好緊張啦~~~好緊張啦~~~仲有兩星期就到預產期啦~~~
過去一個星期,私家政府兩邊睇...唔睇都游船河,睇完竟仲緊張左...兩邊醫生都話驚阿b太大~~~星期一個時已經7磅幾啦~~~一個就恐嚇我可能試下順產,唔得先開刀~~~下!!!即係好似人地咁試十幾個鐘都生唔到,最後要捱一刀~~~唔係卦!!! 另一個就話,預產期之前都冇咩動靜,可能要入院催生喎~~~下!!!聽講催生好痛架~~~唔好卦!!!
兩個醫生都覺得阿b多數都有遲冇早,聽完真係唔知點好!!!搞到而家晚晚一粒鐘一醒,根本就係冇覺好訓!!!左諗右諗都唔知點......早知一早就揀開刀啦~~~冇拿拿做咩要挑戰自己呀!!!???
而家~~~而家~~~點好?! 我唯有日行夜行,間唔中又跳下跳下~~~希望阿b頭仔快d落多d...落多d啦......
雖然我之前話唔想您太早出黎,但係都唔好太遲嘛......其實我9/23之後就ready架啦!!!到時見啦!!!
4 則留言:
保你大...唔好跳丫...不過要散多d步, 生既時間易好多, 仲有好似臨生既一個月食d涼野 (西瓜之類)又係易生d既. 7lb幾巨b, 唔好蝦媽咪, 乖乖快d出黎見大家啦.
你想ｄｕｎ個仔出黎吖！？！．．＝．＝”
唔係話行樓梯會快ｄ咩？？．．但搵人傍住先好行喎．．
7磅幾唔算好肥咋?心情放鬆D啦準媽咪.^o^
helena,
我已經日日係咁行,一行都幾粒鐘架啦...有咩涼野我都擺入口架啦...西瓜~~~我隔一.兩日就拎住半個係咁隊架啦...
kriz,
我都有行樓梯,不過始終唔算好多,都冇咩地方要行樓梯...行平路就多囉...
菲菲,
我理想既係佢出黎個一刻係7磅幾,但係而家仲有2weeks,醫生話呢個階段,阿b一week重一磅,咁到時咪~~~一諗起就放鬆唔到啦!!!
張貼留言