禽日一早就帶囡囡去沙田動物診所,醫生檢查之後,就話要驗血同埋做顯影x-ray,需要留大半日,雖然之前都知道要留低佢一個,但都唔係好想,我走出診所一刻,囡囡突然回頭用憂鬱既眼神問,"媽咪,你做咩唔帶我走呀?"那一刻,簡直心如刀割...
我知道如果過程中,如發現有某位置脤大,都必須要開刀,所以整個下午都唔想收到診所既電話......直至下午四時半都冇收到電話,都已經放心了一大半,再致電診所,他們說可以於六時接囡囡,雖然當時未知結果,但都感覺到囡囡冇事了......
到診所見到囡囡,我又忍唔住喊,囡囡又問,"你係咪低能架,我咁痛都未喊!"
醫生話報告顯示,只係大腸有少許發大,壁膜變薄,係發炎反應,其他都冇問題,又冇見到有任何異物;驗血報告都一切正常......姑娘亦話,囡囡留院期間都冇再嘔...離開診所之前,醫生幫佢打兩支針,囡囡竟然還發惡,破口大罵!!!
雖然囡囡心口既毛被剷去,但依然好靚女,新年都可以靚靚逗利是,歡迎各位uncle,auntie...呵呵呵!!!
其實今次冇事係絕對好事,但都不禁想問下囡囡係咪玩野???仲要玩咁大,嚇餐飽...要嗲地媽咪擔心,又要駛咁多$$$,只係幾日,就用左四千幾個大洋......搞到嗲地媽咪冇$$$派利是...
我已經警告家中所有成員,未來十年內,未經許可都不得生病,違者將被逐出境!!!
最後,囡囡要多謝咁多位uncle同auntie既慰問,好番之後,每人都會獲得囡囡既香吻一個!!!
10 則留言:
囡囡真曳豬,知唔知會嚇到好多人鼻哥窿都無肉ga,好彩無樹安樂晒,快d叫媽咪安排新年搞派對,逗反d利是幫浦下,hehehe
囡囡好返咁乖女,一於等姨姨新年黎派利是過你啦,不如搞個打邊邊新年派對丫 :p
註:沙田動物診所? 邊個醫生黎架?
fantasy/菲菲,
好呀!搞趴地啦!!!
其實係因為勝利個度爆渠,要轉過去沙田,咁d姑娘話沙田個vet都ok,咪去睇囉...我都唔識個vet架...不過初初勝利兩個vet都話冇必要驗血,沙田個vet就二話不說就驗左血先,呢個就係分別囉!!!
真係好消息，初初嚇屎貓，好彩最後都唔使開刀，公喜公喜
驗左血安心d....錢都係要洗既....財散人安樂 :p
Mosa,
"最後,囡囡要多謝咁多位uncle同auntie既慰問,好番之後,每人都會獲得囡囡既香吻一個!!!"
應該係"哥哥姊姊"先對!!!:-)
Ray
囡囡, 姐姐睇到你一直嘔嘔好心痛丫, 希望你快d好番,以後都無病無痛.
沙田?dr. stanley都好ok架，拍得住owen
fantasy/菲菲/carrie姐姐/ray哥哥/hlh,
多謝晒啊...我冇樹啦...又成日喪跑啦...新年記得黎探我呀...
drop豬
angie,
我就係好後悔冇買囉...
寶寶珠,
差d唔知你係邊個tim,歡迎你大駕光臨呀...原來佢係叫Stanley,其實佢俾我既印象都好好,起碼醫好左囡囡啦...
無事無事架啦!!
屬貓(老虎)的,丁亥年無犯太歲的!!
另外, 醫生有無話點解囡囡會病的?食錯野定敏感定天氣定其他?
張貼留言