唔知係咪上星期去醫院check up既時候俾人傳染,個晚就已經喉嚨痛,跟住就好似感冒咁,又骨痛,又發燒...咁又唔想睇庸醫,唯有訓訓訓,訓左兩日,感覺明明好好,仲可以同古古力,次郎一齊食大餐...點知,返到屋企已經變左兩個人,又黎料,咁就拿拿臨訓啦,點知訓到朝早五點幾,痛到醒左,真係好誇張的痛,痛到連心口,耳仔,牙肉,總之全身左邊既肉都識痛......其實我都知call阿毛係冇用,但希望心理上好少少啦!!!佢只係話"哎呀!真係好痛呀!?咁你飲啖暖水啦!!!試下訓多陣啦!!!我而家有野做緊呀!!!我放工返黎同你睇醫生啦!!!" 頂!!!!!!真係有講就等於冇講...一路眼光光就等天光...
阿毛返黎就仲煩,一返黎就話要去睇庸醫...一路講到十點幾...我好堅持!!!結果,食左上次入st.teresa既時候,開俾我既panadol,好彩又訓到...神奇!!!一起身就冇事,又唔痛喎!!! 係咪呢!!好彩冇去俾$$$庸醫駛呀!
故事係未完架!!!我發覺呢d叫"半夜痛"...因為而家又唔知咩事,又開始喉嚨痛,仲要咳tim...唉...希望明天會更好呀!!!!!!
6 則留言:
Sa Sa,
乜你咁輪盡呀, 庸醫當然唔好睇啦, 但你依家唔可以拖架, 快d搵個信得過嘅好醫生睇下, 可大可小架. 好好保重, 有需要就搵我啦! 記住唔好亂食藥呀!!!!
Ｄ藥係咪專ＦＯＲ你呢Ｄ豬媽媽食架？？．．唔係唔好亂食喎．．半邊身痛咁奇怪．．搵個大夫睇睇好喎．．
唔好食太多成藥, 積埋積埋唔好架, 係唔係訓覺時打側訓責住血液唔流通所以半邊身痛? 小心d丫.
vv,
我冇亂食藥呀!!!不過,時下都冇咩邊個係醫生囉...有既都唔係話睇就有得睇喎...我會好好保重架啦!!!
kriz/hlh,
我食個d係for我地呢d大肚人食架,放心!!!我而家冇半邊身痛啦!!!有心呀!!!不過,就黎咳屎!!!你地知啦!!!咳係好難搞得掂架嘛...
哎呀,小心身子呀,我呢幾晚又係咳到訓唔到,開左冷氣都成身滾咁,休息多點呀.
你成日亂食野所以病，咁你生日要介口，要教訓下你先得！
我喉嚨痛左成個月，睇左中醫先好返，你去醫院同診所個d應該要戴mask，好多菌架！要小心d!
張貼留言