畢業啦

今日係阿b人生既第一次畢業呀~~~阿b參加既幼兒潛能訓練~~~今日正式畢業啦~~~好開心呀~~~今次呢個訓練班~~~令阿b同dada同mama都學多左好多~~~自從開始左呢個訓練班~~~阿b學識自己係"呂柏謙"~~~點名既時候~~~識得舉手~~~又識得同其他人早/午/晚安~~~又懂得要收拾玩具~~~又學識同其他人握握手做好朋友~~~又學識點頭示意~~~又學識疊積木~~~又學識入錢幣~~~仲有好多好多~~~
呢個訓練班真係好有用~~~初初mama覺得都係一般幾個小朋友圍埋一齊玩一個鐘~~~但係原來不經意已經可以學左好多~~~mama自己係屋企一定唔識得教所有既野~~~所以~~~dada同mama都覺得好值得再參加~~~阿b又可以從中學左好多歌仔~~~dada同mama一唱就好開心~~~我地決定報名參加下一期~~~岩岩今日知道抽中左~~~下個月又可以再玩過啦~~~~~
阿b每次最鍾意既環節就係唱歌仔~~~馬姨姨一唱歌仔~~~阿b就勁投入~~~



今日仲有一個大考驗~~~評估一下阿b既發展~~~馬姨姨話阿b懂得抓放呢個動作~~~都可以疊到四個積木~~~不過~~~仲係有d心急~~~要train一下阿b再定d~~~




之後就試下入錢幣~~~冇咩難度~~~haha~~~


之後suki姨姨就要測試一下阿b分顏色~~~概念未係好清晰~~~初初suki姨姨講中文~~~完全擺錯晒~~~之後mama轉英文~~~岩晒喎~~~不過再試多次~~~開始有d亂~~~mama感覺阿b應該未分得清楚~~~撞彩居多~~~

全班同學仔一齊影畢業相~~~haha~~~好搞笑~~~

發脾氣

阿b呢兩日既脾氣好大~~~禽日返playgroup既時候~~~因為見到有小朋友畫畫~~~阿b又想拎支筆~~~mama就話唔可以~~~叫ms. chan另外俾一支筆先畫~~~點知ms. chan話要排隊~~~唔可以俾第二支筆~~~阿b就大發脾氣~~~mama初初以為佢只係扭一下就會去玩第二樣~~~點知~~~阿b好似傻左咁~~~完全唔聽mama講~~~自己係地下碌黎碌去~~~大吵大喊~~~未見過阿b咁樣發脾氣~~~以前阿b得唔到既野~~~唔會咁堅持~~~亦都唔會咁樣發脾氣~~~而家~~~唔同左啦~~~

今日又係咁樣~~~阿b一路都拎唔到雪櫃上既磁石~~~因為唔夠高~~~點知今日拎到最低排既其中一個~~~之後拎出廳~~~dada同mama仲讚阿b高左~~~於是~~~阿b又走入廚房~~~打算拎第二個~~~點知~~~拎唔到~~~扁晒嘴走出黎~~~我地就叫佢等高d先再拎啦~~~阿b又走入去再試~~~都係拎唔到~~~如是者~~~試左幾次都唔得~~~阿b就喊住走出黎~~~mama就同阿b講~~~而家拎唔到~~~咪遲d再試過囉~~~點知~~~阿b又自己發脾氣~~~一路係咁喊~~~阿b應該好大挫敗感~~~我掙扎左好耐~~~唔知應唔應該幫佢~~~最後~~~都係冇出手~~~男孩子係咪應該遇多d挫折先好呢~~~動不動發脾氣~~~我就幫佢~~~會唔會變左依賴呢~~~
mama好煩惱~~~耍努力諗下~~~尋求一下意見先得~~~
阿b~~~希望你明白啦~~~唔係發脾氣就有用架~~~~~~

完美的假期

六日既假期~~~話咁快就過左啦~~~好唔捨得~~~dada放假~~~mama某程度上都可以放下假架~~~呢個假期都幾完美~~~做到想做既野~~~買到想買既野~~~睇到想睇既野~~~食到想食既野~~~所有時間都好岩~~~樣樣都好夾~~~所以~~~呢六日好開心~~~實在太唔捨得~~~

今日一早起身~~~阿b要返playgroup~~~dada就去幫豬豬們入貨~~~分頭行事~~~1300再join埋一齊食lunch~~~今日auntie iris突然call我地~~~要一齊lunch~~~又一個愉快的午餐~~~我地就返屋企啦~~~

阿b同dada就豬一豬~~~mama就開工啦~~~執執執~~~抹抹抹~~~總算整好左半個廳同一個茅次~~~好乾淨啦~~~~~~之後就要煮飯~~~今晚哎吔吔契媽送貨上門~~~順便食餐煮家飯~~~又同阿b玩一陣~~~dada終於都要返工啦~~~阿b又去覺覺豬~~~明早見啦~~~~~

好期待~~~唔知幾時又會有突如其來的假期呢~~~

突如其來的假期~第六日~蘭花

時間過得極之快~~~話咁快去到第六日啦~~~阿b今日豬得仲晏~~~十一點半先起身~~~等懶豬dada同懶豬b豬醒既時候~~~mama唯有執下東~又執下西~~~發現都唔係好多野執~~~黎緊幾日應該都ok輕鬆~~~
豬醒就去搵食~~~而家mama都懶左好多~~~如果出街食飯~~~多數搵d阿b都岩食既~~~咁就冇煮飯俾阿b啦~~~食飽飽~~~今日輪到dada敗家~~~買下新野過新年~~~
之後就去花墟買蘭花啦~~~我地每一年都會揀一盆靚靚蘭花送去公公婆婆屋企~~~今年阿b都一齊去幫手揀~~~好快就揀到啦~~~
時間比我地預期早左~~~一於就返公公婆婆屋企hea下~~~玩下~~~咁就一日啦~~~dada聽日要返工啦~~~我地又要閉關休息一下~~~新年再玩過~~~~~~

突如其來的假期~第五日~洗白白

今日天氣和暖~~~最岩洗白白~~~連日黎既活動~~~好開心~~~亦都好攰~~~所以~~~今日一家七口豬到十一點先起身~~~一輪家務之後~~~齊齊去"早少少~食午餐"~~~食飽飽就去超市入貨啦~~~新年要送禮~~~糧倉又吉吉地~~~又係時侯買買買~~~買夠啦~~~返屋企啦~~~

四豬洗白白既大日子~~~今日破紀錄~~~超慢~~~由1430開~~~足足六小時~~~2030先搞掂~~~四小豬靚靚晒啦~~~靚靚過新年~~~

洗完白白之後~~~九點幾先返到公公婆婆屋企食飯~~~公公呆等左兩粒鐘~~~食飽飽~~~玩夠~~~又返屋企覺覺豬啦~~~明天~~~明天又繼續~~~hahaha~~~~~~
洗白白之前~~~冬豬曾經諗過要離家出走~~~最後~~~都係失敗左~~~

冬豬整容前~~~

冬豬整容後~~~

moremore整容前~~~

moremore整容後~~~

囡囡整容前~~~

囡囡整容後~~~

pinkpink整容前~~~

pinkpink整容後~~~

突如其來的假期~第四日~歌賦街

自從阿b出世之後都未去過歌賦街~~~去食至愛既蕃茄旦牛通同奶油脆脆~~~今日冇咩特別節目~~~就一於帶阿b去闖一闖~~~已經預早d時間~~~免得迫lunch~~~十二點去到~~~一樣咁多人~~~等左一陣先坐得低~~~今日食都仲覺得好好味~~~不過已經冇好好好好好好味既感覺啦~~~反而阿b好鍾意食~~~連平日愛既包包都唔食~~~要食通粉~~~

食飽飽~~~又去出下血~~~shop下shop下~~~收穫都係阿b既~~~之後再殺出銅鑼灣~~~大大大出血~~~今日真係好大收穫~~~除左阿b有收穫~~~mama同dada都只係負責睇同俾$$$~~~~~~

今日係阿b十六個月大既日子~~~阿b係呢個月又學多左~~~講多左~~~而家阿b日日都學習中~~~模仿中~~~愈黎愈似一個小朋友~~~唔再係bb~~~近呢個幾月~~~經常都聽到有人話阿b係一個happy boy~~~阿b真係一個愛笑既男孩子~~~丁點兒既動作都可以令阿b笑一笑~~~笑一笑~~~世界更美妙~~~sa媽咪認為呢個係一個優點~~~如果阿b一路都keep住呢個優點~~~長大之後都係一個樂觀既人~~~咁就太好啦~~~~~~

shopping完畢~~~因為婆婆要上堂~~~我地就約埋公公去dinner~~~食飽飽~~~今日最早返屋企~~~唔駛八點半~~~已經返到屋企啦~~~阿b本來係好攰~~~點知返到屋企~~~又玩過~~~點解可以咁好精力既呢~~~

突如其來的假期~第三日~崖上的波兒

今日又係一早起床~~~sa媽咪整好阿b既lunch同dinner~~~mo嗲地吸好塵~~~時間就岩岩好~~~阿b就起身啦~~~禽晚買定今朝1100既戲票~~~睇宮崎峻既<崖上的波兒>~~~本來禽日已經想同阿b睇架啦~~~不過~~~實在太多人~~~完全買唔到~~~今日~~~阿b睇呢套戲~~~全程冇豬豬過~~~留心咁睇左八成左右~~~初初開場~~~睇得特別入神~~~睇得好開心~~~又笑又拍手~~~中段有少少悶場~~~阿b就開始玩mama~~~冇錯~~~係不停咁玩mama既眼耳口鼻~~~又係咁咀mama~~~諗起都覺得sweet~~~haha~~~

睇完戲之後~~~就搭車出尖沙咀返幼潛啦~~~差唔多落車先肯豬一陣~~~結果豬左唔夠十五分鐘~~~就開始上堂啦~~~還好~~~冇咩扭計~~~

今日打算又辦下年貨~~~買下野~~~不過~~~冇咩特別收穫~~~只係食食食~~~ 呢期mama好鍾意返公公婆婆屋企食飯~~~因為好似舒服d~~~阿b又可以玩得開心d~~~就係咁~~~又一日啦~~~~~話咁快~~~假期又過左一半啦~~~明天又再努力~~~~~~ 注意: 大小熊出沒sHoPPinG~~~

突如其來的假期~第二日~拜祭

今日一早就起床~~~本來係因為想去睇早場~~~不過~~~禽晚婆婆話今日會上山拜太婆婆~~~sa媽咪自從有左阿b之後~~~就冇再上過去啦~~~既然今日又早起~~~一於就入沙田陪婆婆去拜太婆婆啦~~~反正阿b都未去過~~~係時候盡一點點孝心啦~~~我地仲約埋april姨婆同大叔一齊去~~~上山既路唔太遠~~~阿b自己行下~~~又要抱下~~~太斜既路~~~唔知係咪要太用力~~~阿b就唔願自己行~~~要dada抱啦~~~上山容易落山難~~~太斜既都係由dada抱住行~~~平平地既路就可以自己行下~~~
陪完婆婆~~~婆婆要去做義工~~~我地就出太子陪公公飲茶啦~~~阿b次次見到公公都開心到暈~~~sa媽咪次次同佢地飲茶都係自己食自己~~~好輕鬆~~~好happy~~~
同公公飲飽飽之後~~~shopping一下~~~又再一次走進戲院~~~機動部隊之同袍~~~呢個月以黎~~~已經入過戲院有三次之多~~~mama同dada拍拖至今有十一年多~~~入戲院既次數不多於十次~~~估唔到阿b既出現~~~可以幫助振興電影業呀~~~
由朝玩到晚~~~超攰~~~係時間接埋公公返屋企食飯啦~~~而家多數都係屋企dinner~~~因為食飽飽之後~~~阿b可以自由活動~~~亦係每日玩得最癲既時候~~~
以為今日既節目完啦~~~點知哎哋哋契媽tammy打電話俾我地~~~要見阿b一面~~~我地就入左將軍澳食糖水啦~~~極力推介喎~~~真係好多人~~~真係好好味~~~mama同dada食左個龍眼椰果冰同榴槤水晶珠~~~好味到震~~~亦都係阿b第一次食榴槤~~~阿b唔抗拒~~~仲要encore~~~今日返得太開心~~~真係好好好攰~~~明天又繼續~~~
阿b由沙田出返太子~~~其實已經好想豬豬~~~奈何太八卦~~~太多吸引~~~屎頂~~~


阿b真係愛喵狂~~~一見到喵~~~真係~~~真係連老豆去左邊都唔駛理~~~

突如其來的假期~第一日~太古城~

今日終於都冬眠過後啦~~~天氣確實暖返唔少~~~出街好時候~~~我地第一站~~~太古城~~~兩點鐘~~~食飽飽就出發啦~~~我地今日既目標係買揮春~~~可以一次過睇晒JSUCO同APITA既款式~~~完成任務~~~今日用既時間唔多~~~行既地方好多~~~可能習慣左前幾日既冬眠模式~~~好早就覺得攰~~~五點鐘~~~速速收隊~~~返公公婆婆屋企食飯~~~養精蓄銳~~~明天繼續~~~~~~
今日終於暖返好多~~~唔駛著到成隻糉咁啦~~~


呢幾日~~~阿b不停撞親頭~~~而家前額花晒~~~

乖乖

乖乖~~~sa媽咪好乖乖~~~自星期日開始~~~天氣寒冷~~~加上dada返中~~~一連五日都冇活動~~~除左正常既playgroup同埋每晚返婆婆屋企食飯~~~其餘時間都係屋企~~~阿b一連五日既活動都係覺覺豬~~~呢五日~~~睡眠好充足~~~日日都豬豬over十五小時~~~夜晚返公公婆婆屋企又玩得勁開心~~~呢d真係正常生活呀~~~
不過~~~聽日開始~~~又打點原形啦~~~dada冇端端可以放假喎~~~編左一連放六日假~~~好~~~係好好~~~不過之後又要連續返六日夜呢~~~不過~~~有得放好過冇得放~~~一於玩足六日~~~又要買下新年野~~~買買買~~~玩玩玩~~~

寒冷天氣

呢幾日香港既天氣都幾凍~~~令到sa媽咪每晚洗完白白~~~睇飽電視~~~就捐上被窩~~~出奇地連電腦都唔掂~~~上星期四~~~阿b上左第一堂蒙特梭利既playgroup~~~可能上第一堂~~~sa媽咪都未係好明白呢個playgroup既意義~~~因為呢個playgroup係以蒙特梭利既教學法~~~主張小朋友有自主自理~~~一個半小時既課堂~~~有一個多小時時間俾小朋友free play~~~導師只係從旁觀察~~~sa媽咪冇想像過導師真係只係觀察~~~暫時未有得著~~~希望下一堂~~~sa媽咪可以悟出道理啦~~~

星期六~~~阿b第二次走進戲院~~~因為dada想睇<葉問>~~~較岩時間~~~入場前去遊樂場消耗一下energy~~~阿b入場第一件事就係食奶奶~~~之後~~~一開場~~~可能音量太大~~~阿b有d驚~~~阿b在dada懷中~~~少少驚恐中~~~大約十多分鐘就豬豬左~~~haha~~~好醒目~~~又係較岩時間起身睇ending~~~睇完仲識拍手~~~原來睇戲都係一個好節目~~~

今日dada本來off~~~突然要返工~~~mama又係自己一個帶阿b返幼潛~~~超超超攰~~~一個小時既堂~~~好快完~~~即刻返屋企~~~阿b只需要九點九秒就豬豬左~~~等埋dada收工~~~就返公公婆婆屋企dinner啦~~~

呢幾日都ok凍~~~一心以為過兩日就回暖~~~點知dada話星期二只有八度~~~wowowow~~~好恐怖~~~真係唔駛出街~~~問題係阿b要著多衫~~~件褸又厚~~~mama抱唔起~~~本身既重量再加厚衫厚褸既重量~~~真係頂唔順~~~
天氣凍~~~又乾燥~~~靜電又厲害~~~阿b呢幾日既頭髮長期高企~~~超搞笑~~~

科學館

今日dada放假~~~mama同dada諗住帶阿b去科學館見識下~~~點知~~~十二點到達~~~先發現原來一點先開門~~~點算好~~~於是就去左中間道遊樂場玩下先~~~呢個遊樂場未去過~~~原來好大~~~今日weekday~~~時間又咁早~~~小喵三四隻~~~好好玩~~~好舒服~~~玩到咁上下~~~我地又再出發去科學館~~~
今日星期三~~~原來逢星期三係免費入場架~~~真係good good good~~~科學館有四層~~~不過mama就覺得只係b/f同g/f比較適合阿b玩~~~其他都太深奧~~~阿b應該未知道係咩~~~玩左大約個半鐘~~~踏出門口既一刻~~~阿b支持唔住~~~豬豬左~~~消磨左一個大半日~~~我地就返屋企~~~抖一抖~~~豬一豬~~~
差差電又出發~~~又約左弢弢同oscar一齊食dinner~~~bb長大既速度真係好快~~~我諗好快就可以三條仔周圍走~~~~~~
例玩sir滑梯~~~而家冬天好慘~~~阿b一sir~~~下面一接佢~~~一電~~~好驚~~~

呢個遊樂場好玩~~~不過對阿b咁細個既小朋友~~~其實好多危險位置~~~

dada同阿b玩~~~好開心~~~

又可以玩攀石~~~

呢個千秋~~~唔岩阿b玩~~~dada抱住阿b玩~~~唔知阿b笑咩~~~笑到傻左~~~

呢期我地興玩自拍~~~原來都可以影得ok架~~~

再戰科學館~~~免費入場~~~gogogo~~~

一入場~~~玩下呢個電電電~~~


之後玩下哈哈鏡~~~阿b都幾驚~~~超搞笑~~~
mama有對可愛twins~~~咁就very good啦~~~

巨頭bb~~~


阿b見到自己高左咁多~~~嚇到呆左~~~

dada見到自己肥左咁多~~~仲驚~~~

阿b見到太多自己~~~不知所措~~~

又自拍~~~mama初初都俾呢個隱形鏡嚇親~~~

之後又玩下d轉轉轉~~~

支持唔住既阿b~~~