我的心痛極了! 我禽晚竟然漏左個電話係的士...我從來都算謹慎,對於銀包,電話都放得好好...只有我話阿毛成日亂放...成日俾我話...我今次真係老貓燒鬚! 最心痛係平時幫豬豬們影既相都無左...仲有SMS,我平時最鍾意久唔久就睇番,而家咩都冇...好可憐!
我諗起就覺得d人好衰,好貪心...其實個電話值得幾多錢,佢地唔諗下如果係自己,都想人地俾番佢架嘛...之前阿毛都試漏左電話係的士,當我地又唔開心左一晚之後,點知,第二朝早,個司機竟然叫佢個女送番黎九龍灣俾我地,呢d行為簡直完全正確呀!
其實,我都試過執到人地個銀包,裡面又有錢,但係我真係冇諗過貪,我跟番入面d咭既資料送番俾個失主,其實,當你諗到人地唔見左野既心情,仲點會貪得落手架...路不拾遺...我知而家香港好少人做得到...真係應該好好反省一下......
9 則留言:
係呀...真係有架...我地都試過送番個wallet俾人啦...咁先?架嘛...
可憐丫, 唯有當破財消災.
唔好唔開心啦，可能聽日、或者後日、或者大後日．．．會有人送番比你呢（雖然可能性係比較低），沖多兩隻豬發洩下啦
mosa, 愛貓俱樂部 訂d 野有得返了, 你得閒去睇下丫, 唔知點解佢話聯絡唔到你呢.
http://www.catteryonline.com/bbs/viewtopic.php?p=35300#35300
我係 hlh, 無得留名丫...
所以你就想買部O2?
不過O2做完staff offer了啦。
Mosa, 不要緊啦！當送舊迎新吧！其實，我都試過路不拾遺，把錢包送回給失主！最攪笑?係靠銀包中的獸醫覆診卡，間接聯絡到失主，最後物歸原主，幫到人時自己又開心！
嘿．．．黑心既我．．．幫你咀咒佢．．．直到我唔記得咀咒佢為止．．．^O^
唔該晒呀,kriz!
其實我當日已經咀咒佢晚晚食白果啦....哈哈...我諗佢都冇運行呀...
張貼留言