承諾

其實, 因為有左bb之後要被迫放棄寵物既事, 都唔係今時今日先聽到!!!
又聽到喵友遇到咁既事發生, 今次係因為個主人生左個bb之後, 喵豬們性格行為都改變, 主人冇暇照顧, 要幫喵豬搵暫托, 直至工人上班!!!
每次聽到呢d事都好心痛, 唔知點解人係咁自私, 往往都將寵物當係一件物品, 當佢地寵佢地既時候就如珠如寶, 一但玩厭左或者有新玩意, 就可以有十萬九千個理由唔要佢地!!! 點解會忍心做得到呢?! 究竟, 輪到自己, 件事又會係點呢?
當初, 我從來都冇諗過我地會生一個bb, 我係一個唔鍾意小朋友既人, 就算而家問我, 我都答唔到; 可能, 真係好似人生必經階段! 只不過, 呢個階段好似遲左少少, 可能早兩.三年, 而家已經好自在!!! 自從有左阿b之後, 身邊既人大多數第一個問題就係,"咁你d喵點算呀?!" 我當然係直截了當咁答,"咪同以前一樣, 繼續同我地一齊住囉!!!" 當然得到既反應, 係有不同既!!! 當中, 會有擔心我究竟有冇能力照顧咁多野; 又有擔心會影響阿b既健康; 對於我黎講, 呢一刻, 呢d一定唔會係問題, 因為我未經歷到!!! 我仍然可以保證我係有能力, 我係絕對唔會放棄佢地!!! 因為佢地都係我同阿毛既心肝寶貝嘛!!!
呢排, 我成日都有諗呢個問題, 就係"呢一刻"!!! 我一諗到真係有可能發生問題, 咁我應該要點呢? 應該有咩應變措施呢? 呢一刻, 我咩都講得出, 做得到!!! 咁到問題出現既一刻呢? 我係咪真係咩都做得到呢? 諗到呢d, 有時我真係好後悔, 既然我都有4隻寶貝豬, 點解仲要玩人仔呢? 但係而家已經冇得返轉頭啦!!! 所以, 我地會同自己講, "我地一定做得到既!!!"
阿b唔係玩具, 冬.drop.more.pink更加唔係; 阿b冇得選擇究竟可以出生係邊個家庭(如果有得揀, 我諗佢情願做徐子淇個仔囉!!!), 冬.drop.more.pink當初都冇得揀住係邊樹!!! 既然係我地選擇要阿b, 我地選擇要佢地4隻臭豬, 我同阿毛就要負責任!!!
我同阿毛承諾無論遇到咩困難, 都唔會放棄任何一個人或任何一隻豬豬!!! 如果將來我地唔記得, 大家記得要提醒我地千祈唔好行差踏錯呀!!!
我希望我地一家三人四豬(應該會係五豬!)會好好好幸福, 好好好溫暖, 好好好開心咁共同進退!!!