一場虛驚

今日本來應該係風和日麗~~~天朗氣清~~~突然間~~~落大雨喎~~~oh no~~~太多突然間啦~~~
今晚mo嗲地要返夜~~~阿b既疹又未好返~~~又好耐好耐未試過寧靜咁過一日~~~所以plan左留守家中~~~點知~~~
中午開始~~~阿b就扭計~~~原來臭臭左~~~平時臭臭左~~~阿b都唔會扭計~~~有d奇怪~~~原來佢有少少肚瀉呀~~~唔怪得唔舒服啦~~~順手洗白白~~~白白既時候就發現阿b既菇菇有d紅~~~掂下都好唔舒服~~~再觀察一陣~~~情況都冇改善~~~即刻就帶左阿b去樓下~~~好彩岩岩早兩日小桂嫂收到風樓下有一個唔錯既兒科醫生~~~~~~
好好彩~~~第一個就到呂柏謙~~~醫生一見到阿b成面疹~~~左問問右問問~~~夾下時間~~~問下病徵~~~之後就斷症阿b對六合一針有反應既同時~亦都出緊玫瑰疹~~~ohohoh~~~原來同時間出疹~~~唔怪得會燒咁高啦~~~前幾日睇個醫生~~~因為太初期而未發現到~~~就一路都以為今次只係打針引致既反應而發燒同出疹呀~~~今日呢個醫生~~~根據阿b身上所出既疹既分佈情況~再加上阿b有輕微肚瀉~再加上阿b既高燒~佢就可以確定阿b同一時間出玫瑰疹啦~~~醫生仲話要過幾日先會變返靚仔呀~~~
確定係玫瑰疹之後~~~就要問下醫生關於阿b既菇菇問題~~~檢查之後~~~醫生都認為佢有一邊比較紅~~~之後~~~佢好努力嘗試解釋俾我同mo嗲地知~~~但佢又強調佢唔可以肯定~~~大致上係時間上既吻口~~~阿b所打既MMR針係預防腮腺炎~而因為係打一D菌入去預防~所以亦係好有機會引起腮腺炎~而腮腺炎又會有機會(呢個機會係好好好微)引起睪丸發炎~亦有機會令睪丸扭轉~~~一旦真係睪丸扭轉~~~因為血管扭轉左~~~會令睪丸缺氧而最後壞屎~~~萬一真係呢個原因~~~只可以係三至四小時內動手術扭返正~~~否則~~~就冇左架啦~~~其實佢講左好多次~~~我大約都係明左咁多~~~總之~~~佢講既情況係有可能發生~~~而可以斷症既只有小兒外科醫生~~~問完我地意見之後~~~就寫左referral俾我地去睇另一個醫生~~~佢都幾好人~~~仲即刻幫我地約埋時間~~~
sa媽咪同mo嗲地都認為~~~雖然機會真係好好好微~~~但個一刻係有d驚~~~而睇左又會安全d~~~於是~~~我地就去左睇呢個小兒外科醫生~~~一見面~~~問完一輪之後~~~就照超聲波啦~~~明明係唔痛~~~阿b好似拆天咁呀~~~照完又摸完一大輪~~~放心晒~~~醫生話應該冇問題~~~可能肚瀉既菌感染到表膚而發炎~~~真係放心晒~~~因為之前個醫生講到個嚴重性好大~~~真係嚇屎~~~呢個醫生令我地放心之後又講~~~其實bb既睪丸如果真係扭轉左~~有機會到醫生檢查既時候~~~自己又扭返正~~~過幾個鐘又會自己扭轉~~~所以都係要好好觀察住~~~
就係咁~~~又搞左大半日~~~
唉~~~bb又唔識講~~~有時真係唔知佢有咩唔舒服~~~以前自己都唔多睇醫生~~~而家一有少少唔知做咩~~~就要帶阿b去睇醫生~~~原來bb's $$$真係好易賺架~~~
我成日都擔心~~~唔知阿b幾時出玫瑰疹~~~今次都算ok~~~一次過~~~唔駛再辛苦多一次~~~都係希望阿b快d好返~~~
雖然阿b周身疹~~~依然活躍~~~行多左~~~自然搗亂又多左~~~今日有影到阿b既正面相~~~不過~~~真係好樣衰~~~都係唔好嚇街坊~~~哈哈~~~