十三個月啦

今日阿b十三個月啦~~~即係又一個月啦~~~時間似快似慢~~~sa媽咪呢期又發癲~~~眼見阿b大個仔左~~~扭計多左~~~學多左~~~又係時候諗一下~~~檢討一下~~~
自問不嬲都亂咁黎~~~冇一套完整計劃去教阿b~~~真係諗到想點就點~~~有少少事會堅持~~~但係有d野就得過且過~~~阿b唔太過份~~~就算我想~~~都唔會堅持要佢做到~~~
上星期~~~帶阿b返健康院~~~睇下發展~~~姑娘問下佢而家做到d咩~~~識講d咩~~~sa媽咪答左幾樣就停左~~~原來我係冇刻意記低阿b識做咩~~~講咩~~~咁即係我冇好好每一樣野都教佢~~~忽然覺得好慚愧~~~一個fulltime mama~~~唔係每日都諗教佢d咩好~~~同佢做咩好~~~好似一切都太隨意~~~再仔細諗~~~係喎~~~同年齡既bb已經可以咁~~~又可以咁~~~但係阿b又未識喎~~~咁點好呢~~~壓力黎得好突然~~~覺得自己應該要做好d~~~點樣做好d呢~~~教佢多一點~~~
未生阿b之前~~~我係咁諗~~~阿b一定唔可以同我地一間房豬豬~~~呢個我堅持~~~而我亦做得到~~~未生阿b之前~~~我總覺得童年係最開心~~~應該玩玩玩~~~盡情咁玩~~~就算將來既幼稚園都應該以活動教學既為主~~~但係~~~當阿b出世之後~~~原來好先發現~~~原來想阿b將來讀一間好d既學校~~~唔係將來既事~~~係而家既事~~~一切都係由而家要開始~~~要活動教學~~~得~~~不過將來想讀邊間學校就要更加努力~~~咁應該要而家鋪路定係將來先算呢~~~呢d問題~~~對我黎講~~~好複雜~~~
sa媽咪同mo嗲地都係鐘意玩~~~唔係知識份子~~~感覺開心就係最緊要~~~但係~~~阿b同我地一樣係咁~~~又得唔得呢~~~好多書都話bb係海綿~~~呢個時期應該盡量吸多d~~~大個就易學d~~~易明d~~~如果我地而家唔開始俾佢吸~~~佢第時會唔會真係學得慢d呢~~~到時會唔會後悔點解細細個就唔俾多d佢呢~~~
學反身~~~學爬~~~學企~~~學行~~~學講野~~~學模仿~~~