BB展大混戰

一路以黎,係我心目中都只係有喵展同書展!!! 又係因為阿b,而家多左個bb展!!!
幾個月之前,已經知道每年會有一次bb展,又係好多參展商,好似好平,好似好多野買咁!!!
期待以久,阿毛仲要專誠請假,打算出手又出血......

呢個大日子終於來臨,今朝一早起身十點就出門口,點知途中已經收到一個朋友仔來電報料>>>人多得很,有蛇陣出現...我地心諗嘆完個早餐應該會好d既!!! 十一點幾,再收到一齊作戰既Chloe又來電,人潮冇減...依然恐怖!!! 我到達既時候,感覺到要排一個鐘頭以上,眼見好多人放棄,打道回府!!! 個一刻真係唔知點算好!!! 呵呵!!! 呢個時候,阿毛竟然有貢獻,就係撞到佢個同事,hahaha......天都幫我地!!!佢地已經好接近終點,咁當然我地可以順利搭單,十二點成功進場,免受痛苦啦!!!

我地一行四人出發,一進場就已經開始要排隊入會,入會,入會......人好多,每次俾錢排隊都想屎!!!
雖然係咁,我地都買得好開心,過程都好滿意...行行下,人太多,我地同Chloe都分散左lu!!!
一行我地就行左四個半鐘...勁!!!係勁肚餓!!!

之後,我同阿毛就搭天星小輪去尖沙咀...第一時間就係醫肚...簡直好似係人間悲劇!!!
既然到左尖沙咀,一不做,二不休...咁我同阿毛決定唔俾佢停,繼續奮勇作戰...今日係為阿b而出汗,為阿b而出血架!!!
就係咁,傍晚七點,我地先收隊回黃大仙總部食飯!!!

呢張相就係raymond係入到唔知邊度影到既壯觀排隊場面!!!好恐怖!!!


我地已經好似癲佬癲婆咁啦!!!


呢d就係今日既戰利品啦!!!


冬豬.囡囡.moremore同pinkpink都好like阿b既野!!!





後記: 其實我禽晚一路都驚自己去唔到呢個期待以久既bb展,事源我前兩日整親隻左腳,一路都以為冇咩事,點知禽晚突然惡化,行都有d困難,又敷冰,又浸熱水,諗住今日一定要出征!!!
今朝起身,其實都係冇咩好轉,但係我真係唔多甘心...一於本屎冇大害!!! 經過一戰之後,我隻左腳係變左一隻難以形容既豬腳,痛不欲生,我相信係腳面既筋發炎啊!!! 呢幾日都要做"鐵拐梅"啦!!!
阿b,你要知道呀!!! 因為係,我先搞成咁架!!! 又要識做啦!!!