首先都係大佬冬,佢都冇咩點變,都係處之泰然,對任何外來既人/事/豬都漠不關心,始終係佢心目,只有食同訓係最重要既!!!只要影響唔到佢呢兩大重事,無論你係佢身邊行過,訓係佢隔離,又或者係佢身邊玩咩都好,佢都係會唔介意既!!! 可算係乖乖豬一個!!!
囡囡,同冬豬差唔多,咩都唔緊要,最緊要仲有得訓,sa媽咪仲會幫佢massage,每朝都仲有得訓枕頭...其他既野,佢都懶得過問,就算油油大帝係咁"fee"佢,佢都扮懵,扮唔知...果然叻囡囡,阿大方!!!!!!
到八豬moremore,佢第一日,的確好緊張,仲有少少驚,完全唔記得呢三個朋友仔,個樣好明顯係好迷茫,面對油油既"fee fee"攻勢,的確係有d招架不住,今日開始慣慣地,只係覺得好奇怪,唔係太驚,亦明白到唔理佢就得啦!!!總之,痴住mo嗲地或者sa媽咪就冇錯!!!
上一年,pinkpink只係黎左我地屋企幾個月,未算係地頭蟲,面對佢地,只係可以以不理既態度,訓訓訓!!!今次,有大大既不同,佢已經係呢間屋既惡霸,有外敵入侵,又點會坐視不理,佢擺出高姿態,誓要嚇走佢地,佢第一個要對付既就係多多,可以話專攻一個先......哈哈......超搞笑!!!
浪子leo就唔駛講,無論去到邊都係一樣,食．玩．訓．完全無難度...一踏入門口已經食四小豬既糧,過多一陣已經放低幾兩,之後仲識得自己搵野玩,仲搵埋最佳位置覺覺豬!!!浪子即係浪子!!!勁!!!!!!
到我既至愛多多,佢一向八卦豬事,但今次好唔同,女大十八變,變得好有矜持,怕醜,一到步就匿埋左,足足一日之後先肯出黎玩同食......可能佢俾臭pink豬啄住唔放,始終都係有避忌......快d慣啦...我要見到以前偷雪芳蛋糕既多多呀!!!
油油,超嗲...勁嗲人...但一見到喵,無論係我地四小豬,還是佢既兄妹...總之佢唔係人,就"fee"...佢都好大爺,明明張床就冬豬,明明個宜家兜係moremore既,人地走去訓,佢就"fee"...哈哈...佢以為外星襲地球,總之佢就係要擺住我地,當我地覺覺豬既時候,有物體移近我地,佢就"fee"走佢...真係多得佢...直到今晚,佢終於踏出房門,終於都食野,終於都屙尿尿啦...
2 則留言:
好熱鬧好好玩呀^^
ｐｉｎｋ ｐｉｎｋ個樣真係幾有氣勢．．佢同油油邊個ｆｅｅ贏！？．．
張貼留言