十五個月啦~~~

今日阿b已經十五個月啦~~~sa媽咪感覺到阿b大個左好多好多~~~自從阿b一歲之後~~~每有人問阿b幾大個既時候~~~我都唔係好記得~~~要諗一下~~~禽日有路人問我阿b幾大~~~我都依然話佢係十四個月大~~~

見到阿b一日比一日成長~~~sa媽咪就開始想阿b停留係呢個階段~~~時間過得太快~~~阿b好快要返學~~~好快有好多朋友仔~~~sa媽咪咁快就開始唔捨得~~~唔捨得阿b長大~~~而家既阿b~~~聽教聽話~~~好驚有一日~~~佢會開始識駁咀~~~好驚有一日~~~佢唔再鍾意俾我"依戀"~~~自小桂嫂教識我"依戀"~~~而家多數時間出街~~~sa媽咪都係"依戀"住阿b~~~原來呢種感覺真係好奇~~~奇到自己都解釋唔到~~~

呢個月~~~阿b病左好耐~~~病得都幾痛~~~sa媽咪感受到深深既心痛~~~有時都講唔出自己既感受~~~只係知道阿b原來對我都幾重要~~~

呢個月~~~阿b學識左好多~~~講多左~~~做多左~~~sa媽咪又覺得好驚訝~~~因為阿b識既~~~有好多都係佢自己模仿出黎~~~我地都冇教過~~~而阿b而家亦識做好多令人甜在心頭既事~~~一個咁簡單既"kiss"~~~原來可以咁甜~~~

呢個月~~~除左病得辛苦既時候~~~其餘時間~~~都覺得阿b笑多左~~~笑得好真~~~好傻~~~好美麗~~~每次見到阿b笑~~~都感染到個份天真~~~好開心~~~

呢個月~~~可能阿b病左~~~留係屋企時間多左~~~阿b對住四小豬既時間又多左~~~感覺到佢地既感情都好左~~~尤其係moremore~~~阿b好鍾意moremore~~~成日都拎住棒棒搵moremore~~~每次出街之前~~~都會搵佢地講"byebye"~~~每次返到屋企~~~都第一時間搵moremore~~~見到佢地咁開心~~~好安慰~~~

十五個月既阿b~~~令sa媽咪感覺到自己原來係一個媽媽~~~真係好神奇~~~真係好有好多講不出既感受~~~~~~