最悠閒的第二天

2008年5月9日~星期五~雨>多雲

0600~morning call~~~因為天氣太太太乾燥~~~一點點準備都冇既sa媽咪~~~全身乾燥到完全豬豬唔到~~~成晚都不停好痕好痕~~~梳洗完去食個早餐~~~呢間酒店既buffet都好ok~~~好多野食喎~~~七點幾食飽飽就搭jr去shin sapporo~sheraton hotel~~~準時0745到達~~~0805就開車~~~因為係local tour~~~都預左雞同鴨講~~~佢有佢講~~~我地有我地豬豬~~~
全日就係搭住呢架車~~~坐位夠舒適~又寬敞~~~好適合覺覺豬之用~~~


上車一粒鐘左右就到第一站~~~解決站~~~十分鐘時間~~~之後再搭大約個幾鐘~~~十點半就到達旭川市旭山動物園~~~其實我都好鍾意睇動物~~~今次睇到我好想睇既皇帝企鵝~~~睇到好明顯冇用WHITE ON WHITE洗白白既polar bear~~~睇到成日都冇梳毛既老虎~~~睇到營養不良既獅子~~~睇到好高既長頸鹿~~~好大隻既犀牛~~~好滿足~~~逗留係呢個動物園既時間有四粒鐘~~~其實有d多左少少~~~食埋lunch都要好似d阿伯阿婆咁呆坐等上車~~~我地超級準時兩點半上車~~~聽聞日本人好準時~~~我地又點會衰遲到呀~~~點知我地個團有一個男仔~~~佢自己一條友join呢個tour~~~夠鐘都唔見人~~~我地只係見個guide左騰右騰~~~又唔知佢講咩~~~最後等左半粒鐘先開車走人~~~估計佢係因為太悶~~~自己碌左落山先~~~唉~~~講聲先唔駛人等咁耐嘛~~~日本人中既腐敗人~~~影衰晒~~~






呢個lunch只係jpy780~~~咁既價錢~~~不錯不錯~~~

第二站就去左美瑛~~~唔知點解要去~~~亦唔知有咩好睇~~~沿途都幾靚~~~好大塊草原~~~個guide一路行一路指住車外~~~一路gelegulu~~~可能話夏天會有好多花好靚卦~~~咁就到左個唔知咩塔~~~大家影左兩張相~~~又上車去下一站~~~嘩~~~大風到好似唔駛$$$咁呀~~~其實我地兩個係北海道都幾可憐~~~話說sa媽咪只係執左每人十件短tee~~~臨出發一日~~~公公問執好野未呀~~~個邊好凍喎~~~下~~~係咩~~~其實sa媽咪係有睇天氣預測~~~都係3-17度~~~心諗都係一早一晚凍d~~~帶多件風褸都ok卦~~~將呢個諗法話俾公公知~~~佢回敬我一句"痴線"囉~~~咁都執好囉~~~又唔想再執過~~~咁帶件fleece加一件風褸囉~~~哈哈~~~真係多得公公~~~我地係北海道咁多日~~~好似最高都係試過9度~~~又大風~~~差d變雪條~~~不過當地人都好勁~~~都係著好少衫架咋~~~佢地鍾意左縮右縮多d架~~~可能一入室內就有暖氣~~~懶得又著又除~~~


又再坐個幾鐘就到左富良野~~~去左個好似叫"森之時計台"~~~個度仲凍~~~大約有十幾間木屋shop~~~都係行行企企~~~mo嗲地係個度出手啦~~~出手做左個sa媽咪好愛看既萬花筒~~~真係好靚架~~~逗留左一粒鐘左右就回程啦~~~回程都要兩個幾鐘~~~其實呢日tour係hea既~~~好hea~~~行下又上車豬下~~~不過jpy4000有車坐~~~都ok啦~~~


返到新札幌都已經1930~~~再返札幌都要15-20mins~~~百貨公司都close啦~~~咁就不如係新札幌行下~~~shop下~~~差唔多八點半返去札幌食晚飯~~~今晚係食拉麵橫丁~~~我地左揀右揀~~~揀左"華龍"~~~兩個人食左jpy2500~~~都好一般~~~相比起之後去既拉麵共和國~~~拉麵共和國好味好好多~~~


食完之後都冇咩感覺~~~去行下24小時既激安堂~~~買下日用品~~~冇錯~~~係日用品~~~酒店個支沖涼液乾到爆燈呀~~~左買買右買買~~~又好似未飽喎~~~咁就搵左之前見過好多人話好味既"串燒番外地"~~~嘩嘩嘩~~~日本就係呢樣最差~~~所有食肆都可以吸煙~~~成間野煙霧彌漫~~~雖然係好食~~~但係食完~~~我成身都係臭煙味~~~真係no good呀~~~

食飽飽就搭地鐵返歸啦~~~每日返到酒店~~~mo嗲地都開電視~~~逐台睇~~~揀岩一台就全晚都係度睇~~~我就負責執野~~~好好笑架~~~唔知有咩好笑~~~mo嗲地唔識日文架~~~但係佢可以睇到架架聲笑架~~~係香港都唔會咁好笑架~~~我問佢~~~你又唔識聽~~~你笑咩呀~~~佢話"我feel到佢講咩~~~係講得好好笑"喎~~~睇住佢就真係好笑~~~