２６個月啦～

柏柏２６個月大啦～～～其實睇返之前柏柏每個月既成長～～～真係變化好大～～～成日都希望細ｂｂｓ都可以大得好快～～～三個一齊走黎走去～～～激屎ｄａｄａ同ｍａｍａ～～～

柏柏而家已經好好好習慣返學既生活啦～～～睇得出柏柏返學既時候係好開心～～～學到好多野～～～柏柏返到屋企講好多好多野～～～而家仲可以同ｍａｍａ講出同學仔既名～～～不過講完個名之後個堆野就仲未聽得出係咩～～～

而柏柏又好鍾意學校既老師～～～都可以一一講俾ｍａｍａ知係邊個～～～暫時最愛都仲係ｍｉｓｓ　ｃｈｒｉｓｔｙ～～～每日返學見到都＂ｈｉｈｉ＂～～～放學又要走到面前ｓａｙ　ｇｏｏｄｂｙｅ～～～另外仲鍾意娟姐～ｍｉｓｓ　ｃｈａｎ～ｍｉｓｓ　ｒｕｂｙ同ｍａｒｙ校長喎～～～成日都提住呢幾個人～～～可能仲有講其他人～～～不過ｍａｍａ唔識～又聽唔出～～～

其實而家柏柏係學校已經冇著學習褲～～～老師話有時玩得太投入先會唔記得＂尿尿＂～～～其餘時間都識得講有需要啦～～～返到屋企～～～ｍａｍａ都一樣俾學習褲俾柏柏～～～因為有時照顧緊弟弟妹妹～～～驚柏柏有時等唔切～～～ｈａｈａ～～～不過～～～多數柏柏一講＂屙尿＂～～～就自己走入茅次除褲～～～企上櫈仔就尿尿～～～依然係屙得好興奮～～～

仲有一樣都應該係學校學既～～～就係好好好興奮～笑晒口咁同ｍａｍａ講＂哎呀～我放屁呀～好臭呀＂～～～
ｍａｍａ第一次聽到個時～～～差ｄ笑屎～～～

而家柏柏講既句子愈黎愈多～～～ｍａｍａ覺得柏柏組合句子既時候～～～諗下停下再完整講一句既過程好得得意～～～每次聽到都仲係好興奮～～～因為而家識講多左好多～～～每次發脾氣～又或者俾ｄａｄａ／ｍａｍａ鬧既時候～～～就多左好多藉口～～～懂得砌詞辨駁～～～聽到都唔知好嬲定好笑～～～

柏柏而家既作息時間好好～～～可能返學真係太多野玩～～～玩得太攰～～～每日放學返到屋企玩一陣就主動要食飯～～～食完玩一陣就會話＂眼訓＂～＂訓覺啦＂～～～大約都係七點至八點就覺覺豬啦～～～朝早就六點至八點起身～～～因為ｍａｍａ多數六點起身泵奶～～～有時柏柏轉身發現唔見左就彈埋起身～～～有時就可以豬到八點先俾ｍａｍａ剷起床～～～雖然太早豬豬既關係而大大減少左夜間出街既活動～～～不過都係一個良好既習慣～～～

至於對住弟弟妹妹～～～間中都仲會呷醋～～～試過俾弟弟妹妹嘈醒～～～見到ｍａｍａ／ｄａｄａ餵緊奶既時候～～～會好呷醋～～～要ｄａｄａ同ｍａｍａ抱抱～～～不過多數呷醋既時候都係柏柏扭眼訓既時候～～～其餘時間都好好～～～柏柏會幫手掃風～～～亦好成功掃到～～～又會周不時ｋｉｓｓ弟弟妹妹～～～有時ｂｂｓ係床仔喊～～～柏柏會走入去望下～～～跟住講一堆野～～～好似係叫佢地唔好喊之類～～～ｍａｍａ好開心～～～柏柏其實真係好叻仔～～～弟弟妹妹好快大個就可以陪柏柏一齊玩啦～～～

原來２６個月大既柏柏真係大個左架～～～ｍａｍａ成日以為上年既冬季衫都仲可以著～～～原來有好多都唔岩著啦～～～又可以大大大出血咁買～～～不過而家一至五都返學～～～原來著去街衫既機會都少左好多呀～～～

就黎過第三個ｘ’ｍａｓ啦～～～今年柏柏大個仔～～～又識得聖誕老人～～～ｄａｄａ同ｍａｍａ要買一份大大大既聖誕禮物俾柏柏～～～獎勵一下咁乖乖咁乖仔先得～～～