多多,您要記得我呀!!!

呢幾日不停落雨,阿毛又返夜!!!真係好悶!!!幸好,禽日同今日都有d搞作,就係潛入隔離屋探我既至愛~多多!!!之前都有過去坐下,但係,唔係獨處係有d唔同既!!!

真係好耐冇同多多一齊玩,禽晚第一眼佢好似真係唔係好認得我!!!好似有d猶疑,再加上LEO大佬施展嗲功,多多更加冇機會埋身...好彩,今朝一開門,佢已經不停喵喵喵我,呵呵...果然叻女,不負我所望,不愧為我既至愛之一!!!我即時冧到暈,抱上手就仲嗲,真係今晚訓覺諗起都笑醒呀!!!

我仲好記得我第一次見多多既時候,我簡直係卑視,諗唔到點解佢會咁醜樣,但係,當我同佢只係相處左一.兩晚,我完全俾佢吸引住,係愛得要屎...個時無論去到邊,都想帶埋佢去架!!!我仲好好好記得當日佢要番屋企個一刻,我真係喊足一晚呀!!!

多多對我黎講,真係有一種吸引力,係唔識點形容,佢真係好好好得意架!!!而家醜小鴨變左小天鵝,就更加吸引!!!佢係我心目中真係至cutie既bb!!!