厭倦啦!!!

我好厭倦覆診~覆診~又覆診呀!!!
今日又要去覆診,足足用左1.5小時,好悶...好悶...好悶呀!!!
當初既幾個月,我都好期待下一次既覆診時間,因為可以知道阿b既最新情況,又可以見到阿b彈下彈下,好鬼cutie!!!

但係,由岩岩過左既星期一開始,唔知點解,我開始覺得好煩...係超煩...超超煩...每次都做同一樣既野,我真係開始頂唔順,好鬼屎悶!!!
而家開始仲越黎越密集,簡直疲勞轟炸,差唔多每一個星期都有一次,兩次,甚至乎三次...究竟想點呀!?

今日仲要多樣新野,平時覆診,醫生例必問我有冇食維他命,葉酸...當初未有阿b之前,我都知道要補充葉酸,所以我都食左好幾個月,但係其實我真係最憎食藥,尤其每日都要食,仲煩!!!所以,我每次都敷個醫生,"答:有呀!!!"...
我總覺得我身體內既營養已經好足夠俾阿b架啦!!!點知,今日個醫生又問我,仲有冇食葉酸呀!!!我心諗,都就黎生得啦,仲要食!?佢跟手就話上次驗血都仲係有貧血喎!!!!!!噢!!!又貧血!!!好似好耐都冇試過喎!!!我知自己一路都貧貧地,但係又冇諗過而家都仲貧緊喎!!! 咁即係點呀!!!即係要就範,即係要每日都食你個d維他命,補血丸呀!!!點解呀!!!唔食得唔得呀!!??真係好麻煩呀!!!

今日既心情真係差到爆!!!希望真係因為受隻腳既影響啦!!!本來禽日休息左一日係好左好多,今日出左去覆診,又熱又蚊憎,隻腳又痛過,舉步維艱,個肚已經大,隻腳又跛,真係好想講句粗口呀!!!
快d唔痛啦!!!如果唔係,我會痴線架...我想出街呀!!!