２００９年１１月１３日～～～ｂｂｓ擺左滿月宴～～～同柏柏當年一樣～～～都係大家屋企人一齊食下飯～～～唔隆重～～～不過好開心～～～
自從滿月宴之後～～～ｄａｄａ就開始返中更～～～ｍａｍａ既時間就變得少上加少～～～而且柏柏同ｍａｍａ又一齊病左～～～ｍａｍａ不停咳咳咳～～～柏柏亦一樣～～～最凍既兩日～～～因為柏柏未好返～～～都係留係屋企休息～～～ｍａｍａ既時間完全俾晒三個ｂｂｓ～～～食奶～換片～泵奶～覺覺豬～～～多得婆婆煮飯俾ｍａｍａ食～～～總算忙少一樣野～～～
２００９年１１月２０日～～～ｍａｍａ第一次單拖帶住ｂｂｓ～一推一揹咁去接柏柏放學～～～而成功返到屋企～～～其實柏柏係識時務既～～～知道ｍａｍａ單拖～～～就會乖乖跟住行～～～幫手推ｂｂ車～～～係一個好哥哥既榜樣～～～相反～～～如果ｍａｍａ同ｄａｄａ一齊既時候～～～柏柏就扭不停～～～都唔知係好定壞～～～不過作為一個兩歲既哥哥～～～ｍａｍａ已經覺得柏柏係一個好好好哥哥啦～～～
２００９年１１月２１日～～～柏柏就黎上ｋ１啦～～～其實ｍａｍａ都好鍾意而家間學校～～～係ｍａｍａ理想中既一套教學方法～～～不過冇直屬小學～～～又見其他朋友仔都四圍搵學校～～～ｍａｍａ都一於試下～～～搵左兩間咁大把～～～兩間都係一條龍學校～～～如果幸運地收左～～～就可以有機會省卻升小學既問題～～～咁岩報左既兩間學校都係同一日ｉｎｔｅｒｖｉｅｗ～～～ｍａｍａ就覺得機會比較渺茫啦～～～一切順其自然啦～～～
２００９年１１月２４日～～～ｄａｄａ開始返夜更～～～即係ｍａｍａ要半夜爬起身餵奶～～～雖然之前都要起身泵奶～～～但係要餵埋奶～換埋片～～～真係人都痴痴地～～～有時都唔知自己做緊咩～～～有時諗下～～～以前返工既日子～～～又或者未生ｂｂｓ既時候～～～成日都上網到凌晨～～～第二日都照返工～～～照湊柏柏～～～都係一日豬幾粒鐘～～～其實而家都係一兩點餵完就泵奶～～～三點幾覺覺豬～～～六點左右起身～～～但唔知點解～～～比起以前係攰ｎ倍～～～不得不認老～～～
２００９年１１月２５日～～～因為ｍａｍａ同ｄａｄａ都係地中海貧血既一份子～～～所以仔仔女女都有機會係地貧人～～～三個ｂｂｓ一出世就拎左臍帶血去驗～～～柏柏都係普通既輕微地貧人～～～即係同ｄａｄａ同ｍａｍａ係一樣～～～而細細ｂ～曉嵐就係一個完全冇地貧基因既～～～細ｂ～柏信就驗到係中型地貧～～～所以～～～呢一日就要去瑪麗醫院既血科睇啦～～～其實生ｂｂｓ之前～～～醫生都解釋過～～～ｍａｍａ同ｄａｄａ所生既ｂｂｓ係唔會係重型地貧人～～～最壞既都只會係中型～～～今日睇專科醫生～～～竟然有唔同既講法～～～醫生所講～～～冇１００％可以肯定細ｂ係唔會係重型～～～因為隨住成長～～～會不停變化～～～正常人既血色素～～～應該係大約１１－１２～～～而中型地貧大約就係７－８～～～如果低過７～就要食藥控制～～～如果只得４左右～就要輸血～～～因為地貧既關係～～～亦有可能引致脾臟發大而需要做手術切除部份～～～切除之後又可能會再發大～～～如果要輸血～～～又要食除鐵丸～～～其實有好多好多可能性～～～而家可以做既～～～就只係定期抽血～ｃｈｅｃｋ住血色素既指數～～～醫生所講既係每個人都唔同～～～講左好多唔同既ｃａｓｅ～～～有ｄ人可以一路都冇事～ｋｅｅｐ住７－８～即係屬於中型地貧～同正常人一樣～只需要係適當時候食除鐵丸～～～有ｄ人去到十幾歲至廿幾歲先會變做重型～即係得４－５～需要輸血～食藥～～～總之～～～呢個係一個會變變變既病～～～不過～～～醫生亦講到～～～以前呢個病係好似好嚴重～～～但係而家進步左好多～～～就算有呢個病都可以好正常咁生活～～～唔會有咩特別影響～～～佢既病人當中～～～有結左婚～生左小朋友～有大學生畢業做左醫生律師～～～仲有做歌手～～～總之～～～係呢個醫生口中所講既係唔似一種好嚴重既病～～～我地要做既～～～只係定期抽血～～～觀察住血色素既指數～～～只要唔低就冇問題～～～ｍａｍａ聽完之後～～～係擔心～因為始終有太多變化～～～不過都覺得細ｂ係會好叻架～～～呢一日細ｂ要開始抽血～～～門外聽到細ｂ既喊聲都心痛～～～以為ｍａｍａ都好堅強～～～但係細ｂ出左黎～～～見到佢喊得咁淒涼～～～就諗以後都要定期抽血～～～ｍａｍａ就忍唔住喊啦～～～因為係兒科部門～～～好多小朋友都好似睇慣左～～～幾歲大既小朋友都好叻～～～抽血之後都可以忍痛～～～真係好叻～～～其實ｄａｄａ同ｍａｍａ係樂觀既～～～總覺得細ｂ係冇事既～～～努力～～～加油就得架啦～～～
1 則留言:
唔怪得之咁耐都冇update個blog啦~~~辛苦晒~~~
張貼留言