緊張嗎?

開始接近預產期啦!!! 開始有人問我緊唔緊張?! 我而家其實未識得好緊張! 但係,有時都會諗究竟今晚會唔會訓訓下覺,突然之間會穿水呢!? 成日都聽人講,穿水係好突然,係防不勝防,我又好期待呢一刻,好想感受一下,但係又好怕會好狼狽,真係好矛盾!!!

今日去聽產前講座~分娩的認識!!! 姑娘話陣痛係會持續好幾個小時,甚至十幾小時!!! 而且程度係有增冇減!!! 呢d我都係預左架啦!!! 但係,我總希望自己好似d未婚懷孕少女咁,係茅次一"beep"就出左黎,又或者好似我一d朋友仔咁,痛會有,但唔會耐!!! 我只在乎曾經感受過,不在乎天長地久!!!

阿b,又係我提出要求既時候啦!!! 你要乖乖地,到時到侯就要有咁快得咁快咁捐出黎!!! 唔好要我辛苦呀!!!咁我就會錫晒您架啦!!!