sa媽咪今日好火~~~火到爆~~~阿b禽晚愈夜愈咳~~~今朝發燒~~~一起身就即刻去睇醫生~~~希望真係早睇早好~~~
醫生問咩事~~~我就話佢知~~~阿b禽日開始有兩聲咳~~~今朝開始有發燒~~~醫生就問~~~屋企有冇人病左呀~~~答案係冇~~~咁星期日去左邊呀~~~答案係返playgroup囉~~~咁有冇人唔舒服呀~~~應該冇喎~~~諗諗下~~~個助教姨姨帶左口罩喎~~~唔通係佢~~~真係oh my god啦~~~十個頂~~~有病就唔好返學啦~~~累街坊~~~
返到屋企~~~打乞痴~流鼻水~咳~~~睇到都覺得陰公呀~~~食藥時間~~~mama都想同你喊埋一份呀~~~
天啊~~~bb真係咁脆弱~~~真係咁容易中招~~~而家只不過係返一個小時既playgroup~~~咁返學個時點算呀~~~真係又一次好唔開心啦~~~咁樣好易老呀~~~點好呀~~~
阿b~~~乖乖啦~~~快d退燒啦~~~有d收鼻水啦~~~快d唔好咳啦~~~
4 則留言:
SA媽咪, 早講過 ~~ 返Playgroup會更易病..其實未必關個助教事, 因為佢地戴口罩 係為左衛生...咁多小朋友, 實有病菌, 呢D係無可避免...最重要係同阿B打好個底, 努 力! ...
仲有, 又真係好無奈 ~~ 一返Playgroup, 就真係易病d ... 因為好多時D小朋友可能未病好就要返Playgroup, 咁d病菌就不經不覺散出去...唉, 唯有自己做好本份la ...
唉．．自己仔女病典會唔知喎!!仲要帶佢返Playgroup傳染其他小朋友><" 做父母既,醒目d,識做d啦,咁自私典得架..哼哼哼!!!
其實小朋友病, 大家都唔想...不過, 醫生話呢個係小朋友建立佢地自我免疫系統的一個過程, 可以話你必經的...唉, 大家加油~~
阿B, 早日康復呀~~~~
張貼留言