柏柏返學~23&24th day

柏柏真係每日都有驚喜俾mama~~~mama禽晚仲擔心緊~心痛緊~~~點知~~~呢兩朝柏柏返學既態度已經唔同晒~~~禽日返到學校~~~只係見到miss christy係門口~~~量左體溫之後~~~柏柏自己拎左接送咭俾mama~~~一路都見唔到有老師出黎接柏柏~~~mama就叫柏柏自己入去~~~起初柏柏想mama一齊入~~~mama就話俾柏柏知~~~mama係唔入得架~~~柏柏好叻叻~~~自己入去換鞋啦~~~mama以為柏柏唔肯架~~~一心諗住等老師出黎接柏柏~~~點知~~~mama同柏柏講"byebye"同"see you"~~~柏柏就自己行左入去~~~好叻仔仔呀~~~估都估唔到呀~~~到左放學~~~都係好緊張咁走出黎~~~不過冇喊冇扭計啦~~~又令mama放心左~~~

到左今日~~~因為禽日好突然既改變~~~mama今朝都唔敢期望太多~~~只係希望柏柏唔會扭計~~~點知~~~車到達之際~~~柏柏同mama講"返學啦"~~~oh~~~mama都俾唔到反應~~~落車未入到門口就話搵"娟姐"啦~~~一見到娟姐就拎咭咭俾mama~~~之後就"see you"啦~~~mama好開心呀~~~今日仲見到miss chan同校長~~~仲可以傾左幾句~~~

mama將前兩日擔心既野講出黎~~~老師就話小朋友放左兩日假~~~通常返學個時都係扭計架~~~仲話柏柏而家好適應~~~學校既情況好理想~~~又會一齊工作~~~一齊唱歌~~~老師話柏柏唱歌又好似係屋企咁~~~跟唔到十足~~~但尾音一定有~~~haha~~~好好笑~~~仲會拍手跳舞~~~聽到都覺得好開心呀~~~

至於覺覺豬~~~其實都有~~~不過呢方面可能未係太習慣~~~都唔係豬得好熟~~~醒下豬下咁~~~而食飯方面~~~老師話其實柏柏食好多架啦~~~可能返到屋企~~~只係想引我地注意~~~所以就係咁要食~~~唔係實際需要~~~仲叫mama唔好俾咁多柏柏食~~~驚食大左個胃會痴肥喎~~~

mama又問柏柏係學校會唔會發脾氣~~~老師話柏柏係學校冇發脾氣架~~~好乖架~~~點解係屋企發脾氣呢~~~校長話柏柏又係引我地注意~~~叫我地係屋企多d抱佢~攬佢~~~柏柏會開心d架喎~~~校長留意到柏柏係學校做緊工作既時候~~~眼見老師行過~~~會靜靜望住~~~如果老師走過去攬柏柏一下~~~柏柏就會好開心~~~柏柏係鍾意其他人多留意佢~~~愛佢架~~~

今日放學~~~mama如常接柏柏放學~~~平時柏柏一支箭就走~~~今日係咁拖mama返入門口~~~原來柏柏要搵miss christy講"byebye"呀~~~柏柏又有新歡~~~鍾意左英文老師~miss christy~~~記得初初第一日返學~~~柏柏最驚係miss christy~~~估唔到而家愛上左佢呀~~~

柏柏慢慢慢慢認識更多老師~更多同學~~~慢慢慢慢慢慢就愛上返學啦~~~不過~~~下星期一唔知又會點~~~呢個weekend要講多d返學既野先得~~~