2009年~3月~2日~星期一
今日等埋dada放工~~~就去左睇醫生~~~confrim左~~~真係有左細b~~~好開心~~~好興奮~~~即晚同公公婆婆分享左呢個喜悅~~~
醫生再三叮囑唔可以拎重件~~~包括阿b~~~不過~~~其實阿b好早都已經習慣左自己行~~~同mama出街係唔駛抱~~~好乖仔架~~~

2009年~3月~9日~星期一
心情開始緊張~~~始終mama以前試過不快事~~~一日未見到心跳~~~每日都係咁擔心~~~不過~~~今日好想訓~~~平時~~~阿b午睡~~~就係mama既free play time~~~最鍾意上網~~~今日~~~竟然陪左阿b豬豬~~~好攰~~~

2009年~3月~11日~星期三
今日帶阿b同朋友仔一齊去嘉道理農場玩下~~~本來真係好唔想郁~~不過~~~呢兩日豬得太多~~~今日dada放假~~~好應該帶阿b周圍玩下~~~結果~~~玩得好開心~~~

2009年~3月~14日~星期六
心情愈黎愈緊張~~~仲有兩日就覆診啦~~~唔知真係太攰定係唔想諗~~~豬足一日~~~難得阿b又咁聽話~~~齊齊大覺訓~~~

2009年~3月~15日~星期日
好唔想自己一個人帶阿b返幼潛~~~覺得好辛苦~~~掙扎到最後一分鐘~~~急急出門口~~~唔可以咁自私~~~阿b要出去玩一下先開心~~~結果~~~好成功~~~原來mama係得既~~~可以戰勝心魔~~~

2009年~3月~16日~星期一
因為今日要去覆診~~~所以一早就起身~~~食個早餐就出發~~~好好好緊張~~~其實今次既反應好似大左少少~~~呢幾日都悶悶的~~~一早最明顯~~~已經開始嘔~~~點知今日超樣衰~~~一路搭車已經想嘔~~~點知行行下~~~冇拿拿就~~~樣衰到爆燈~~~
好緊張既心情~~~大約維持到十一點半~~~真係超驚呀~~~醫生一照u/s~~~見到胎囊~~~第一時間問佢見唔見到心跳~~~佢話未咁快~~~下~~~未咁快~~~最緊張呢樣~~~好驚又~~~咁醫生就開始好努力咁搵~~~好細好細~~~但係見到心跳~~~oh~~~心情平伏左好多啦~~~
跟住~~~醫生就話第二個係呢度~~~下~~~第二個~~~係呀~~~其實一開始照已經聽到醫生話twins~~~不過~~~因為心跳問題而冇理~~~原來佢講真~~~係twins~~~OMG~~~即時反應係~~~三頭六臂都搞唔掂啦~~~但又有少少開心~~~又有少少驚~~~總之~~~百感交集~~~難以形容~~~
離開診所~~~心情太複雜~~~mama同dada帶住阿b亂行左一個圈~~~唔知去邊好~~~結果搭車出左旺角~~~又再上車去左沙田~~~到auntie vicky打俾我地~~~再約我地去警察會~~~我地由沙田又搭車出返太子~~~當時~~~mama仲未知想點~~~不過~~~個胃又作怪~~~唔想食~~~唔想郁~~~聞到都想嘔~~~
之後~~~阿b就同弢弢係babyroom玩左個幾鐘~~~我地又返公公婆婆屋企食飯~~~
婆婆知道係twins之後~~~覺得佢都幾開心~~~公公深藏不露~~~應該都係開心卦~~~
直至我地返到屋企~~~mama依然唔知想點~~~一來好攰~~~二來想嘔~~~三來~~~唔知做咩~~~總之~~~感覺唔多好~~~
直到阿b洗完白白~~~去左我地張床食奶奶~~~mama陪伴在側~~~望住阿b入睡~~~mama就開始發癲~~~真係喊到傻左~~~完全控制唔到~~~驚動左係廳既dada~~~即刻抱返阿b返bb床~~~mama都係講不出聲~~~喊喊喊~~~喊到好耐好耐~~~腦不停在轉~~~mama望住阿b個樣~~~覺得好對阿b唔住~~~好內疚~~~覺得對阿b好唔公平~~~點算好~~~真係唔知點算好~~~mama冇諗過有twins~~~一心諗住生多一個細b~~~可以陪住阿b成長~~~令佢地成為好朋友~~~而家多兩個~~~dada要抱一個~~~mama又要抱一個~~~咁阿b點算~~~一諗到呢度~~~眼淚就係咁流~~~好後悔~~~真係唔知點算好~~~好唔想分薄阿b應得既野~~~阿b應該有dada或者mama既手拖手~~~將來點好~~~阿b咁細個~~~要阿b做兩個既哥哥~~~好辛苦~~~
呢一刻~~~mama真係一點興奮既感覺都冇~~~感覺真係好痛苦~~~以前未生阿b之前~~~好想好想有對twins~~~而家~~~唔想~~~真係唔想~~~可以點~~~

2009年~3月~17日~星期二
今日一早起身已經好辛苦~~~因為問題未解決~~~正當好煩惱既時候~~~又嘔~~~心情差爆~~~不過~~~一見到阿b~~~心情又好返好多~~~平時~~~見到阿b感覺唔會太大~~~日日都見~~~今日好唔同~~~好想攬住抱住~~~好怕阿b會嬲我生兩個小b黎同佢爭野玩~~~mama仲諗到~~~每日阿b都跟住mama~~~都有mama陪住~~~今年十月就返學~~~mama好期待~~~亦好不捨唔再日日夜夜既廿四小時貼身膏藥~~~阿b返學係大件事~~~初初要陪住阿b返學~~~可能一個月~~~可能兩個月~~~直到阿b適應~~~呢個重位~~~mama點可以假手於人~~~連dada都唔可以~~~但係~~~預產期係十一月頭~~~再加上twins既早產機會好大~~~咁點算好~~~點算好~~~唔想~~~好唔想~~~mama係唔可以掉低阿b唔理~~~一諗到呢度~~~又~~~究竟可以點~~~