柏柏返學~21&22th day

柏柏返左學已經一個幾月啦~~~禽日開始返全日啦~~~時間由0845~1630~~~時間真係好長~~~之前柏柏都可以話適應左~~~但係禽日開始~~~放學見到mama又喊啦~~~今日朝早返到門口~~~唔肯落車~~~同mama講"唔要"~~~唉~~~mama真係好心痛~~~每日一起身~~~見一陣就要返學~~~放學返黎玩一陣~~~見佢又眼訓又肚餓~~~一路食飯一路發脾氣~~~睇得出柏柏真係好攰~~~食飽飽一陣就眼訓~~~呢兩晚都係唔夠九點就上床豬豬啦~~~根本冇時間玩~~~好陰公呀~~~

mama真係仲掙扎緊點算好~~~如果唔係覺得呢間學校好~~~全日真係no good呀~~~以前係屋企玩完就食~~~食完就訓~~~訓醒又玩又食~~~好自由~~~而家日日都要返學~~~真係好似冇晒時間~~~雖然mama都知呢個係必經階段~~~但係好似黎早左d~~~唔夠訓係一個好大問題~~~其次係食唔飽~~~唉~~~點算好呢~~~想快d轉一間又好又係半日既學校呀~~~

今晚mama同柏柏一齊覺豬既時候~~~聽到柏柏飲泣呀~~~唔知係咪唔想聽日起身又返學呢~~~好可憐~~~mama真係好唔捨得tim~~~

其實dada同mama已經盡量俾多d時間柏柏~~~陪佢玩多d~~~mama今日大掃除~~~執好晒玩具既位置~~~玩得易d~~~開心d~~~dada今日等柏柏放學返黎~~~又帶左佢落樓下踩單車~~~睇好耐冇睇過既龜龜~~~dada話柏柏玩得好開心~~~但係柏柏返完一日學~~~又再去玩~~~都始終好攰~~~返到屋企都好似冇晒energy~~~唔再好似以前咁~~~有無窮無盡既精力啦~~~

問題可唔可以解決到呢~~~再試多一個月~~~睇下下一步應該點做先得~~~