爸爸病倒了!!!

今日一早,突然接到爸爸既電話,佢話準備出門返工既時候,突然又暈,又出冷汗,好唔舒服...爸爸一向都係一個硬漢子,唔係真係好唔舒服,都唔會麻煩到我地~尤其我呢個大肚婆!!!
所以,今朝一接到電話就不敢怠慢,即刻就同阿毛返左黃大仙,等埋阿哥就送左佢去法國醫院啦!!!
跟住,醫生就建議佢留院做磁力共振,照肺,心電圖......醫生呢個安排真係好,如果唔係,佢又會覺得自己冇咩事,又堅持要去返工,而家佢要留係醫院好好休息!!! 其實佢呢幾日都已經感冒,仲堅持要返工,我地都冇佢辦法!!! 而家真係好!!! 迫佢休息,希望佢快d好返就好啦!!!!!!