去年今日<三>

去年今日既今時~~~我已經身處產房~~~終於終於~~~好緊張~~~好驚~~~人人都話生仔係十級痛~~~咁前兩日都已經覺得好痛~~~究竟生既一刻~~~會唔會痛到暈低呢~~~真係好緊張~~~
其實十一點幾既時候~已經七度~~~又穿左水~~~入到產房~~~以為好快就得~~~點知~~~姑娘話開一度就大約一粒鐘~~~下~~~即係要等多三粒鐘~~~望住個鐘~~~似慢似快~~~幾乎冇知覺啦~~~
兩點幾啦~~~好清楚~好清楚~~~聽到隔離有人不停叫"用力d啦~用力d啦~就得啦"~~~跟住"嘩嘩嘩"~~~聽到姑娘話bb出世時間係三點正~~~人地就生左~~~自己仲痛緊~~~於是愈黎愈心急~~~唔知係咪隔離bb叫阿b快d出黎~~~即刻有反應~~~感覺真係生得啦~~~問下姑娘~~~姑娘話~~~係呀~~~見到頭髮啦~~~心情爆燈呀~~~十級痛黎啦~~~跟住指示~~~忍住~~~吸氣~~~出力~~~做左兩次~~~阿b就出左黎啦~~~如釋重負~~~原來十級痛係講之前架~~~因為生既一刻~~~真係唔痛架~~~仲好豬服呀~~~哈哈~~~

原來生仔真係好麻煩~~~唔係生完就等如搞掂~~~又要等縫針~~~又要等上病房~~~都要等兩粒鐘先安頓好~~~我好記得mo嗲地係有讚我"好叻"架~~~我好開心呀~~~因為兩日冇豬豬過~~~一上到病房就豬豬左啦~~~不過只係豬左兩/三粒鐘就醒左啦~~~左右隔離既bbs真係好嘈~~~不過~~~我都好精神~~~真係好開心呀~~~我仲好記得~~~大約九點見到醫生~~~我第一句就問佢~~~我幾時可以出院~~~哈哈~~~我真係超級討厭住醫院~~~醫生都服左我呀~~~結果我住左一晚就可以返屋企啦~~~

我都有睇返岩岩生完所記低既blog~~~再回想返~~~今日既感覺已經有少少唔同~~~唔知下年~~~我仲記唔記得呢~~~