畢生難忘30小時

自9/16凌晨既小兒科隱隱作痛痛開始,到9/17早上覆診,醫生話呢d唔係叫陣痛,應該未有耐生得,就覺得好似仲有排等...點知夜晚就開始覺得有異樣,就決定返爸爸媽咪到食埋晚飯就入院啦......

9/17 21:00 入院之後就去左侯產室,開始既時候我都冇咩特別,都係十分鐘痛一次,有少少緊張...到11點開始就增加左痛楚...次數都密左...周圍既人都係度嗌救命,搞到好似人間地獄咁...根本成晚都冇得訓,加上我真係好痛,第二日連早餐都食唔到,同姑娘講,"我好痛呀!!!",佢只會答"你未得架"......我一路痛一路後悔,唔知要痛幾耐...只係覺得痛~~~好痛~~~好好痛~~~連阿毛黎到,我都唔想見,唔想講...只係想屎左去......

9/18 14:00 探病時間過左,阿毛走左,得自己一個人,又好似好無助,都唔知自己想點,姑娘不停叫我行多d,一路行一路痛...到晚餐時間18:00,阿毛又出現,情況比朝早更差,個人更加辛苦,又俾d姑娘話我唔食野,唔訓覺...根本咩都唔想食,痛到訓唔到...咁點呀!!??又到夜晚20:00,過左探訪時間,又得番一個人,開始好想喊,真係喊住咁唔想再等...問姑娘有冇得止痛,只係答我"冇架"...咁點解周圍d人有既...係咪我冇痛到嗌救命就冇呀!!!???其實由朝早開始已經兩.三分鐘痛一次,真係好似虛脫咁架啦~~~真係唔講得笑!!!

9/18 21:00 基本上係冇間斷咁痛,中間可以歇息既只有半分鐘至一分鐘...我心諗痛到咁都未得...都唔知捱唔捱到...咁去到23:00見到有醫生係度,又再同姑娘講,我真係好痛,就係咪都話自己好似穿左水啦~~~咁先有人理下我,叫個醫生睇下,個醫生就檢查下,未喎...唔係穿水喎.....個一刻真係想喊...跟住佢就話~~~"不過,已經開到7度啦,都得架啦!!!"~~~下!!!7度啦...頂!!!同你班人講好痛又唔信,屎到話未得...頂!頂!頂!!!下次我屎人都嗌晒救命咁啦...屎忍冇著數!!!

9/18 23:30 醫生話可以入產房,就即刻call阿毛過黎陪產,個刻既心情好好好緊張~~~

9/19 00:30 見到阿毛啦~~~不過都係好痛,唔知有咩反應,反而而家諗番起就好想喊...係產房都係等,繼續痛,助產姑娘話未得,就唯有大家等佢痛到得,冇間斷不停痛,感覺同之前聽過來人所講一樣,好痛好急,好想大大~~~

9/19 03:00 好急呀!!!真係好急呀!!!聽到隔離房個bb出世啦~~~咁我呢?!我真係好急啦!!!姑娘話未有跡象喎~~~再過一陣~~~唔係呢!?真係好急呀~~~咁姑娘又睇下~~~見到bb頭髮啦~~~咁你等等~~~佢先去著消毒衫過黎幫我~~~我就不停問得未呀~~~我要屙啦~~~因為佢又未ready,就咁屙,我知道會爆傷口~~~咁又不停問~~~我真係唔得啦~~~屙得未呀~~~都聽到阿毛不停講~~~忍多一陣,深呼吸~~~到佢一話屙得~~~短短十幾秒,阿b就出左世啦~~~姑娘舉起阿b問"佢係男仔定女仔呀~~~必答題~~~我冇晒氣咁答"男仔"~~~咁我就如釋重負咁~~~舒服晒~~~當姑娘抱阿b過黎俾我攬下個一刻~~~感覺係~~~點解佢咁熱既~~~哈哈~~~我冇感動到想喊~~~因為黎緊係我最驚既環節~~~縫針~~~

9/19 05:00 當推出產房,阿b放係我身邊,又再見番係門口等緊既阿毛~~~好開心~~~真係好開心~~~就係咁我地momosa之家又多左一個新成員啦~~~

今次整個生產過程係極度痛苦~~~不過,原來陪產真係好用,當你痛到不知所措既時侯,身邊有一個人支持自己,不斷提醒自己應該點做,真係好有用~~~都可以話係大家一齊經歷,感覺真係好好!!!!!!