~~~又肯自己食飯~飲湯~食生果~~~實在令mama好放心啦~~~

真係人夾人緣~~~唔知點解~~~柏柏真係好鍾意"娟姐"~~~返學要見到娟姐先入得安心~~~放左學~~~柏柏會同mama講"娟姐"~~~柏柏真係好記得呢個姨姨~~~
愈黎愈開心~~~愈黎愈適應~~~下星期開始~~~返學既時間又長dd啦~~~仲會係學校覺覺豬~~~希望柏柏識多d同學仔~~~愛上返學啦~~~

柏柏返學~8th day

今日柏柏好勁呀~~~mama又俾柏柏呃左~~~以為禽日柏柏自己行入學校好叻叻~~~諗住今日都係咁啦~~~點知去到門口~~~同柏柏講"see you"~~~唔肯喎~~~係都要拖實mama一齊入去~~~唔肯放手~~~不過柏柏又冇喊~~~只係好想mamam一齊去玩~~~而且今日miss chan同平時見到既姨姨都唔係門口~~~柏柏見唔到熟識既面孔~~~更加唔肯入去~~~搞左兩分鐘~~~見到柏柏好like既"娟姐"姨姨出現~~~柏柏竟然自己走過去~~~要姨姨抱~~~仲攬實姨姨~~~同mama"see you"~~~oh~~~原來係要咁~~~都總算順利~~~

mama如常十一點去接柏柏~~~點知姨姨出黎話柏柏食緊飯~~~要等等~~~一等就45mins啦~~~見到柏柏拖住miss chan出黎~~~嘩~~~柏柏好開心~~~終於笑晒口跑出黎啦~~~miss chan話柏柏食左半碗飯~~~又飲左半碗湯~~~又食左橙~~~又肯玩~~~又可以跟住分組活動~~~又肯同其他老師傾計~~~好大進步呀~~~

柏柏好勁呀~~~比預期中快左適應到呀~~~mama好開心~~~見到柏柏行出黎個一刻咁開心~~~mama又想喊呀~~~haha~~~原來返學真係可以令柏柏開心d架~~~柏柏返屋企途中~~~一路講野~~~mama唔知佢講咩~~~不過~~~get到好似係講頭先係學校既情況~~~講得好開心~~~真係good good good呀~~~努力~~~加油~~~

柏柏返學~7th day

放完兩日假~~~柏柏又返學啦~~~mama做足心理準備~~~諗住柏柏一定又係好驚~~~又喊住叫mama~~~一路行上樓梯~~~mama一路同柏柏講一陣"see you"好唔好~~~柏柏木無表情話唔好~~~點知~~~到達學校門口~~~mama同柏柏講"see you"~~~連書包都未拎~~~柏柏自己就行左入去~~~太突然~~~mama見到柏柏完全冇喊就跟左"娟姐"姨姨入去啦~~~oh~~~真係大個仔啦~~~好叻叻呀~~~

今日返既時間長左~~~個半小時好快過~~~柏柏見到mama都冇咩表情~~~老師話柏柏比之前好左~~~不過一講"放學啦"~~~柏柏就喊住咁去換鞋~~~究竟係唔捨得定係以為老師又帶佢去第二度~~~冇左安全感而驚呢~~~

不過~~~今日已經有進步~~~好叻啦~~~加油呀~~~

十二朝啦

今日係細b同細細b既十二朝~~~同上次柏柏差唔多~~~婆婆都係準備左薑醋同雞酒~~~唯一唔同就係柏柏個次有好多人黎睇柏柏同食薑醋~~~今次因為未有bbs睇~~~大家都唔黎食住~~~等bbs出左院先~~~所以今日都好清閒~~~咁岩今日星期六~~~柏柏又唔駛返學~~~好舒服~~~原來柏柏唔駛返學既時間~~~一齊係屋企仲舒服呀~~~

趁今日唔駛返學~~~bbs又未出院~~~又可以陪柏柏玩thomas~~~成兩星期冇玩過啦~~~柏柏今日玩得好開心呀~~~

今晚見到細b同細細b都係差唔多~~~姑娘仲問我地準備好未~~~佢地隨時都有可能出院架啦~~~oh~~~咁快~~~心理上未ready~~~仲未洗bbs衫~~~由未生講到生左都未洗~~~haha~~~明天~~~希望在明天~~~

１１ｔｈ ｄａｙ

今日ｄａｄａ同ｍａｍａ又去左醫院睇ｂｂｓ～～～細ｂ已經轉左訓床仔啦～～～唔駛再訓保溫箱～～～即係已經有２ｋｇ啦～～～而細細ｂ都只係有１。９ｋｇ左右～～～所以仲係保溫箱入面～～～應該下星期就出院啦～～～

今日ｍａｍａ負責餵細ｂ食奶奶～～～ｄａｄａ就負責餵細細ｂ～～～兩個都好叻叻呀～～～食左６０ｍｌ～～～不過～～～唔知點解姑娘話佢地平時只係要食４０ｍｌ同５０ｍｌ咋～～～食多ｄ啦～～～食多ｄ～～～大隻ｄ～～～可以快ｄ同哥哥一齊玩嘛～～～

ｄａｄａ成日都話細細ｂ好似柏柏～～～而細ｂ就係ｄａｄａ同ｍａｍａ既混合體喎～～～
細ｂ～～～仔仔～～～

細細ｂ～～～女女～～～

柏柏返學~6th day

柏柏今日係第六日返學啦~~~禽日返學之前~~~係車到不停同柏柏講~~~一陣去搵miss chan~~~再see you "dada"同"mama"~~~一聽到就好不安~~~行返學校既時候都好不安~~~一到學校門口~~~入到去同佢講"see you"就喊啦~~~到放學既時候~~~一見到dada同mama就喊啦~~~老師話已經有好轉~~~肯食提子~~~又肯玩一陣~~~不過都係要痴住老師唔放手~~~

今日係第六日~~~mama又係係車就已經講定去搵miss chan~~~玩車車~~~食提子~~~柏柏好唔想~~~有d想喊~~~又係咁講"mama一齊去"~~~到左門口~~~拖實mama隻手唔肯放~~~老師又係抱左柏柏入去~~~一抱起就喊啦~~~陰公豬豬~~~不過~~~今日放學由一個姨姨拖住出黎~~~老師話柏柏鍾意跟住呢個姨姨~~~好似冇咁驚~~~唔係好開心~~~不過都冇喊啦~~~放學見到mama都冇喊~~~不過好想快d走~~~haha~~~有進步啦~~~good good啦~~~繼續努力~~~不過~~~老師都話放兩日假~~~返到去可能又要從頭黎過~~~又喊過~~~

柏柏要努力呀~~~加油呀~~~好快您就會愛上返學架啦~~~

柏柏返學~3rd day

今日係柏柏第三日返學~~~第一次自己係學校渡過一小時~~~mama同dada都超緊張~~~一入門口~~~見到miss chan~~~又見到另一個同學仔大喊啦~~~柏柏都開始緊張~~~唔知咩事~~~正當mama安慰一下柏柏~~~miss chan已經一手抱起柏柏走啦~~~柏柏望住dada同mama~~~開始喊啦~~~dada同mama都即刻走啦~~~轉面見到柏柏好似冇喊~~~好緊張~~~唔知點呢~~~

mama行出學校門口~~~眼淚已經忍唔住啦~~~好唔捨得~~~好掛住~~~真係痴痴地~~~一路好擔心~~~唔知柏柏好enjoy咁玩~~~定係會喊呢~~~一小時好快過~~~食完早餐~~~行返過去~~~一踏入門口已經見到淚人柏柏~~~miss chan話柏柏喊左成粒鐘~~~初初都係飲泣~~~一路都要拖住miss chan~~~直至見到同學仔陸續放學~~~柏柏就開始大喊啦~~~陰公豬豬囉~~~喊左成粒鐘呀~~~個樣好可憐呀~~~mama好心痛呀~~~

唔知仲要捱幾耐~~~柏柏先可以習慣呢~~~聽日又會點呢~~~

進度良好

細b同細細b都未出得院~~~dada同mama就每日都去醫院睇下~~~順便拎mama奶俾佢地飲~~~每日見到都覺得大左少少咁~~~禽晚細細b已經唔駛再用葡萄糖水~~~所以可以拎出黎俾mama抱住餵奶啦~~~第一次抱細細b~~~真係好細粒~~~mama有d感動~~~抱起細細b~~~佢眼隻碌碌望住mama~~~好得意~~~

今晚連細b都可以抱出黎餵奶啦~~~所以mama同dada可以一人抱一個~~~今晚mama餵細b~~~dada餵細細b~~~兩個都好叻叻~~~食晒成樽奶~~~冇浪費mama心機~~~good good~~~

而家既進度都好好~~~預計住多個幾星期就可以出院啦~~~到時返到屋企就有好熱鬧啦~~~每日都影相返去俾柏柏睇~~~柏柏見到弟分妹妹都好開心~~~成日拎住個相機睇~~~成日都要睇妹妹喊~~~唔知見到真人會點呢~~~希望柏柏錫弟弟同妹妹啦~~~

柏柏返學~2nd day

今日係柏柏第二日返學~~~mama出左院~~~可以一齊返啦~~~好開心呀~~~mama好緊張呀~~~好興奮~~~見到柏柏著住校服~~~好感動~~~柏柏大個仔啦~~~

感覺上~~~柏柏都好enjoy返學~~~不過始終都要我地陪住~~~唔見到都會搵返我地先再玩~~~相比起其他同學仔~~~柏柏比較上冇咁容易投入~~~都係痴身d~~~mama相信柏柏未可以咁快適應到~~~

mama諗~~~唔知係咪因為自出世之後~~~真係日日廿四小時都係mama或者dada湊~~~冇左分離既意識~~~變得依賴左~~~唔可以冇左我地係身邊~~~

mama有d擔心~~~唔知聽日返學會點呢~~~好驚見到柏柏喊~~~mama又忍唔住喊呀~~~希望柏柏快d適應到就好啦~~~

拆左線啦

由9/29開始~~~mama個肚俾醫生劏開左~~~痛~~~只有痛~~~直至出院~~~感覺好好多~~~一路等~~~到今日~~~第七日~~~姑娘上門拆線~~~mama好驚~~~唔知有幾痛~~~只要大約兩三分鐘~~~七針~~~拆完了~~~原來係可以咁舒服~~~即時覺得可以跑兩個圈~~~成個人鬆晒~~~oh~~~mama自由啦~~~

瑤瑤生日會

今日係瑤瑤生日~~~一早約定會出席~~~又係因為bbs黎得太突然~~~所以有d亂左~~~不過唔緊要~~~dada單拖帶柏柏去都冇問題~~~
柏柏有得玩~~~又有得食薯條~~~果然開心到爆~~~去完生日會~~~仲同dada去玩具反斗城玩左一陣先返屋企~~~

返到屋企~~~覺覺豬左一陣~~~我地就同公公婆婆同舅父一齊去dinner~~~又去左玩一陣~~~勁開心呀~~~

今日去完生日會~~~成晚都哼住"happy birthday"首歌呀~~~唱唔到成首~~~不過都好好聽~~~haha~~~

柏柏上學去

今日係柏柏第一日返學啦~~~幾個星期之前~~~mama已經不停幻想柏柏返學既情景~~~又覺得好不捨柏柏要返學~~~唔可以日日夜夜陪住一齊~~~曾經好擔心細b同細細b會提早出黎而唔可以同柏柏一齊經歷人生中第一日返學既大日子~~~點知~~~真係發生左~~~mama岩岩生完弟弟同妹妹~~~仲係醫院~~~mama真係唔可以同柏柏手拖手返學~~~好唔開心~~~最期待既事竟然做唔到~~~只有dada先有呢份福氣~~~mama真係好無奈~~~亦都好羨慕~~~ 因為dada之前一晚都要返工~~~放工之後就去婆婆屋企接柏柏~~~柏柏換好衫就同dada出門口上學去~~~dada話柏柏好開心~~~佢地最早返到學校~~~柏柏見到好多玩具就已經好興奮咁周圍玩~周圍跑~~~dada話柏柏好開心~~~一見到小朋友就衝過去叫"哥哥姐姐"~~~好想同其他小朋友一齊玩~~~ 但係有時都係好呷醋同霸道~~~仍然唔鍾意dada同其他小朋友玩~~~有時會爭玩具~~~但有時又會主動俾手上既玩具俾同學仔~~~mama希望柏柏返學之後~~~可以學到更多~~~明白應該做d咩~~~唔應該做d咩就好啦~~~ 真係好希望柏柏會好enjoy係呢間學校返學~~~雖然mama覺得呢間學校既返學時間真係長左d~~~但係如果呢間學校既教學理念係好既~~~對柏柏日後成長有幫助~~~咁都係值得既~~~ 今日係中秋慶祝會~~~唔駛著校服~~~只係揹書包就可以啦~~~

一早返到學校就周圍玩啦~~~

出左世啦

細b同細細b真係似足哥哥咁貪玩~~~趕住出黎過中秋呀~~~

9月29日既凌晨四點半~~~當mama仲發緊夢既時侯~~~好好好突然既"卜"~~~mama好自然成個人彈左起身大叫~~~"dada~~~生得啦"~~~諗返都覺得好好笑~~~因為太突然~~~完全冇諗過~~~咩都冇準備~~~mama第一諗到既就係張床裖~~~即刻落左地下呆左企係度~~~問dada而家咁樣係咪叫穿羊水~~~dada答mama~~~"應該係啦"~~~之後真係唔知做咩~~~好緊張~~~柏柏係隔離房都俾我地嘈醒左~~~矇矇矓矓都唔知發生咩事~~~mama走左去洗個白白~~~dada就去左執柏柏既衫褲鞋襪日用品同玩具~~~再打去叫醒婆婆準備接柏柏~~~

實在太突然~~~mama既心情真係好亂~~~十萬個唔願意~~~四點五十五分就到左醫院~~~登記完就上產前房~~~咁岩同一時間有幾個大肚媽媽入院~~~唔通好日子~~~咁多bbs爭住要出世~~~過程都熟悉~~~因為柏柏出世只係兩年前~~~大約都知道要做d咩~~~檢查完一輪~~~好快就六點幾~~~mama心情依然未平伏~~~好唔想咁快生~~~唔知點算~~~dada又係出面等~~~見唔到~~~心情又複雜~~~又好掛住柏柏~~~好想喊~~~醫生七點幾就過黎再檢查~~~肯定真係穿左羊水~~~而mama亦已經開始左少少陣痛~~~醫生又解釋左一輪~~~照多左一次u/s~~~肯定兩個bbs都係未掉頭~~~順產就應該係pat pat出先~~~有風險~~~但又覺得柏柏出世時係3.xkg~~~而家bbs都唔大過2kg~~~應該可以出到而冇問題~~~咁當然又係有風險啦~~~至於~~~順產定開刀~~~就要mama同dada自己決定~~~mama一心係想順產~~~因為怕開刀之後會好痛~~~而dada就主張開刀~~~怕我地有危險~~~當我地商量之際~~~好幾個護士同另一個醫生又走過黎望下傾下~~~打開file睇下~~~講左句~~~"xx~xx~~~即係ot啦~~~"~~~意思係兩個bbs都係patpat向下~~~即係開刀啦~~~"~~~問我地仲要商量d咩~~~mama就同佢地講返之前既醫生同我地講既~~~佢地就走去問醫生~~~轉一個頭就同我地講~~~"問左醫生啦~~~你地商量啦~~~我地只係護士~~~你地係應該聽醫生講既"~~~佢地咁講~~~令mama有d擔心~~~好幾個人初初都認為唔駛諗~~~一定係開刀~~~即係自己生既可能性真係好低~~~mama既心情跌入谷底~~~即係冇得揀~~~個一刻真係好唔開心~~~而當時又愈黎愈痛得頻密~~~又痛又失落~~~

大約九點見dada一面之後~~~就推入手術室~~~半身麻醉~~~陣痛~~~心痛~~~好想走佬~~~見到醫生護士左轉右轉~~~mama仲未接受到之際~~~醫生就同mama講~~~佢地出左世啦~~~唉~~~好想流眼淚~~~麻醉藥反應~~~不停震震震~~~震到停唔到~~~呢個就係辛苦既開始~~~

十二點左右返到病房~~~要平訓~~~唔可以用枕頭~~~初初都可以接受~~~一點幾~~~麻醉藥開始散~~~子宮開始收縮~~~好痛好痛~~~要求止痛劑~~~等又再等~~~不停痛痛痛~~~等到三點幾~~~終於有人理我~~~打左止痛針~~~大約半個鐘之後發揮藥力~~~mama覺覺豬左~~~可惜藥效只係個多小時~~~痛醒了~~~好辛苦~~~又唔可以食~~~又唔可以飲~~~連稍稍墊高頭都唔得~~~好灰~~~由開始知道要開刀~~~已經好唔願~~~六點既探病時間到~~~見到dada之後~~~mama簡直崩潰~~~喊到半屎~~~完全冇想像過會係咁~~~當年生柏柏既時候~~~個種陣痛都不如今一刻既痛~~~之後再見到公公同婆婆~~~mama都忍唔住~~~不停喊~~~八點既探病時間過去~~~mama又孤軍作戰~~~痛楚未停過~~~因為護士講左~~~mama只可以用兩支止痛針~~~第一支用左~~~mama唯有忍到十二點再要求第二次止痛~~~十二點半打左止痛針~~~一點發揮藥力~~~豬到三點幾~~~同房既bb不停喊~~~mama醒左之後~~~痛痛痛極咁眼光光望天光~~~

9月30日~~~九點幾~~~醫生終於巡房~~~檢查完~~~mama終於可以飲水~~~終於可以較高床頭~~~天旋地轉~~~但比前一日好好多~~~但痛不停~~~中午試試落床行下~~~真係好痛~~~心情仍然好差~~~一諗起柏柏就喊左出黎~~~不停等時間過~~~等到dada黎探病~~~因為可以自己行~~~就一齊去左兒科病房睇大細孖~~~因為早左出世~~~佢地都係四磅幾~~~要留係兒科病房特別護理~~~mama第一次見佢地~~~感覺好似有d陌生~~~冇左用力生出黎既感覺~~~再加上身體既痛楚~~~最後~~~睇左一陣就返病房休息食飯~~~
探病時間過去~~~dada返左工~~~mama就好好休息~~~同一病房~~~三個最嘈既病人同一日出左院~~~即刻舒服晒~~~寧靜晒~~~再加上食左兩粒止痛藥~~~終於可以一覺到天光~~~感覺真係好左好多~~~

10月1 日~~~醫生巡房~~~答應第二日可以出院~~~心情好左~~~雖然子宮依然收縮得好厲害~~~但都可忍受~~~而且可以自由活動~~~食左止痛藥又可以豬得好好~~~斷斷續續豬左一陣~~~等到探病時間又見到dada~~~又再同dada一齊去睇bbs~~~可能今日心情平伏左~~~見到bbs既時候~~~終於覺得佢地係我既二子同孻女啦~~~haha~~~細心一睇~~~仔仔個樣好似柏柏出世時既樣~~~好餅印~~~妹妹個樣都似柏柏~~~不過~~~好似有好明顯既雙眼皮啦~~~仲好似係髦毛豬黎架~~~睇完之後就返房食飽飽~~~因為bbs太細~~~唔可以抱出個保溫箱~~~mama就去pump mama奶~~~俾多d抵抗力佢地~~~等佢地快d長大d~~~呢一晚又係豬得好好~~~

10月2日~~~雖然五點幾起左身~~~行一轉又可以再豬過~~~八點起身食飽飽又去pump mama奶~~~再見埋醫生~~~肯定可以出院啦~~~心情再好d~~~自己一個人走左上去睇下bbs~~~睇左一陣~~~dada就帶左柏柏黎搵mama~~~mama係門口見到柏柏~~~好想喊出黎呀~~~玩左一陣~~~婆婆同舅父接走柏柏~~~mama同dada又要去兒科問下情況~~~今日mama既感覺唔同左~~~望住妹妹~~~mama流左一滴眼淚~~~見到妹妹同弟弟細細粒~~~又冇dada同mama既抱抱溫暖~~~好似好慘~~~但再諗諗~~~咁樣對佢地好d~~~可以長快d~~~mama心情放鬆左~~~而且醫生都話佢地既進度好好~~~只要兩個幾星期就可以出院啦~~~good~~~mama又可以係呢個時間休息多d~~~抖足精神~~~做足準備迎接佢地返屋企~~~
睇完bbs~~~dada俾埋$$$~~~我地就返屋企啦~~~返到屋企真係舒服好多~~~痛都少d~~~成個人鬆晒~~~

今次應該係mama人生中最後一次生b啦~~~順產開刀都試過啦~~~生仔生女又試過啦~~~mama既感覺係樣樣都係睇彩數~~~生得快定慢都冇得揀~~~mama自己覺得再生多一次~~~一定會揀順產~~~雖然身邊好多人都開刀而又冇痛楚~~~但係mama都仍然覺得順產既過程先可以令mama覺得有深刻既印象~~~對bb出世既感覺大好多~~~今次開刀生bbs~~~真係好黑仔~~~撞岩呢個更份既護士勁衰~~~完全唔係一個專業護士~~~只識不停呼渴病人~~~竟然可以係你面前開電視睇財經新聞~~~只係過左一日~~~另一更護士接手~~~眼見對面床既病人~~~同樣半身麻醉出黎~~~待遇已經差天共地~~~短短幾小時就可以打針~~~較高床適應~~~可以飲水~~~唉~~~呢個就係彩數問題~~~經歷左呢幾日~~~mama感覺到人生有一個好大既轉變~~~成為三子女既mama~~~究竟可唔可以做得稱職~~~真係好難想像~~~當mama諗起係病床上痛苦咁望住公公婆婆~~~同佢地講我好辛苦好痛既情景~~~真係好難想像自己已經係mama~~~仍然覺得自己係一個受保護既乖女~~~haha~~~

細b~~~弟弟~~~

細細b~~~妹妹~~~

加油

今日好想提起精神~~~整理一下應該整理既野~~~hea左好一段時間~~~好似咩都冇做過~~~mama要努力靠自己既力量~~~好好做好呢份工~~~

忍受。享受

ｍａｍａ好好好記得上一次陀住柏柏～～～臨近尾聲～～～都覺得有ｄ辛苦～～～但係感覺好不捨～～～好不捨柏柏要出黎～～～好不捨柏柏每日係ｍａｍａ肚裡面跳舞打關斗～～～每一日都好享受同柏柏連體周圍去～～～就算當時係手腫面腫腳腫都冇覺得辛苦既感覺～～～

幾星期之前～～～ｂｂｓ係ｍａｍａ個肚好似打仗咁～～～坦白講～～～真係不好受～～～每日都心情煩躁～～～令ｍａｍａ總有不安既時間～～～行動上唔係有好大問題～～～但係心理上真係好辛苦～～～每日都驚佢地太早出黎～～～每晚覺覺豬既時間都要不停起身飲水～去茅次～～～每晚都豬得好差～～～令心情更煩躁～～～

上星期同ｄａｄａ傾開～～～ｂｂｓ真係郁得太犀利～～～好辛苦～～～但係我真係好唔想佢地咁早出黎～～～ｄａｄａ叫ｍａｍａ忍受一下～～～忍受～～～估唔到今次ｍａｍａ係要忍受～～～唔同階段真係有唔同感覺～～～希望ｂｂｓ係適當時間出現～～～好好配合ｍａｍａ同ｄａｄａ同柏柏既ｓｃｈｅｄｕｌｅ～～～令ｍａｍａ呢個忍受係值得架啦～～～

同時～～～ｍａｍａ真係要好好享受同柏柏獨處既機會～～～仲有個幾星期～～～柏柏就要上學去啦～～～如果ｍａｍａ想午睡～～～旁邊就冇左個攬枕啦～～～而柏柏午睡既時侯～～～又冇得同ｍａｍａ傾下計～～～指下眼耳口鼻啦～～～

ｍａｍａ真係好不捨～～～ｍａｍａ仍然好鍾意ｓｕｒｐｒｉｓｅ～～～柏柏係屋企既時間～～～對住ｍａｍａ既時間～～～ｍａｍａ的確有時會覺得麻煩～～～覺得柏柏奀皮～～～但係～～～每次柏柏突如其來既說話～～～真係可以令ｍａｍａ笑足一日～～～甜足一星期～～～開心足一個月架～～～

呢排成日都睇返柏柏出世至今既相～ｖｉｄｅｏ～～～太可愛～～～原來ｍａｍａ個仔係咁得意～～～原來ｍａｍａ個仔已經長大左好多～～～原來ｍａｍａ真係好愛柏柏～～～還有～～～還有十日可以廿四小時與柏柏連體既生活～～～實在要好好享受～～～

覆診

今日mama同囡囡都去左覆診~~~mama好正常~~~bbs都好正常~~~bbs而家有1.8kg~~~不過細b上星期都掉左頭~~~今個week又掉轉左~~~真係oh no~~~唔好玩野呀~~~乖乖地掉返正啦~~~

至於囡囡~~~指數都good既~~~有21%~~~不過不失~~~唔跌都已經好好啦~~~最後決定食左多兩星期抗生素~~~睇睇會唔會再升多dd~~~繼續努力~~~

柏柏兩歲啦

柏柏今日兩歲啦~~~兩年既時間過得好好好快~~~回看兩年間既相~影片~~~變化原來好好好大~~~人人都話小朋友係大得好快~~~親眼見到~~~柏柏既轉變真係好大~~~無論樣貌~性格~行為~~~都覺得呢兩年不停在變~~~dada同mama都不停在摸索~~~

今個月既柏柏同上一個月既柏柏已經大不同~~~真係每月在變~~~柏柏大個仔啦~~~好快又做哥哥啦~~~mama係好擔心柏柏心理上係咪真係可以適應~~~但係~~~諗係諗唔到~~~可能柏柏既超強適應力比mama想像中要強~~~可以好叻仔咁好快接受弟弟同妹妹既出現~~~令dada同mama都可以好放心~~~

今日一早起身~~~柏柏好開心~~~唔知係咪知道自己今日生日~~~兩歲仔~~~大個啦~~~突然做左一件令mama甜在心既事~~~柏柏由床爬落地~~~行出廳搵dada之際~~~突然回頭對mama微笑~~~講左一句"mama~我愛您"~~~嘩~~~mama真係好surprise~~~趕唔到俾反應~~~太開心~~~簡直想喊出黎~~~真係完全冇諗過柏柏突然會咁做~~~mama真係好感動~~~個一刻既畫面不停係mama既腦海中浮現~~~

今日dada同mama為柏柏準備左一個小型生日會~~~可能mama真係大住肚~~~冇一歲既時候咁有沖勁~~~完全冇頭緒~~~唔知應該做咩~~~生日會可以順利舉行到已經好好啦~~~haha~~~不過~~~見到柏柏今日都玩得幾開心~~~都覺得好開心~~~

好多謝每個朋友仔既出席~~~令柏柏玩得好開心~~~又好多謝朋友仔既禮物~~~柏柏見到每份禮物都"嘩嘩"聲~~~
真係好好好多謝~~~又好多謝朋友仔俾柏柏既sms~~~mama已一一講左俾柏柏知道~~~真係多多多~晒~~~

dada同mama希望柏柏身體健健康康~~~返學順順利利~~~每日都開開心心~~~

mama而家真係好懶~~~今日有帶相機~~~不過幾乎冇掂過~~~haha~~~dada~~~uncle raymond同表姨幫手影左d相~~~又等其他姨姨同叔叔俾d相我地啦~~~thanks a lot~~~

今日兩歲啦~~~

柏柏今日玩得好開心呀~~~

多謝vicky姨姨送既車車cake~~~真係好靚~好好味~~~



集齊大家一齊望鏡頭係極度難既事~~~

至愛柏柏既公公~婆婆同舅父~~~

仲有好多朋友仔~~~









mama唯一為柏柏生日會出既一分努力~~~

長隆之旅

ｍａｍａ一直都好想帶柏柏去長隆動物園～～～睇下柏柏最愛既動物～～～不過～～～自從有左ｂ細ｂ同細細ｂ之後～～～就覺得今年成行既可能性好低～～～ａｕｎｔｉｅ　ｃｈｌｏｅ本來計劃十月先出發～～～點知突然提前～～～既然有人一齊去～～～一於ｇｏｇｏｇｏ～～～最難得係十五同十六都一齊去嘛～～～咁多小朋友～～～一定玩得特別開心～～～

出發前～～～ｍａｍａ有少少緊張～～～因為一路以黎都唔太知究竟孖ｂ幾多ｗｅｅｋｓ～～～有人問ｍａｍａ～～～驚唔驚突然生得～～～係大陸生左點算好～～～ｍａｍａ一路都未驚過～～～出發前一日～～～咁岩要檢查～～～醫生都冇講有呢個早產可能～～～ｍａｍａ都放左一個心～～～不過～～～知道原來仲有兩日就３２ｗｅｅｋｓ～～～就感覺到有ｄ緊張～～～原來日子係咁近～～～ｈａｈａ～～～不過～～～ｍａｍａ不嬲都本屎冇大害～～～去左先算啦～～～行程好順利～～～孖ｂ亦好合作～～～ｍａｍａ＆ｄａｄａ＆柏柏順利開心咁玩左兩日～～～安全咁返到香港～～～ｈｅｈｅ～～～

１ｓｔ　ｄａｙ～搭０８４０既船去蓮花港～～～我地相約０８００係碼頭集合～～～柏柏到達見到瑤瑤～十五～十六～～～初初都未ｗａｒｍ　ｕｐ～～～又係怕怕羞羞～～～上船玩左一陣～～～ｗａｒｍ　ｕｐ完～～～就展開兩日一夜晚開心之旅啦～～～

一小時五十分鐘既船程～～～四個小朋友好似冇停過～～～ｍａｍａ就用左大約一粒鐘豬一陣～～～落船之後再轉大約半粒鐘旅遊巴士去番禺長隆酒店～～～呢個時侯～～～柏柏都差左少少電～～～到達之後～～～十五媽幫我地辦入住手續～～～ｄａｄａ同柏柏已經好快咁去睇鳥卒卒既白老虎啦～～～四個小朋友都好興奮～～～因為要等兩點先有房～～～我地就去醫醫肚先～～～其實呢間酒店都幾貴～～～食既同香港都差唔多＄＄＄～～～勁呀～～～食飽飽～～～可能大家都太早起身～～～大家竟然一齊各自都去覺覺豬～～～豬到六點就再相約出發～～～第一個節目係睇馬戲～～～我地成班人一齊行過馬戲團～～～帶住小朋友行～～～感覺係一ｄ都唔近～～～仲好熱好熱～～～大家都行都濕晒～～～臭晒～～～不過～～～馬戲團表演真係好好睇～～～柏柏睇得好投入～～～個半小時既表演～～～柏柏都睇得好留心～～～有時睇睇下仲會拍手跳舞～～～真係精彩得好緊要～～～睇完表演～～～就去ｄｉｎｎｅｒ啦～～～食飽飽～～～返到酒店都已經十一點幾啦～～～柏柏冇晒電啦～～～洗完白白就極速豬豬左～～～可憐本來都攰到屎既ｍａｍａ～～～竟然失眠～～～眼光光望住熟睡既ｄａｄａ同柏柏～～～真係有想屎既感覺～～～相信ｍａｍａ前前後後都豬左兩粒鐘既～～～

２ｎｄ　ｄａｙ～因為ｍａｍａ失眠～～～七點幾就手多多～～～幫柏柏又蓋下被～～～就係咁～～～搞醒左柏柏～～～柏柏再搞醒埋ｄａｄａ～～～起左身又玩一輪～～～九點就去食早餐啦～～～我地又約左十點出發～～～最精彩既活動～～～長隆野生動物園～～～真係好開心架～～～四粒豆丁跑跑跳跳～～～不過～～～真係好熱～～～熱到甩肺～～～汗～～～完全冇停過～～～抹唔到～～～不過真係睇左好多好多動物呀～～～柏柏識左咁多動物～～～都係第一次見真身～～～ｍａｍａ覺得柏柏一定有好深刻印象呢～～～三點左右～～～ｍａｍａ真係頂唔順啦～～～因為可能前一晚冇豬到～～～唔想食早餐～～～只係食左好多好多西瓜～～～到中午又冇飯食～～～我地買左一個大大大西瓜～～～又只係食左西瓜～～～三點鐘～～～ｍａｍａ見暈暈地～～～所以就冇去睇剩餘既熊貓啦～～～決定同ｄａｄａ先行返酒店～～～可能大家都太攰～～～結果大家都冇繼續行程～～～全部都返酒店啦～～～大家一齊食個ｔｅａ醫肚～～～食飽飽就搭巴士再轉船返香港啦～～～八點幾返到屋企～～～柏柏洗白白～～～白白完之後就九秒九豬左啦～～～証明柏柏真係超級攰呀～～～

今次兩日一夜之旅實在玩得太開心啦～～～最難得係四個年齡一樣既小朋友可以一齊慶祝兩歲生日呢～～～而ｍａｍａ覺得今次行程都好ｏｋ～～～又唔係真係好好好攰～～～而真係覺得好好好熱～～～如果再去呢個地方～～～應該會揀冬天先再去啦～～～

今次旅程～～～ｍａｍａ影左好少相～～～因為有ｕｎｃｌｅ　ｒａｙｍｏｎｄ嘛～～～可以依賴一下～～～只係動物園先影多少少咋～～～大肚婆就係咁屎懶～～～ｈａｈａ～～～
ｄａｄａ同柏柏玩～～～無敵興奮～～～

今次旅程既四位小主角～～～瑤瑤～～～十五～～～十六～～～柏柏～～～

第一次去玩～～～第一次住酒店～～～開心～～～

酒店門外既象象～～～

柏柏又愛又驚既ＰＡＮＤＡ～～～

四個爸爸～～～
今次既行李都好輕便～～～ｇｏｏｄ　ｇｏｏｄ　ｇｏｏｄ～～～

２ｎｄ　ｄａｙ　出發前～～～

瑤瑤作品～～～

目的地～～～未入去已經好興奮～～～

一到動物園～～～第一站就已經興奮啦～～～

好好好多ｆｌａｍｉｎｇｏｅｓ～～～

要俾＄＄＄影既白老虎ｂｂ～～～佢地好可憐～～～熱到好忟憎～～～


好靚好細隻既ｍｏｎｋｅｙ～～～

好開人咁同ｄａｄａ餵山羊食草～～～


又好開心見到駱駝～～～


動物園冇飯食～～～就係食餅餅～～～

見到白老虎啦～～～

仲扮老虎叫～～～

其實今次都幾叻～～～全程都有三分二係自己行～～～

又同好朋友手拖手～～～

真係熱到濕晒架～～～
咩都玩一餐～～～同十六連樹葉都玩到傻左～～～


坐車車近距離接觸動物～～～見到好多平時只會係書先見到既～～～好驚訝咁呀～～～

大象～～～

犀牛～～～

斑馬～～～